Swahili Bible2

3

1KANDI Musa akaba nalisa igana lya Yesero isezara, nyakatagara wa Midian: yatwara igana enyuma yirungu, yahika ha rusozi rwa Ruhanga Holebu.

2Mairaika wa MUKAMA yamubonekera omu rulimi rwomu’ro okuruga hagati yorusaka: yarole’ra kandi dora, orusaka rwakya omu’ro orusaka rutasirire. 3Musa yagamba ati Kankubutuke hati, ndole ekigambo kinu ekikuru, orusaka okutasirira. 4MUKAMA obuyabonie akubutukire okurora, Ruhanga yamweta nayema hagati yorusaka, yagamba ati Musa, Musa. Yagamba ati Ndi hanu 5Yagamba ati Otai’ra hanu; ihamu enkaito omu bigere byawe, baitu nambere oyemerire nuho harukwera. 6Kandi yagamba ati Nyowe ndi Ruhanga wa ‘so, Ruhanga wa Iburahimu, Ruhanga wa Isaka, kandi Ruhanga wa Yakobo. Musa yasweka amaisoge; baitu akatina okurora Ruhanga. 7MUKAMA yagamba ati Mananukwo mboine omuhito gwabantu bange abali Misiri, kandi mpulire oku’ra kwabu habwabo ababakoza, baitu 8manyire obujune bwabu; kandi nsirimukire okubakiza omu mukona Gwabamisiri nokubatembya okuruga omu nsi eri batahe omu nsi ijuire amata nobwoki; omu kiikaro Ekyomukanani, Nekyomuyebusi. 9Na hati dora, oku’ra kwabana ba Isareri kuhikire namberendi kandi mboine okwerenge’ra Abamisiri okubarukuberenge’ra.

10Nukwo oije hati, kandi ndikutuma hali Faraho, oiheyo abantu bange abana ba Isareri omu Misiri? 11Musa yagambira Ruhanga ati Ninyoweho, okugenda hali Faraho nokuihayo abana ba Isareri omu Misiri? 12Yagamba ati Mazimakwo ndiba hamu naiwe; kandi kanu kaliba akokuro’raho haliwe okunkutumire obwolikamarayo okuihayo abantu omu Misiri mulihereza Ruhanga ha rusozi runu. 13Musa yagambira Ruhanga ati Dora, obundigenda hali abana ba Isareri, nimbagambira nti Ruhanga owa baisenkuru inywe antumire halinywe; nyowe antumire halinywe; nabo balingambira ngu ibaralye nuwoha? Ndibagambira nta? 14Ruhanga yagambira Musa ati Ndi nkokundi: yagamba ati Nukwo alibagambira abana ba Isareri ati Ndinuwe antumire halinywe. 15Kandi Ruhanga yagambira Musa ati Nukwo olibagambira abana ba Isareri oti YAHWE, Ruhanga wa Iburahimu, Ruhanga wa Isaka, kandi Ruhanga wa Yakobo, nuwe yantumire halinywe; eri niryo ibara lyange ebiro byona, kandi eki nikyo kiijukyo kyange obusinge bwona, 16Genda osoroze abakuru ba Isareri hamu, obagambire oti YAHWE, Ruhanga wa baisenkuru inywe, Ruhanga wa Iburahimu, Ruhanga wa Isaka, kandi owa Yakobo, nuwe yambonekire, nagamba ati Mananukwo mbaizirire, mboine ebimuko’rwa Misiri; 17kandi ngambire nti Ndibatembya okubaiha omu muhito gwa Misiri, okutaha omu nsi Eyomukanani, Nomuhiti, Nomwamoli, Nomuperizi, Nomuhivi, Nomuyebusi, omu nsi ijuire amata nobwoki. 18Kandi balihu’ra iraka lyawe: naiwe oligenda, iwe nabakuru ba Isareri, hali omukama wa Misiri, mulimugambira muti YAHWE, Ruhanga Wabaheburoniya atutangatangaine: nukwo hati otwohereze tugende, tukwesengerize, orugendo orwebiro bisatu om irungu, tusa’re ekyonzira MUKAMA Ruhanga waitu. 19Kandi manyire omukama wa Misiri talibohereza okugenda, nagwa, nomukono gwamani. 20Nanyowe ndigo’ra omukono gwange, nditera Misiri nebyamahano byange byona ebindikora hagati yayo: kandi hanyuma yabyo alibalekera. 21Kandi ndibaha abantu banu okugonzebwa omu maiso Gabamisiri: kandi kirihika obumulirugayo, timulirugayo kwonka: 22baitu omukazi wena alisaba mutahiwe, nogu aikara omu njuye ebintu byefeza, nebintu byezabu, nengoye, kandi mulibita ha batabani banyu, na ha bahara banyu: mulinyaga Abamisiri.