Swahili Bible2

29

1KINU nikyo olibakora okubeza, bamperezege omu bunyakatagara oliiha enumi emu ento, nentama empaya ibiri 2ezitaroho kamogo, nomugati ogutatumbisibwe, nobugati obutatumbisibwe obutugwire namagita, necupati ezitatumbisibwe ezisigirweho amagita: olibakora nensano enungi eyengano. 3Kandi olibata omu kiibo kimu, olibereta omu kiibo hamu nente nentama empaya ibiri. 4Kandi Aroni na batabanibe olibaleta ha mulyango gwehema yokutangatanganiramu, olibogya namaizi. 5Kandi olikwata ebyokujwara, olijweka Aroni ekizibaho na busuti ya efodi, na efodi, nekyahakifuba, olimutega nomweko gwa efodi ogurukirwe namagezi: 6kandi olita ekiremba ha mutwegwe; kandi olita ekondo erukwera ha kiremba. 7Nubwo olikwata amagita ogokusesaho, oligasesa hamutwegwe, nomusesera amagita. 8Kandi olireta batabanibe, olibajweka ekanzu. 9Kandi olibatega nemyeko, Aroni na batabanibe, olibataho ebihuta; kandi baraikaraga nobunyakatagara omu kiragiro ekitalihwaho: kandi olisororamu Aroni na batabanibe. 10Kandi olireta enimi omu maiso gehema yokutangatanganirimu: Aroni na batabanibe balita emikono yabu ha mutwe gwenimi. 11Kandi olisara enimi omu maiso ga MUKAMA, ha mulyango gwehema yokutangatanganiramu. 12Kandi olitwara ebisajwa byona ebiri ha byomunda, nensahu eyaha bune, nengiso zombi, nebisajwa ebiziroho, olibyokya ha kyoto. 13Kandi olitwala ebiswaja byona ebiri ha byomunda, nensahu eyaba bune, nensigo zombi, nebisajwa ebizoroho, olibyokya ha kyoto. 14Baitu enyama eyenimi, nomuguta gwayo, nefa yayo, olibyokya nomu’ro aheru yorukande: nikyo kihongwa kyebibi. 15Kandi olikwata entama empaya emu; Aroni na batabanibe balita emikono yabu ha mutwe gwentama empaya. 16Kandi oliita entama empaya, oliiha ha sagama yayo, oligimisira ekyoto ha mbaju zona. 17Kandi olisara entama empaya omu bicweka byayo, noyogya ebyomunda yayo, namaguru gayo, olibita hamu nebicweka byayo, nomutwe gwayo. 18Kandi olyokya entama empaya yona ha kyoto, nikyo kihongwa ekyokeze hali MUKAMA: nikyo kisorokoko ekirungi, ekihongwa ekikorwa nomu’ro hali MUKAMA. 19Kandi olikwata entama empaya eyakabiri; Aroni na batabanibe balita emikono yabu ha mutwe gwentama empaya. 20Nubwo olisara entama empaya, oliiha ha sagama yayo, oligita ha nsonga yokutu okwobulyo kwa Aroni, kandi ha nsonga eyokutu okwobulyo okwa batabanibe, kandi na ha kyara kisaija ekyomukono gwabu ogwabulyo, na ha kyara kisaija ekyekigere kyabu ekyobulyo, olimisira esagama ekyoto ha mbaju zona. 21Kandi oliiha ha sagama enyakuli ha kyoto, na ha magita agokusesaho, olibisimira Aroni, na ha byokujwarakwe, na ha batabanibe, na ha byokujwara bya batabanibe hamu nauwe: nauwe alyezebwa nebyokujwarabye, na batabanibe, nebyokujwara bya batabanibe hamu nauwe. 22Kandi oliiha ha bisajwa byentama empaya, nobutere obwebisajwa,nebisajwa ebirukusweka ebyomunda, nensahu eya ha bune, nensigo zombi, nebisajwa ebiziroho, nekirumbu ekyobulyo; baitu niyo entama empaya eyokusororamu: 23nomugati gumu, nakagati kamu akatugirwe namagita, necupati emu, olibiiha omu kiibo ekyomugati ogutatumbisibwe ekiri omu maiso ga MUKAMA: 24kandi olibita byona ha mikono ya Aroni, na ha mikono eyabanabe; olibihungya okuba ekihongwa ekyokuhungyahungya omu maiso ga MUKAMA. 25Kandi olibiiha ha mikono yabu, olibyokya ha kyoto, ha kihongwa ekyokeze, okuba ekisorokoko ekirungi omu maiso ga MUKAMA: nikyo kihongwa ekikorwa nomu’ro hali MUKAMA. 26Olikwata embanda yentama empaya eya Aroni eyokusororamu, oligihungyahungya okuba ekihongwa ekyokuhungyahungya omu maiso ga MUKAMA: 27Kandi olyeza embanda eyekihongwa ekyokuhungyahungya, nekirumbu ekyekihongwa ekyokuhungyahungya, nekirumbu ekyekihongwa ekihimbwa, ekibahungyahungya kandi ekibahimba, ekyentama empaya eyokusororamu, niyo egi aya Aroni, negi eya batabanibe. 28Kandi erabaga ya Aroni nabatabanibe nkibanja ebiro byona hali abana ba Isareri: baitu nikyo kihongwa ekihimbwa kandi kirabaga kihongwa ekihimbwa ekiruga hali abana ba Isareri ekyebyonzira ebyebihongwa byabu ebyobusinge, nikyo kihongwa kyabu ekihimbwa hali MUKAMA. 29Nebyokujwara ebirukwera ebya Aroni birabaga bya batabanibe abalimukuratira, okuseswaho amagita omwebi. 30Mutabani ali nyakatagara omu kiikarokye alibijwara’ra ebiro musanju, obwalitaha omu hema yokutangatanganiramu okuhereza omu kiikaro ekirukwera. 31Kandi olikwata entama empaya eyokusorora, olicumba enyama yayo omu kiikaro kyona ekirukwera. 32Kandi Aroni na batabanibe balirya enyama eyentama empaya, nomugati oguli omu kiibo, ha mulyango ogwehema yokutangatanganiramu. 33Kandi balirya ebi ebyokulihiriza, okubisorora nokubyeza: baitu omunyaihanga atalibilyaho, baitu nibyo birukwera. 34Kandi obuhalisigaraho ha nyama eyokusorora, rundi ha mugati, okukiisa obuire, nubwo olyokya ebisagireho nomu’ro tiburibwa, baitu nibyo birukwera. 35Kandi nukwo olikora oti Aroni, na batabanibe, nka byona okubiri ebinkuragire: olibisoro’ra ebiro musanju. 36Kandi bukyabukya orahongaga enimi eyekihongwa kyekibi habwokulihi’ra: kandi olikisesa amagita, okukyeza. 37Olimara ebiro musanju nolihi’ra ekyoto, nokyeza: kandi ekyoto kiriba ekirukwera muno: kyona ekirikora ha kyoto kirifoka ekirukwera.

38Kandi kinu nikyo orahongaga ha kyoto; ebyana byentama bibiri ebitakahikize omwaka gumu bukyabukya obutosa. 39Ekyana kyentama ekimu orakihongaga nyenkya; nekyana kyentama ekindi orakihongaga akairirizi. 40kandi hamu nekyana kyentama kimu orahongaga ekicweka kya ikumi eya efa yensano enungi etugirwe nikicweka kyakana ekya hini yamagita agahonzirwe; nekicweka kyakana ekya hini yamarwa okuba ekihongwa ekyokunywa. 41Nekyana kyentama ekindi orakihongaga akairirizi, kandi orakikoraga nkekihongwa ekyebyokulya ekya nyenkya, kandi nkekihongwa kyakyo ekyokunywa, okuba ekisorokoko ekirungi, ekihongwa ekikorwa nomu’ro hali MUKAMA. 42Kandi kirabaga ekihongwa ekyokeze ekyobutosa okuhikya obusinge bwanyu ha mulyango gwehema yokutangatanganiramu omu maiso ga MUKAMA: nuho ndatangatanganiranga nainywe okubaliza oku hamu naiwe. 43Kandi nuho ndatangatanganiraga nabana ba Isareri; kandi Ehema eryezebwa nekitinisa kyange. 44Kandi ndyeza ehema yokutangatanganiramu, nekyoto: na Aroni nabatabanibe ndibeza, okuherezaga namberendi omu bunyakatagara. 45Kandi ndaikaraga hagati yabana ba Isareri, kandi ndabaga Ruhanga wabu. 46Kandi balimanya ngu Ninyowe MUKAMA Ruhanga wabu, ayabaihireyo omulibo: ninyowe MUKAMA Ruhanga wabu.