Swahili.Bible
Bible Society of Kenya
Bible Society of Kenya
Madaraka, Nairobi
PO Box 72983
Tel: 254 20602807
E-mail: info@biblesociety-kenya.org
22
1Omuntu obwaliiba ente, rundi entama nagiita rundi nagigura alitaho ente itano obwente emu nentama ina 2obwente emu. omusuma obwalisangwa nalima obubalimutera nokufa nafa tiharoho musango habwesaga maye. 3Izoba obuliriba liturukire halubaho omusango habwe kimuhikirire okuliha bwaliba atanyina kantu ali 4gurwa hawokuibakwe. Eki ekiyaibire obukirizoka omumukonogwe kyomire rundi ente rundi enkaina rundi entama aligerekaho ibiri. 5rundi omuntu obwalyonesa omusiri rundi orugonjo rwemizabibu nasibu’ra ekirorokye nerya omu musiri ogwabandi aliriha ebyomu omusirigwe ebirukukira oburungi nebyomu rugonjorwe orwemizabibu ebirukukira oburungi. 6obwomu’ro gulihya nugwaka omu nahwa, namabenga age ngano rundi engano eyemerire rundi omusiri obubirihya mananukwo ogu ayokeze omu’ro aliriha. 7omuntu obwalyahuza mutahiwe erupiya rundi ebintu abirinde obubalibiiba omu nju yomuntu omusuma obwalizoka 8aliriha emirundi ebiri. Omusuma obwatalizoka, nyinekasliira haihi Ruhanga bamanye rundi tatireho omukonogwe 9ha bintu bya mutahiwe. Baitu rundi obwente obwebijwaro rundi obwekintu kyonka ekibuzire omuntu ekyagabireho ngu Nikyo kinu obulyo bwabu bwombi bulitwarwa hali Ruhanga, ogu Ruhanga owalicwera omusango nuwe alirihira mutahiwe emirundi ebiri.
10Omuntu obwalyahuza mutahiwe enkaina, rundi ente, rundi entama, rundi obukiribingwa, baitu busaho akiboine: 11ekirahiro kya MUKAMA kiikalege hagati yabo bombi, bamanye rundi ataire omukonogwe ha bintu bya mutahiwe nandiki; kandi mukama wakyo alikiiriza, kunu talirina. 12Baitu obukiriibwa nambereli, nubwo aliriha mukama wakyo. 13Obukiritagatagurwa, alikireta kibe kaiso; talirina habwenki ekitagataguirwe.
14Kandi omuntu obwalitiza ekintu kyona ekya mutahiwe., obukirisisikara, rundi obukirifa, 15MUKAMA wakyo ataloho, mananukwo aliriha: obukiriba kigulirirwe, buli kiizire empera yakyo.
16Omuntu obwalibihabiha omuisiki ahikirire atakajumbirwe, nebyama nauwe, mananukwo alijuga ebintu habwe, abe mukaziwe. 17Ise obwalangira kimu okumumuha, aliriha omuhendo nkebintu ebyokujuga ebyabaisiki abahikirire.
18Otalikiriza omukazi-omurogo okuba omwomezi. 19Omuntu wena alibyama nekisoro mananukwo aliitwa.
20Wena alisa’ra ekyonzira omucwezi wena, alihwerekerezebwa mali rundi hali MUKAMA wenka. 21Kandi otalisisira omunyaihanga, otalimwerenge’ra baitu inywe mukaba muli banyaihanga omu nsi ya Misiri. 22Mutalikora kubi mufakati wena, nobwakuba omwana enfuzi. 23Obwalibakora kubi omu kigambo kyona, nabo balinkunga, mananukwo ndihu’ra okucura kwabu; 24nekiniga kyange kiryaka muno, ndibaita na busitama; nabakazi banyu baliba enfuzi.
25Obwolyohoza ebintu omunaku wena owomu bantu bange abali hamu naiwe, otaliba namberali nkomugongi wibanja; kunu otalimujunaniza amagoba.
26Obwolikwatirizibwa ekyokujwara ekya mutahiwawe, olikimugaru’ra izoba litakagwire: 27baitu nikyo kyokweswakakye kimu kyonka, nikyo kyokujwara ekyomubirigwe, alyesweka ki? Kandi kirihika uwe obwalinkunga, nyowe ndihu’ra baitu nyina embabazi.
28Otalijuma Ruhanga, nobukwakuba okukyena omulemi wabantu bowanyu. 29Otaliikara okuhonga ha mweru gwebyana byawe, na ha byokunywa byawe. Abana bawe abemizigaijo orabahaga nyowe. 30Nukwo orakoraga oti nente zawe, nentama zawe: ziramaraga ebiro musanju ziikaire na nyinazo; ha kiro kya munana oliziha nyowe. 31Kandi murabaga namberendi abantu abarukwera: nikyo mutaliriraha nyama yona etaguirwe enyamaiswa omu kisaka, muraginagiraga embwa.