Swahili Bible2

25

1MUKAMA yagambira Musa ati 2Gambira abana ba Isareri, bandetere ekihongwa: ha muntu wena anyina omutima ogugonza, muliiha ekihongwa kyange. 3Kinu nikyo kihongwa ekimuliiha namberebali; ezabu, 4nefeza, nemiringa,: na bu’ru, nengoye ezirukugajuka, nengoye ezirikunanata, nekitani esemire, 5nebyoya byembuzi; nebisato byentama ebihinduirwe okunanata, nebisato ebyengonge, 6nomuti omusisa; namagita agetabaza, nekitabe habwamagita agokusesaho, kandi 7habwemyami’ro erukuboya; nobubale obwokuhunda, habwa efodi, kandi habwekyahakifuba. 8Kandi banko’re harukwera; nukwo nyikale hagati yabu. 9Nka byona ebindukwoleka, omulingo ogwehema, nomulingo ogwebintu byayo byona, nukwo mulibikora muti.

10Kandi balikora esanduko eyomuti omusisa: okuraiha kwayo mikono ebiri nekicweka, nokugaliha kwayo mukono gumu nekicweka, noburaibura bwayo mukono gumu nekicweka. 11Kandi oligisweka nezabu enungi, omunda na haruguru oligisweka, kandi oligiko’raho omugoma gwezabu okugyehinguririza. 12Kandi olighihesera empeta ina ezezabu, nozita ha maguru gayo ana; empeta ibiri ziriba ha rubaju rwayo orumu, nempeta ibiri ziriba ha rubaju rwayo orundi. 13Kandi olikora emigamba eyomuti omusisa, oligisweka nezabu. 14Kandi olita emigamba omu mpeta ezaha mbaju zesanduko, okuhimbaga esanduko nayo. 15Emigamba eraikaraga omu mpeta ezesanduko: italiihwamuga. 16Kandi olita omu sanduko ebyobwakaiso ebindikuha. 17Kandi olikora entebe eyokuganyira eyezabu enungi: okuraiha kwayo mikono ebiri nekicwaka, okugaliha kwayo mukono gumu nekicweka. 18Kandi olikora bakerubi babiri abezabu; olibakora omulimo oguheswa, ha nsonga ibiri ezentebe eyokuganyira. 19Kandi okole kerubi omu ha nsonga emu, na kerubi omu ha nsonga emu, na kerubi omu ha nsonga endi: olikora bakerubi ba nsonga zayo ibiri, omulimo gumu hamu nentebe eyokuganyira. 20Kandi bakerubi balisasanura amapapa gabu ha ruguru, nibasweke’ra entebe eyokuganyira namapapa gabu, nibarole’ra ngana; amaiso ga bakerubi galirole’ra entebe eyokuganyira. 21Kandi olita entebe eyokuganyira ha ruguru yesanduko; kandi omu sanduko numwo olitamu ebyobwakaiso ebindikuha. 22Kandi nuho ndatangatanganaga naiwe, ndabazaga naiwe, ninyema ha ruguru yentebe eyokuganyira hagati yabakerubi babiri abali ha sanduko eyobwakaiso, ha byona ebindikuragira hali abana ba Isareri.

23Kandi olikora emeza eyomuti omusisa okuraiha kwayo mikono ebiri, nokugaliha kwayo mikono ebiri, nokugaliha kwayo mukono gumu, noburaibura bwayo mukono gumu nekicweka. 24Kandi oligisweka ezabu enungi, kandi oligiko’ra ekondo yezabu okugyehinguliriza. 25Kandi oligikoraho omugoma ogworutambu rumu okwehinguliriza, kandi olikoraho ekondo yezabu okwehinguliriza omugoma. 26Kandi oligiko’ra empeta ina ezezabu, kandi olita empeta ha burugu buna obuli ha maguru gayo ana. 27Haihi nomugoma empeta nuho ziriba, nibyo biikaro ebyemigamba eyokuhimba emeza. 28Kandi olikora emigamba nomuti omusisa, kandi oligisweka ezabu, emeza ehimbegwe nayo. 29Kandi olikora esahani zayo nebibindi byayo, nensoha zayo nebibindi byayo, okuitu’ra nabyo: olibikora nezabu enungi. 30Kandi orataga emigati eyokwoleka ha meza omu maiso gange obutosa.

31Kandi olikora ekikondo kyetabaza ekyezabu enungi: ekikondo kyetabaza kirikorwa omu mulimo oguheserwe, nentebe yakyo nokuguru kwayo; ebikopo byakyo, nemitwe yakyo, nebyakyo byakyo, biriba omulimo gumu hamu nakyo. 32Namatagi mukaga galiruga omu mbaju zakyo, amataji asatu agekikondo kyetabaza galiruga omu rubaju rwakyo orumu, namatagi asatu agekikondo kyetabaza galiruga omu rubaju rwakyo orundi: 33ebikopo bisatu ebisisanizibwa nkebyakyo byakaruha omu itagi erimu, omutwe nekyakyo; nebikopo bisatu ebisisanizibwa nkebyakyo bya karuha omu itagi erindi, omutwe nekyakyo; nukwo omu matagi mukaga agaruga omu kikondo kyetabaza; 34nomu kikondo kyetabaza ebikopo bina ebisisanizibwa nkebyakyo bya karuha, emitwe 35yabyo nebyakyo byayo; omutwe hansi yamatagi abiri ogwomulimo gumu hamu nago, omutwe hansi yamatagi abiri ogwomulimo gumu hamu nago, habwamatagi mukaga agaruga omukikondo kyetabaza. 36Emitwe yago namatagi biriba byomulimo gumu hamu nakyo: eki kyona kiriba omulimu gumu ogwezabu enungi eheserwe. 37Kandi olikora etabaza zakyo, musanju: kandi balibakiriza etabaza zakyo zakege nambere kiri. 38Noruhana rwazo, nesahani zazo ezorutambi orusisire, biriba byezabu enungi. 39Kirikorwa omu taranta emu eyezabu enungi nebintu ebi byona. 40Kandi werinde obikole nkomulingo gwabyo okuguli, ogwakwolekerwe omu rusozi.