Swahili Bible2

14

1MUKAMA yagambira Musa ati Gambira abana ba Isareri, 2bagarukeyo enyuma, bateme orukande omu maiso ga Pihahirosi, hagati ya Migidoli nenyanja, omu maiso ga Baalizefoni: mulitema enkande okugirole’ra haihi nenyanja. 3Faraho aligamba ebyabana ba Isareri ati Batangirwe ensi, irungu libabohere. 4Nanyowe ndigumanganiza omutima gwa Faraho, alibahondera enyuma; kandi ndyetungira nyenka ekitinisa ha Faraho na ha iherye ryona; Abamisiri balimanya ngu Ninyowe MUKAMA. Bakora bati. 5Kandi bakagambira omukama wa Misiri ngu Abantu bairukire: omutima gwa Faraho nogwabairube gwayefoko’ra abantu, nibagamba ngu Kinu kiki ekitwakozire, okulekera Isareri okutatuko’ra? 6Yatekaniza egaliye, yatwara abantube hamu 7nauwe yatwara egali ezakomerwemu rukaga, negali zona eza Misiri, nengabwa okuzirema zona. 8MUKAMA yagumanganiza omutima gwa Faraho omukama wa Misiri, yakuratira abana ba Isareri: baitu abana ba Isareri bakaturuka nomukono gwamani. 9Abamisiri bakakuratira enyuma, embarasi zona negali zona eza Faraho, nabatembere embarasi, niherye, babahikaho batemere enkande haihi nenyanja, ha rubaju rwa Pi-hahirosi, omu maiso ga Baali-zefoni. 10Faraho obuyairire haihi, abana ba Isareri baimukya amaiso gabu, kandi dora, Abamisiri nibabakuratira enyuma, batina muno: abana ba Isareri bakunga MUKAMA. 11Bagambira Musa ngu Habwebituro okubura omu 12Misiri, tinikyo kigambo eki twakugambire Misiri tuti Otuleke, tuko’re Abamisiri? nikyo watuihireyo tufere omu irungu? 13Musa yagambira abantu ati Mutatina, mweme’re kwonka, murole okujuna okwa MUKAMA, okwarakora habwanyu hati: baitu Abamisiri abamurukurora ebiro byona. 14MUKAMA nuwe arabarwani’ra, nainywe muraculera.

15MUKAMA yagambiar Musa ati Kiki ekirukukunkugisa nyowe? Gambira abana ba Isareri bagende omu maiso. 16Kandi oinamukye omuigo gwawe, ogo’re omukono gwawe ha nyanja, ogibaganizemu: abana ba Isaereri baragenda hagati yenyanja ha itaka eryomere. 17Nanyowe dora, ndagumanganiza emitima Yabamisiri, baragwe’ra okubakuratira: kandi ndyayetungira nyenka ekitinisa ha Faraho, na ha iherye ryona, ha galize na habantube abatembere embarasi. 18Abamisiri balimanya ngu Ninyowe MUKAMA, obundimara okwetungira nyenka ekitinisa ha Faraho,na ha galize, na ha bantube abatembere embarasi. 19Maraika wa Ruhanga ayagendaga omu maiso gekitebe kya Isareri, akarugayo, yagaruka enyuma yabu; enyomyo yekicu yaruga omu maiso gabu, yayeme’ra enyuma yabu: 20yaija hagati yorukande rwa Isareri; hakaba haroko ekicu nomuirima, baitu ekiro kikaleta omusana: bali bata’re haihi banu okukiisa obuire. 21Musa yago’ra omukonogwe ha nyanja; MUKAMA yaga’rayo enyanja enyuma nomuyaga ogwamani ogwoburugaizoba okuhikya obuire okukya, yafora enyanja itaka eryomere, amaizi gabaganizibwamu. 22Abana ba Isareri bagwe’ra hagati yenyanja ha itaka eryomere: amaizi gaba kisika nambere bali ha mukono ogwobulyo, na ha gwemoso. 23Abamisiri bakuratira bagwe’ra enyuma yabu hagati yenyanja, embarasi zona eza Faraho, negalize, nabantube abatembere embarasi. 24Kandi kyahika omu kisisimuka ekya nyenkya,, MUKAMA yarole’ra ihe Eryabamisiri omu nyomyo eyomu’ro nekicu, yatuntuza ihe Eryabamisiri. 25Yaihaho nyamuziga ezegali zabu, baibinga niremera: nukwo Abamisiri bagamba ngu Tuiruke omu maiso ga Isareri; baitu MUKAMA narwanisa Abamisiri habwabu.

26MUKAMA yagambira Musa ati Go’ra omukono gwawe ha nyanja, amaizi gagaruke ha Bamisiri, ha gali zabu, na hali abo abatembere embarasi. 27Musa yago’ra omukonogwe ha nyanja, enyanja yagaruka omu mani gayo obuire obubwakire; Abamisiri bagiiruka; MUKAMA yanaga Abamisiri hagati yenyanja. 28Amaizi gagaruka, gasweke’ra egali, nabatembere embarasi, ihe ryona erya Faraho eryabahondire omu nyanja; hatasigaleho nomu halibo. 29Baitu abana ba Isareri bakagenda ha itaka eryomere hagati yenyanja; amaizi gaba nkorugo namberebali ha mukono gwobulyo na ha gwemoso. 30Nukwo MUKAMA yajunire ati Isareri ha kiro eki omu mukono Gwabamirisir, Isareri yarora Abamisiri bafire ha musa gwenyanja. 31Kandi Isareri akarora omulimo omukuru MUKAMA oguyakozire Abamisiri, abantu batina MUKAMA: kandi baikiriza MUKAMA nomuiruwe Musa.