Swahili Bible2

19

1Omukwezi okwasatu abana Isareri obubamazire okuruga omu nsi ya Misiri, ha kiro eki kyenyini bakahika omu irungu lya Sinai. 2Kandi obubakaba barugire Refidimu bahikire omu irungu lya Sinai, bakatema orukande omu irungu. Nuho Isareri yagonya oku omu maiso gorusozi. 3Musa yatemba hali Ruhanga, MUKAMA yamweta nayema omu rusozi, nagamba ati Nukwo oragambira enju ya Yakobo, oratebeza abana ba 4Isareri oti Mukabona ebinakozire Abamisiri, kandi obunabahimbire ha mapapa gamasamba, nabaleta hali nyowe nyenka. 5Nukwo hati bunu, obumurahu’raga mali iraka lyange, nimukwata ekiragano kyange, muraikaraga namberendi nkekintu ekyobweremera, okubaganizibwa omu mahanga gona: 6baitu ensi yona yange, nainywe murabaga namberendi obukama bwa banyakatagara, nihanga erirukwera. Binu nibyo bigambo ebyoragambiira abana ba Isareri. 7Musa yaija yayeta abakuru babantu, yata omu maiso gabu ebigambo ebi byona MUKAMA ebiyamuragire.

8Abantu bona bagarukamu ahamu, bagamba ngu Byona MUKAMA ebiyagambire turabikoraga. Musa yaletera MUKAMA ebigambo byabantu. 9MUKAMA yagambira Musa ati Dora, ninyija namberoli omu kicu ekikwasire, abantu bahu’re obungamba naiwe bakuikirizege ebiro byona. Musa yagambira MUKAMA ebigambo byabantu. 10MUKAMA yagambira Musa ati Genda hali abantu, obeze hati na ijo, bogye 11ebyokujwara byabu, betekanize habwekiro ekyakasatu: baitu ha kiro kyakasatu MUKAMA alisirimuka omu maiso gabantu bona ha rusozi rwa Sinai. 12Kandi olicwera abantu emitano okwehinguliriza hona, nogamba oti Mwerinde mutatemba ha rusozi, nobukwakuba okukoraho ha mutano gwarwo: wena alikora ha rusozi, manukwo aliitwa: 13omukono gwona gutaliruhikaho na gumu, baitu mananukwo alite’rwa amabale, rundi aliraswa, nobukyakuba ekisoro, nobwakuba omuntu, taliba mwomezi: engwara obwergamba muno, nubwo balitemba orusozi. 14Musa yasirimuka orusozi, yaija omu bantu, yayeza abantu, bayogya ebyokujwara byabu. 15Yagambira abantu ati Mwetekanize habwekiro kyakasatu: mutai’re haihi omukazi. 16Kandi kyahika ha kiro kyakasatu, obuire obubwakiire nyenkya, hakaba haroho okuhinda nokumulikya, nekicu ekikwasire ha rusozi, iraka eryengwara erihango muno; abantu bona, abakaba bali omu rukande batukumira. 17Musa yaturukya abantu okuruga omu rukande okutangatangana na Ruhanga: bayeme’ra hansi yorusozi. 18Orusozi rwona orwa Sinai rwacuka omuika, baitu MUKAMA akarusirimukaho omu mu’ro: omuika gwagwo gwacuka nkomuika gwekikomi, kandi orusozi rwona rukatengata muno. 19Kandi iraka eryengwara obulyayeyongire okugamba muno, Musa yagamba, kandi Ruhanga yamugarukamu niraka. 20MUKAMA yasirimuka ha rusozi Sinai, haruguru yorusozi: MUKAMA yayeta Musa yatemba ha ruguru yorusozi; Musa yatemba. 21MUKAMA yagambira Musa ati Sirimuka otere’re abantu, batahagura hali MUKAMA okutunu’ra abantu abaingi baleke okubura 22halibo. Nabanyakatagara, nabo abarukire haihi MUKAMA, beyeze bonka, MUKAMA aleke okugwa halibo. 23Musa yagambira MUKAMA ati Abantu tibarukusobora okutemba orusozi Sinai; baitu okatutere’ra nogamba oti Taho emitano okwehinguliriza orusozi, kandi orweze. 24MUKAMA yamugambira ati Genda, asirimuke kandii oratemba, iwe na Aroni hamu naiwe baitu banyakatagara nabantu batahagura okutemba hali MUKAMA, atagwa 25haliho. Nukwo Musa yasirimuika naija omu bantu, yabatebeza.