Swahili Bible2

32

1Kandi abantu obubaboine Musa aikaireyo okutasirimuka okuruga ha rusozi, abantu bayesoroleza hali Aroni, baumugambira ngu Imuka, otuko’re baruhanga abaratwebemeraga; baitu Musa ogu, omusaija ayatuihire omu nsi ya Misiri, titumanyire okwabaire. 2Aroni yabagambira ati Mucwemu empeta ezezabu, eziri omu matu gabakazi banyu, muzindetere. 3Abantu bona bacwamu empeta ezezabu, ezikaba ziri omu matu gabu, baziretera Aroni. 4Aroni yaziiha omu ngaro zabu, yazikora nekyoma ekisarura, yazifora enimu eyagibwe: bagamba ngu Ka mbanu baruhanga bawe, ai Isareri, abakuihire omu nsi ya Misiri. 5Aroni obuyaboine, yayombeka ekyoto omu maiso gayo; Aroni yaragira ati Nyenkya, haraba obugenyi hali MUKAMA. 6Baimuka kara nyenkya, bahayo ebihongwa ebyokeze, baleta ebihongwa ebyobusinge; kandi abantu baika’ra okulya nokunywa, baimuka okuzaana.

7MUKAMA yagambira Musa ati Genda, osirimuke, baitu abantu bawe abawaihire omu nsi ya Misiri, besisire: 8bahungukire bwango nibaruga omu muhanda ogunabaragire: bakozire enumi eyagibwe, kandi bagiramize, kandi bagisalire ebyonzira nibagamba ngu Kambanu baruhanga nga bawe, Isareri, abakuihireyo omu nsi ya Misiri. 9MUKAMA yagambira Musa ati Mboine abantu banu, kandi dora, nibo bantu 10abengoto egumire: nukwo hati ndeka, ekiniga kyange kyake muno namberebali, mbahwerekereze: kandi ndifora iwe ihanga erikuru. 11Musa yayesengereza MUKAMA Ruhangawe, yagamba ati MUKAMA, kiki ekiniga kyawe okwaka muno hali abantu bawe, abawaihireyo omu nsi ya Misiri nobusobozi bwingi nomukono gwamani? 12Kiki Abamisiri olibagambisa ngu Akabaihayo habwaki, okubaitira omu nsozi, nokubamaraho ha maiso gensi? Hinduka noleka ekiniga kyawe ekingi, oyeyijukye habwakabi ako hali abantu bawe. 13Ijuka Iburahimu, na Isaka, na Isareri, abairu bawe, abawarahirire wenka, wabagambira oti Ndikanyisa oruzaro rwawe nkenyunyuzi ezahaiguru, nensi egi yona eyingambireho ndigiha oruzaro rwawe, kandi baligigwetwa ebiro byona. 14MUKAMA yayeijukya akabi akayagambire okukora abantube.

15Musa yahinduka yasirimuka orusozi, anyina ebibali bibiri ebyobwakaiso omu ngaroze’ ebibali ebyahandikirweho embaju zombi; bikahandikwa ha rubaju orumu na ha rubaju orundi. 16Kandi ebibali gukaba guli mulimo gwa Ruhanga, nekihandiko kya Ruhanga, kihandikirwe ha bibali. 17Kandi Yosuha obuyahulire obwogo bwobulemu omu rukande. 18Yagamba ati Tiriri iraka eryabo abarukutoka habwokusingura, nobulyakuba iraka eryabo abarukutoka habwokusingurwa: baitu nubwo bwogo bwabarukuzina obundukuhu’ra. 19Kandi kyahika, obuyahikire haihi norukande, nubwo yarora enimi nokuzina ekiniga kya Musa kyayaka muno, yanaga ebibali omu ngaroze, yabyata hansi yorusozi. 20Yakwata enimi eyibakozire, yagyokya nomu’ro, yagisangura muno, yagimisira ha maizi, yahambiriza abana ba Isareri okuganywaho. 21Musa yagambira Aroni ati Abantu banu bakakora ki, iwe okubaletaho ekibi ekikoto? 22Aroni yagamba ati Ekiniga kya mukama wange kireke okwaka muno: omanyire abantu banu, bamalirire okusisa. 23Baitu bakangambira ngu Otuko’re baruhanga abalitwebembera: baitu Musa ogu, ya Misiri, titurikumanya ekyabaire. 24Nabagambira nti Omuntu wena anyakuyina ezabu yona agicweho, nukwo bagimpa: naginaga omu mu’ro, harugamu enimu egi. 25Kandi Musa obuyaboine abantu bajukire, baitu Aroni akaba abalekere okujuna okusekerezebwa 26abanyanzigwa batu: nubwo Musa yayeme’ra omu irembo eryorukande nagamba ati Omuntu wena ali habwa MUKAMA aije namberendi. 27Yagambira ati Nukwo MUKAMA Ruhanga wa Isareri agambire ati Muhagatire omuntu wena busitamaye, mugendegende okuruga ha irembo okuhikya ha irembo omu rukande rwona, muite omuntu wena mugenziwe, kandi omuntu wena mwene wabu, kandi omuntu wena mutahiwe. 28Abana ba Levi bakora nkekigambo kya Musa: hafa ha bantu ha kiro eki abasaija nkenkumi isatu. 29Musa yagamba ati Mweyeze inywenka hati hali MUKAMA; ego, omuntu wena habwokurwana na mutabaniwe, na mugenziwe; nukwo abahe omugisa ha kiro kinu. 30Kandi kyahika obuire obubwakire nyenkya, Musa yagambira abantu ati Mukakora ekibi ekikoto: kandi hati bunu ndatemba hali MUKAMA, rundi ndalihi’ra ekibi kyanyu. 31Musa yagarukayo hali MUKAMA, yagamba ati Ai bambi, abantu banu bakakora ekibi ekikoto, bakeko’ra baruhanga bezabu. 32Baitu hati bunu, obworaikiriza okuganyira ekibi kyabu-baitu obwotoikirize, ondagaze nkwesengereize, omu kitabu kyawe ekiwahandikire. 33MUKAMA yagambira Musa ati Omuntu wena anyakunsisire, nuwe ndaragaza omu kitabu kyange. 34Kandi hati bunu genda, oyebembere abantu obahikye omu kiikaro eki ekinakugambire: dora maraika wange alikwebembera: kandi ha kiro ekindikujunanizibwamu, ndibajunanizibwa ekibi kyabu. 35MUKAMA yatera abantu, baitu babakora enimi, Aroni eyiyakozire.