Swahili Bible2

23

1OTALIKIRIZA okuraganwa kwebisuba: otalitaho omukono gwawe hamu nababi okuba kaiso wokutahiki’ra. 2Otalikuratira abaingi okukora kubi; kunu otalitonganira ekigambo nohunguka okukuratira abaingi 3abacwere’ra omusango: kunu talihende’ra omunaku omusangogwe

4Obwoliitirana ente eyomunyanzigwa waw, rundi enkainaye nehaba mazimakwo oligimugaru’ra. 5Obwolirora enkaina yogu akunobere ebyamire hansi yebintu byayo, nobwotaligonza okugikonyera, mazimakwo oligikonyera.

6Otalihende’ra omusango gwomunaku wowanyu omu bigambobye ebyobulyo. 7Otantalega hara ekigambo ekyebisuba; ataloho musango kandi ahikirire otamuita: baitu omubi tindimuihaho omusango. 8Kunu otalirya ekisembo: baitu ekisembo nikiita amaiso agabarukurora, nikihabisa ebigambo byabahikirire. 9Kandi omunyaihanga otalimwerenge’ra: baitu mumanyire omutima gwomunyihanga, baitu inywe mukaba muli banyaihanga, omu nsi ya Misiri.

10Kandi emyaka mukaga orasigaga ensi yawe, nosoroza nohunika ensagi zayo: 11baitu omwaka ogwomusanju oligirekera, ikaleho kwonka; abanaku abomu bantu bowanyu balye: kandi ebibalisiga ekisoro ekyomu kisaka kiribirya. Nukwo olikora oti orugonjo rwawe orwemizabibu, norugonjo rwawe orwemizituni. 12Ebiro mukaga olikora omulimo gwawe, kandi ha kiro kya musanju olihumura: ente yawe nenkaina yawe zihumule, nomwana wa muzana wawe, nomunyaihanga, bahumuzibwe. 13Kandi omu bigambo byona ebimbagambire mwerindege: kunu mutagambaho na kake amabara gabacwezi, kunu gatahu’rwe omu kanwa kaw.

14Emirundi esatu omwaka gumu oralyaga obugenyi namberendi. 15Obugenyi obwemigati etatumbisibwe orabulyaga: ebiro musanju oralyaga emigati etatumbisibwe, nkokunakuragire, omu kasumi akatairweho omu kwezi Abibu (baitu nubwo warugire omu Misiri); kandi omuntu nomu atalizoka omu maiso gange ali kwonka atalesere kantu: 16nobugenyi obwamagesa, emiganuro eyokutalibana kwawe, eyiwasigire omu musiri: nobugenyi obwokuhunika, omwaka guhoireho, obwohunika emirimo yawe omu musiri. 17Emirundi esatu omwaka gwona abasaija bawe bona barazokaga omu maiso ga mukama RUHANGA.

18Otalihayo esagama eyekyonzira kyange nemigati etumbisibwe; kunu ebisajwa ebyobugenyi bwange bitaliikaraho ekiro okukiisa obuire. 19Emiganuro eyiitaka lyawe eyokubanza oligireta omu nju ya MUKAMA Ruhanga wawe. Otalicumba ekyana kyembuzi omu mata ga nyinakyo.

20Dora, nintuma maraika omu maiso gawe, akulindege omu muhanda, akulete omu kiikaro ekintekanize. 21Mumwerindege, muhu’rege irakalye, mutalimwemera; baitu talibaganyira okusisa kwanyu; baitu ibara lyange liri omuluwe. 22Baitu obworahu’raga mali irakalye, nokora byona ebingamba, nyowe ndiba munyanzigwa hali banyanzigwa bawe, kandi omurwani hali abo abakurwanisa. 23Baitu maraika wange alikwebembera, alikutahyamu hali Omwamoli, Nomuhiti, Nomuperezi, Nomukanani, Nomuhivi, Nomuyebusi: ndibahwerekereza. 24Otaliinamira abacwezi babu, nobukwakuba okubako’ra, nobukwakuba okukora nkengeso zabu okuziri: baitu olicwacwana amabale gabu agaraihire. 25Kandi muliko’ra MUKAMA Ruhanga wanyu, nauwe aliha omugisa ebyokulya byawe, namaizi gawe; kandi ndiihaho endwara hagati yawe. 26Tihalibaho ebirirugamu enda, kunu tihalibaho engumba omu nsi yawe: omuhendo ogwebiro byawe ndiguhikiriza. 27Ndituma okutinwa kwange omu maiso gawe, kandi ndiburanganiza abantu bona nambere olihikayo, kandi ndihindura abanyanzigwa bawe bona bakutere amabega. 28Kandi ndisindika enwa okugenda omu maiso gawe, niyo eribingamu Omuhivi, Nomukanani, Nomuhiti, omu maiso gawe. 29Tindibabinga omu maiso gawe omu mwaka gumu gwonka; rundi ensi etafoka kifuruka, nenyamaiswa ezomu kisaka zireke okukanya nemberiwoli. 30Mpora mpora ndibabinga omu maiso gawe, okuhikya obwalikanyisibwa, nogwetwa ensi. 31Kandi nditaho omutano gwawe okuruga ha Nyanja Erukutukura nokuhikya enyanja Eyabafirisiti, kandi okuruga ha irungu okuhikya ha Kyambu: baitu ndihayo abantu abomu nsi omu mukono gwanyu; olibanga omu maiso gawe. 32Otaliragana nabo ekiragano, nobubakuba abacwezi babu. 33Butaliikara omu nsi yawe, batakusiisa, namberendi: baitu obwoliko’ra abacwezi babu, mazimakwo kiriba nkekisuli namberoli.