Swahili Bible2

26

1KANDI olikora ehema nebikingyo ikumi, ebyekitani erukirwe kurungi; norugoye rwabururu, norurukugajuka, norurukunanata, hamu na bakerubi, omulimo ogwabakozi bamagezi, nukwo olibikora oti. 2Okuraiha okwekikingyo kuliba emikono abiri na munana, nokugaliha kwekikingyo byona biriinganaingana okulengwa. 3Ebikingyo bitano biriteranizibwa hamu; nebikingyo bitano biriteranizibwa hamu. 4Kandi olikora obuyondo bwa bururu ha rubaju orwekikingyo kimu, okuruga ha mukugiro ogwokuteraniza; kandi nukwo olikora oti ha rubaju orwekikingyo ogwaha mpero omu kuteraniza okwakabiri. 5Olikora obuyondo amakumi atano ha kikingyo ekimu, kandi olikora obuyondo amakumi atano ha rubaju orwikingyo ekiri omu kuteraniza okwakabiri, obuyondo bulirorangana. 6Kandi olikora ebikwaso ebyezabu amakumi atano, oliteraniza hamu ebikingyo nebikwaso ehema eriba emu. 7Kandi olikora ebikingyo ebyebyoya ha hema: olibikora ebikingyo ikumi na kimu. 8Okuraiha okwekingyo kuliba emikono amakumi asatu, nokugalina kwkikingyo kuliba emikono ena:ebikingyo ikumi na kimu biriinganingana okulengwa. 9Kandi oliteraniza ebikingyo bitano ahamu, nebikingyo mukaga ahamu, kandi olikubamu ekikingyo ekyomukaga omu maiso gahema. 10Kandi olikora obuyondo amakumi atano ha rubaju rwekikingyo kimu ekyahampero omu kuteraniza, nobuyondo amakumi atano ha rubaju rwekikingyo ekyahampero omu kuteraniza okwakabiri. 11Kandi olikora ebikwaso amakumi atano ebyemiringa, olita ebikwaso omu buyondo, oliteraniza ehema ebe emu. 12Nekicweka ekyekikingyo ekisigaraho ha bikingyo byehema, ekirengija, ekicweka ekyekikingyo ekirukusagaho, kirengija ha nyuma yehema. 13Kandi omukono gumu ogwa ha rubaju orumu, nomukono gumu ogwa’ha rubaju orundi egi erukusaga ha kuraiha okwebikingyo byehema, erirengija ha mbaju zehema ha rubaju rumu na ha harubaju ruli, okugisweke’ra. 14Kandi olikora ekyokusweka ehema ekyebisato byentama empaya ebihinduirwe okunanata, kandi ha ruguru ekyokusweka ekyebisato byengonga.

15Kandi olikora embaho ezehema omu muti omusisa, ezokweme’ra. 16Okuraiha okworubaho rumu kuliba emikono ikumi, nokugaliha kworubaho rumu mukono gumu nekicweka. 17Haliba endimi ibiri omu rubaho rwona ezokuteraniza hamu: nukwo olikora oti nembaho zona ezehema. 18Kandi olikora embaho ezehema, embaho amakumi abiri ha rubaju orwobukizi bwabulyo. 19Kandi olikora ebiina ebyefeza amakumi ana hansi yembaho amakumi abiri; abiina bibirihansi yorubaho rumu habwendimi zarwo ibiri: 20kandi ha rubaju orwehema orwakabiri ha rubaju orwobukizi bwemoso, embaho amakumi abiri: 21nebiina byazo ebyefeza amakumi ana; ebiina bibiri hansi yorubaho, nebiina bibiri hansi yorubaho. 22Kandid habworubaju orwehema orwenyuma obugwaizoba olikora embaho mukaga. 23Kandi olikora embaho ebiri ezoburugu bwehema ha rubaju orwenyuma. 24Ziriba ibiri ibiri hansi, nukwo ziriba ziti okuhkya ha ruguru yazo okuhikya ha ruguru yazo okuhikya empeta emu: nukwo ziriba ziti zombie; ziriba habworuguru bubiri. 25Kandi haliba embaho munana, nebiina byazo ebyefeza, ebiina ikumi nomukaga, ebiina bibiri hansi yorubaho,nebiina bibiri hansi yorubaho. 26Kandi olikora ebihongozo ebyomuti omusisa; bitano habwembaho 27ezorubaju rumu orwahema, nebihongozo bitano habwembaho ezorubaju orundi orwehema, habwebicweka ekyenyuma obugwaizoba. 28Kandi ekihongozo ekya hagati yembaho kiriribamu okuruga ha mpero okuhikya ha mpero. 29Kandi olisweka embaho nezabu, kandi olikora empeta zazo nezabu hokutahya mu ebihongozo: kandi olisweka ebihongozo nezabu. 30Kandi olimukya ehema nkomulingo gwayo okuguli oguwayolekerwe ha rusozi.

31Kandi olikora enyigamo eyengoye eza bu’ru nezirukugajuka, nezirikunanata, neziekitani ezirukirwe kurungi: kandi erikorwa na bakerubi, omulimo 32gwabakozi abamagezi: kandi oligihanika ha nyomyo ina ezomuti omusisi, eziswekerwe nezabu, ha bina bina ebyefeza. 33Kandi olihanika enyigamo hansi yebikwaso, kandi olitahyamu omunda yenyigamo esanduko eyobwakiso: kandi enyigamo ebiribaganizamu namberemuli ekiikaro ekirukwera nikiikaro ekirikukira okwera. 34Kandi olitaho entebe eyokuganyira ha sanduko eyobwakaiso harukukira okwera. 35Kandi olita emeza aheru yenyigamo, nekikondo kyetabaza omu maiso gemeza ha rubaju orwehema habukizi obwabulyo: nemeza oligita ha rubaju orwobukizi obwemoso. 36Kandi olikora ekikingyo za bu’ru nezirukugajuka, nezirikunanata, nezekitani ezirukirwe kurungi, omulimo ogwomudalizi. 37Kandi olikora enyomyo itano ezomuti omusisa habwekikingyo, olizisweka nezabu; ebikwaso byazo biriba byezabu; kandi olyagya ebiina bitano ebyemiringa habwazo.