Swahili Bible2

2

1Kandi hagenda omusaija owomu nju ya Levi, yaswera omuisiki wa Levi. 2Omukazi yatwara enda, yazara omwana omwojo: kandi obuyamuboine ali mwana omurungi, yamuserekera amezi asatu. 3Kandi obwatarasoboire okumusereka obundi, yamutwa’ra ekibaya ekyorufunjo, yakisiga orweju nenkwasi, omwana yamutamu, yakita omu matehe ha musa gwekyambu. 4Kandi munyanya yayeme’ra hara, arole ekiramubaho. 5Omuhara wa Faraho yasirimuka okwoga omu kyambu, nabazanabo bagenda ha kyambu rubaju; yarora ekibaya omu matehe, yatuma omuzanawe okukireta. 6Yasimu’ra yarora omwana: kandi dora, omwana ya’ra. Yamuganyira, yagamba ati Onu wabana Babaheburaniya. 7Munyanya yagambira omuhara wa Faraho ati Ngende nkwetere omulezi omu bakazi Abaheburaniya, akwonkeze omwana? 8Omuhara wa Faraho yamugambira ati Genda. Omuisiki yagenda, yayeta nyina omwana. 9Omuhara wa Faraho yamugambira ati Twara omwana onu, omunyokoze, nyowe ndikuha empera yawe. Omukazi yatwara omwana, yamwonkya. 10Omwana yakura yamuleta hali omuhara wa Faraho. Yafoka omwanawe, Yamuruka ibara lye Musa, nagamba ati Baitu nkamuiha omu maizi.

11Kandi kyahika omu biro biri Musa obuyamazire okukura, yagenda hali bene babu, yarora emirimo yabu: yarora Omumisiri natera Omuheburaniya, omu bene babu. 12Yamagamaga, orubaju norubaju. Kandi obuyaboine busaho muntu, yatema Omumusiri yamusereka omu musenyi. 13Yaturuka ekiro kyakabiri, kandi dora, abasaija babiri abomu Baheburaniya bakaba, nibarwana hamu: yagambira ogu ayakozire kubi ati Kiki ekikutize mutahi wawe? 14Yagamba ati Noha yakufoire omukuru nomucwi wemisango halitwe? Notekereza okuita nyowe, nkokuwaisire Omumisiri? Musa yatina, yagamba ati Mananukwo ekigambo eki kimanyirwe. 15Kandi Faraho obuyahulire ekigambo eki, yase’ra okuita Musa. Baitu Musa yairuka omu maiso ga Faraho yaikara omu nsi ya Midiani: yaika’ra hansi haihi niziba. 16Kandi nyakatagara wa Midiani akabanyina abahara musanju; bakaija bayesera amaizi, baijuza amato okunywisa amagana ga isebo. 17Abalisa baija bababinga baitu Musa yaimuka, yabakonyera anywisa igana lyabu. 18Obubamazire hali Reuweri isebo, yagamba ati Kamuizire bwango hati! 19Bagamba ngu Omumisiri atujunire omu mukono gwabalisa, kandi yatwese’ra amaizi yanywisa igana. 20Yagambira abaharabe ati Kandi ali Nkaha? Kiki ekibasigisizeyo omuntu ogu? Mumwete, alye ebyokulya. 21Musa yaikiriza okuikara nomuntu ogu: yaha Musa muharawe Zipora. 22Yazara omwana omwojo, yamuruka ibaralye Geresomu: baitu akagamba ati Nkabandi mugonyi omu nsi etali yowaitu.

23Kandi kyahika, omu biro ebi, ebyahinguireho bingi, omukama wa Misiri akafa: abana ba Isareri bakasinda obwobuiru, ba’ra kandi oku’ra kwabu kwatemba hali Ruhanga, obwo buiru. 24Ruhang yahu’ra okusinda kwabu, yaijuka ekiraganokye ekiyaragaine na Iburahimu, na Isaka, na Yakobo. 25Ruhanga yarora abana ba Isareri, Ruhanga yabatekereza.