Swahili Bible2

27

1KANDI olikora ekyoto ekyomuti omusisa, okuraiha kwakyo mikono etano, nokugaliha kwakyo mikono etano; ekyoto kiriinganaingana: oburaibura bwakyo buliba emikono esatu. 2Kandi olikora amahema gakyo ha burugu bwakyo buna: amahembe gakkyo galiba gomuti gumu hamu nakyo: kandi olikisweka nemiringa. 3Kandi olikora ebinaga byakyo, ebyokuyo’ramu iju lyakyo, bebifuka byakyo,nebindi byakyo, nengango zenyama, nebiswa byakyo: ebintu byakyo byona olibikora nemiringa. 4Kandi olikiko’ra ekisengijo ekyomulinga, kandi ha kisengijo olikora empeta ina zemiringa ha burugu bwakyo buna. 5Kandi olikita hansi yomugoma ogurukwehinguliriza ekyoto hansi, eksengijo kihike haiguru, hagati yoburaibura bwekyoto. 6Kandi olikora emigamba habwekyoto, emigamba eyomuti omusisa, oligisweka nemiringa. 7Nemigamba yakyo oligita omu mpeta, emigamba eriba omu mbaju, zombie ezekyoto, okukihimba. 8Olikora nembaho ezembaju, nosiga omwanya omunda: nkokuwaragirwe ha rusozi, nukwo balikora bati.

9Kandi olikora ezigati eyehema; ha rubaju orwobukizi bwobulyo, ha bukizi bwobulyo halihaho ebikingye ebyezigati ebyengoye ezekitani ezirukirwe kurungi, orubaju rumu okuraiha kwarwo mikono kikumi: 10ne nyomyo zabyo ziriba amakumi abiri, ebintu ebyemiringa; ebikwaso ebyenyomyo nebikomo byayo byefeza. 11Kandi nukwo ha rubaju orwobukizi bwemoso halibaho ebikingyo, okuraiha kwabyo mikono kikumi, nenyomyo zabyo amakumi abiri, nebina byazo amakumi abiri ebyemiringa: ebikwaso byenyomyo nebikomo byazo byefeza. 12Kandi habwobukizi obwezigati ha rubaju orwobugaizoba haliba ebikingyo ebyemikono amakumi atano; enyomyo zabyo ikumi, nebina byazo ikumi. 13Kandi habwobukizi bwezigati ha rubaju orwoburugaizoba haliba mikono amakumi atano. 14Ebikingyo ebyorubaju orumu orwomulyango biriba byemikono ikumi netano: enyomyo zabyo isatu, nebina byazo bisatu. 15Kandi ha rubaju orundi halibaho ebikingyo ebyemikono ikumi netano enyomyo zabyo isatu, nebina byazo bisatu. 16Na habwirembo eryezigati haliba ekikingyo ekyemikono abiri, ekyengoye eza bu’ru, nezirukugajuka, nezirukunanata, nezekitani ezirukirwe kurungi, omulimo gwomudalizi: enyomyo zabyo ina, nebina byazo ina, nebina byazo bina. 17Enyomyo zona ezezigati ezokwehinguliriza ziribaho ebibazi byefeza; ebikwaso byazo byefeza, nebina byazo byemiringa. 18Okuraiha kwezigati kuliba emikono kikumi, nokugaliha kwayo mikono amakumi atano hona hona, noburaibura bwayo mikono etano, ebikingyo byona byengoye ezekitaniezirukirwe kurungi, nebina byayo byemiringa. 19Ebintu byona ebyehema ebyomulimo gwayo gwona, nenkondo zayo zona, nenkondo zona ezezigati, biriba byemiringa. 20Kandi oliragira abana ba Isareri, bakuletere amagita amarungi agomuzituni agahonzerwe habwetabaza, okwakyanga etabaza obutosa. 21Omu hema eyokutangatanganiramu aheru yenyigamo enyakuli omu maiso gobwakaiso, Aroni na batabanibe baragisemezaga okuruga orwebagyo okuhikya obuire bukire omu maiso ga MUKAMA kirabaga kiragiro ebiro byona omu businge bwabu bwona habwabana ba Isareri