Swahili Bible2

18

1LERO Yesero, nyakatagara wa Midiani, isezara Musa, akahu’ra byona Ruhanga ebiyakolire Musa na Isareri abantube,MUKAMA Okuyaihire Isareri omu Misiri. 2Kandi Yesero isezara Musa yatwara Zipora, mukazi wa Musa, obuyamazire okumwohereza, uwe nabanabe 3abojo babiri; ibara eryomu nuwe Geresomu; baitu akagamba ati Nkabandi omugonyi omu nsi etali yowaitu: 4nibara iyondi nuwe Eryezere; baitu akagamba ati Ruhanga owa isenyowe akabali omukonyezi ewange, yanjuna hali busitama ya Faraho. 5Kandi Yesero isezara Musa yaija hamu nabanabe abojo na mukaziwe hali Musa omu irungu nabere yatemere orukande, ha rusozi rwa Ruhanga: 6yagambira Musa ati Nyowe sozara Yesero nyizire namberoli, na mukazi wawe, nabanabe abojo babiri hamu nauwe. 7Musa yarugayo okutangi’ra isezara, yaramya, yamunyweger; baka guzangana ebigambo byowabu; bataha omu hema. 8Musa yagambira isezara byona MUKAMA ebiyakozire Faraho Nabamisiri habwa isareri, nobujune bwona obubaboine omu muhanda, Kandi MUKAMA okuyabajunire. 9MUKAMA okuyabajunire. Yesero yasemererwa obwoburungi bwona MUKAMA obuyakozire Isareri, baitu akabajuna omu mukono Gwabamisiri. 10Yesero yagamba ati Akuguzibwe MUKAMA ayabajunire omu mukono Gwabamisiri, nomu mukono gwa Faraho; ayajunire abantu omu mukono Gwabamisiri. 11Hati manyire nti MUKAMA nuwe mukuru okukira abacwezi bona: ego, omu kigambo ekibayenyumirizemu halibo. 12Yesero isezara Musa akatwara ekihongwa ekyokeze nebyonzira hali Ruhanga: Aroni yaija nabakaikuru bona aba Isarer, okulya ebyokulya hamu na isezara Musa omu maiso ga Ruhanga. 13Kandi kyahika nyenkya, Musa akaika’ra okucwera bantu emisango: abantubakeme’ra okwehinguliriza musa okuruga nyenkya okuhikya orwebagyo. 14Isezara Musa obuyaboine byona ebiyakolire abantu, yagamba ati Kiki kinu ekyorukuko’ra abantu? Kiki oika’ra wenk nabantu bona hbeme’ra okukwehinguliriza okuruga nyenkya okuhikya orwebagyo? 15Musa yagambira isezara ati Baitu abantu baija hali nyowe okukaguza hali Ruhanga: 16obubaraba banyina ekigambo, baija hali nyowe; nayowe mbacwera omusango omuntu na mutahiwe, mbamanyise ebigambo bya Ruhanga, 17nebiragirobye. Isezara Musa yamugambira ati Ekigambo ekyorukukora tikiri ki rungi. 18Mananukwo olihwe’ra, iwe nabantu banu abali naiwe: baitu ekigambo nikikukira amani; torukusobora okukihikiriza wenka. 19Hati bunu hu’ra iraka lyange, ndakuhanu’ra, na Ruhanga aikale naiwe: iwe okonyerege abantu 20hali Ruhanga, oletege obulyo hali Ruhanga: orabergesaga ebigambo nebiragiro, kandi orabolekaga omuhanda ogubahikirire okugendamu, no mulimo ogubahikirire okukora. 21Kandi orakomamu omu bantu bona abasaija abarukusobora, abarukutina Ruhanga, abasaija bamananu, abarukunoba enguzi etali youbulyo; obabalemesa, babege abalemi benkumi nabalemi bebikimi, nabalemi bamakumi atano, abalemi bamakumi: 22bacwerege abantu emisango ebiro byona: kandi kirabaga kiti ekigambo kyona ekikoto, barakileteraga iwe, baitu ekigambo kyona ekike barakimaraga bonka: nukwo kirarahukaga haliwe, nabo barayetwekaga hamu naiwe. 23Obworakoraga ekigambo kinu, Ruhanga nakuragira ati. Nubwo olisobora okugumisiriza, naba ntu banu bona baliganda omu kiikaro kyabu nobusinge. 24Nukwo musa yahu’ra iraka eryaisezara, yakora byona ebiyagambire. 25Musa yakomamu abantu abarukusobora omu isareri yona, yabafora emitwe yabantu, abalemi benkumi, nabalemi bebikumi na balemi ba makumi atano, nabalemi bamakumi. 26Bacweraga abantu emisango ebiro byona: ebigambo ebyaremaga babiretaga hali Musa, baitu ekigambo kyona ekike bakimaraga bonka 27Musa yaragira isezara; yayegendera omu nsiye wenka.