Swahili Bible2

28

1KANDI oliiriza haihi namberoli Aroni mugenzi wawe, na batabanibe hamu nauwe, okuruga omu bana ba Isareri, amperezege omu bunyakatagara, mbanu, Aroni, na Nadabu, na Abibu, na Eryeza, na Itama,batabani ba Aroni. 2Kandi oliko’ra Aroni mugenzi wawe ebyokujwara ebirukwera, habwekitinisa na habwoburungi. 3Kandi oligambira bona abanyina omutima ogwamagezi, abanaijuze omwoyo gwamagezi, bakole ebyokujwala bya Aroni okumweza, amperezege omu bunyakatagara. 4Binu nibyo byokujwara ebibalikora; ekya ha kifuba, na efodi, na busuti, nekizibaho ekyamabara, nekiremba, nomweko: kandi baliko’ra Aroni mugenzi wawe nabatabanibe ebyokujwara ebirukwera, amperezege omu bunyakatagara. 5Kandi baliiha hazabu, nezebu’ru, nezirukugajuka, nezirukunanata, nezekitani ezirukirwa kurungi.

6Kandi balikora efodi ya zabu, nengoye za bu’ru, nezirukugajuka, nezirukunanata, nezikitani ezirukirwe kurungi, omulimo gwomukozi wamagezi. 7Eriba nebicweka bibiri ebyaha mabega ebiteranizibwa ha mikugiro yayo ebiri; nukwo eteranizibwa hamu. 8Nomweko ogurukirwe namagezi ogugiroho ogwokugitega omunda, gulingangaina nomulimo gwayo, kandi gworugoye rumu; ogwezabu, nengoye za bu’ru, nezirukugajuka, nezirukunanata nezikitani ezirukirwe kurungi. 9Kandi olitwara obubale bubiri obwa beruli, kandi olibusasuraho amabara gabana ba Isareri: 10amabara gabu mukaga ha ibale erimu, namabara gabu mukaga agasigaraho ha ibale eryakabiri, nkokubazairwe. 11Nomulimo ogwomusaruzi wamabale, nkokusarurwa okwakokuro’raho, nukwo olisasurwa oti amabale abiri, nkamabara gabana ba Isareri okugali: oligakwasa engata ezezabu. 12Kandi olita amabale abiri ha byaha mabega ebya efodi, gabege amabale agokuijukya habwabana ba Isareri: kandi Aroni arahimbaga amabara gabu omu maiso ga MUKAMA ha mabegage abiri okuba ekiijukyo.

13Kandi olikora engata ezezabu; 14nemikufu ebiri ezezabu enungi; oligikora nkemiguha omu mulimo ogwokwongosa: kandi olita emikufu eyongosirwe ha ngata. 15Kandi olikora ekyaha kifuba ekyokucwa emisango, omulimo ogwomukozi owamagezi; nkomulimo ogwa efodi nukwo olikikora, oti; kyezabu nengoye za bu’ru nezirukugajuka, nezirukunanata, nezekitani ezirukirwe kurungi, nukwo olikora oti. 16Kiriinganingaina embaju zona kikubirwemu; okuraiha kwakyo kuliba orutambu rumu, nobugazi bwakyo buliba orutambu orumu. 17Kandi olitabiramu obubale, enka’ra ina ezobubalie: orunyi’ri orwokubanza orwa sadiyo, na topazi na kabunkulo; 18norunyi’ri orwakabiri, akabale kekijubwa, safiro, na alimasi; 19norunyi’ri orwakasatu, yakinso, na sebu, na amesusito, yakinso 20na sebu, na amesusito; norunyi’ri orwakana beruli na onukisi, na yasipere: obu bulikwasibwa nezabu okubutabiramu. 21Kandi obubale buliba nkamabara gabana ba Isareri okugali, ikumi nobubiri, nkamabara gabu okugali; nkokusasurwa okwa akokoro’raho akabale kona nkibara lyako okuliri, nukwo buliba buti habwenganda ikumi na ibiri. 22Kandi olikora ha kyaha kifuba emikufu nkemiguha, eyomulimo ogwongosirwe ogwezabu enungi. 23Kandi olikora ha kyaha kifuba empeta ibiri ezezabu, kandi olita empeta ibiri ha nsonga ibiri eza ekyaha kifuba. 24Kandi olita emikufu ebiri eyongosirwe eyezabu ha mpeta ibiri eziri ha nsonga ezekyahakifuba. 25Kandi ensonga ibiri ezindi ezemikufu eyongosirwe olizita ha ngata ibiri, kandi olizita ha byahamabega ebya efodi, ha kicweka kyayo ekyomumaiso. 26Kandi olikora empeta ezezabu ibiri, olizita ha nsonga ibiri ezekyaha kifuba, ha mukugiro gwayo, oguli ha rubaju rwa efodi orwomunda. 27Kandi olikora empeta ibiri ezezabu: olizita ha bicweka bibiri ebya efodi hansi, omu kicweka kyayo ekyomu maiso, haihi norubaziro rwayo, eruguru yomweko gwa efodi ogurukirwe namagezi. 28Kandi baliboha ekyaha kifuba nempeta zakyo ha mpeta eza efodi nakakoba ka bu’ru kiikalege ha mweko gwa efodi ogurukirwe namagezi, kandi ekyaha kifuba kitalisumu’rwa ha efodi. 29Kandi Aroni arahimbaga ambara gabana ba Isareri omu kyaha kifuba ekyokucwa emisango ha mutimagwe, obwaratahaga omu kiikaro ekirukwera, okubaga ekiijukyo omu maiso ga MUKAMA obutosa. 30Kandi olita omu kyahakifuba ekyokucwa emisango Ulimu na Tumimu, birabaga ha mutima gwa Aroni, obwaragendaga omu maiso ga MUKAMA kandi Aroni arahimbaga emisango eyabana ba Isareri ha mutimagwe omu maiso ga MUKAMA obutosa.

31Kandi olikora busuti eya efodi eya bu’ru yonka. 32Kandi eriba nebikya hagati yayo hokurabya omutwe: kandi eribaho muyondo ogurukirwe okwehinguliriza ebikya byayo, nkebikya ebyekizibaho ekyebyoma, atatemuka. 33Kandi ha byebu byabo olikoraho nkamakomamahanga agehuzi za bu’ru nezirukugaijuka, nezirukunanata, okwehinguliriza ebyebu byayo; nenjogera ezezabu hagati yago okwehinguliriza: 34enjogera eyezabu emu nikomahanga limu, ha byebu bya busuti okwehinguliriza hona. 35Kandi erabaga ha Aroni okuhererezamu: nokugamba kwayo kurahu’rwaga obwaratuhaga omu kiikaro ekirukwera omu maiso ga MUKAMA, kandi obwaraturukaga, atafa.

36Kandi olikora ekibali ekyezabu enungi, olisaruraho, nkokusarura okwaakokuro’raho, ARUKWERA HALI MUKAMA. 37Kandi olikita ha kagoye ka bu’ru, kirabaga ha kiremba; ha buso bwekiremba nuho kirabaga. 38Kandi kirabaga ha buso bwa Aroni, kandi Aroni alibaho okutahiki’ra okwebintu ebirukwera, abana ba Isareri ebibalyeza omu bisembo byabu byona ebirukwera: kandi biraikaraga obutosa ha busobwe, bo baikirizibwege omu maiso ga MUKAMA. 39Kandi oliruka ekizibaho nobuteko obwengoye ezekitani ezisemire, kandi olikora omweko, omulimo ogwomudalizi. 40Na batabani ba Aroni olibako’ra emyeko, kandi olibako’ra ebihuta, habwekitinisa na habwoburungi. 41Kandi olibita ha Aroni mugenzi wawe, na ha batabanibe hamu nauwe; olibasesaho amagita, obasorolemu, kandi obeze, nukwo bamperezage omu bunyakagara. 42Kandi olibako’ra seruwale ezekitani okusweka enjuro zemibiri yabu; okuruga omunda nokuhikya ha bibero: 43zirabaga ha Aroni na ha batabanibe obubaratahaga omu hema eyokutangatanganiramu, rundi obubara’raga ha kyoto okuhereza omu kiikaro ekirukwera; batatweka okutahiki’ra, nibafa; kiraikaraga ekiragiro obusinge bwona haluwe na hali baijukurube abalimukuratira.