Swahili Bible2

13

1KANDI MUKAMA akagambira 2Musa ati Oyezege namberendi emizigaijo yona, ekintu kyona ekiigura enda omu bana ba Isareri, rundi omuntu, rundi ekisoro: kyange.

3Kandi Musa akagambira abantu ati Muijukege ekiro kinu, ekimurugiremu omu Misiri,m omu nju yobuiru, baitu habwamani gomukono nukwo MUKAMA abaihire omu kiikaro eki: omugati ogutumbisibwe gutaliribwa na kake. 4Ha kiro kinu nimuturuka, omu kwezi Abibu. 5Kandi kirihika MUKAMA obwalikutahya omu nsi Eyomukanani, Neyomuhiti, Neyomwamoli, Neyomuhivi, Neyomuyebusi, eyiyarahirire baswenkuru okukuha, ensi erukugera amata nobwoki, nubwo orayerindaga okuhereza kunu omu kwezi kunu. 6Ebiro musanju oralyaga emigati etatumbisibwe, kandi ha kiro kya musanju halibaho obugenyi hali MUKAMA. 7Emigati etatumbisibwe eralirwaga ebiro ebi musanju; kunu hatalizoka namberiwoli emigati etumbisibwe, kunu hatlizoka namberiwoli ekitumbisa omu mitano yawe yona. 8Kandi oligambira omwana wawe ha kiro eki, nogamba oti habweki MUKAMA ekiyankolire obunarugire omu Misiri. 9Kandi karabaga akokuro’raho haliwe ha mukono gwawe, kandi ekiijukyo hagati yamaiso gawe, ekiragiro kya MUKAMA kiikalege omu kanwa kawe: baitu nomukono gwamani nukwo MUKAMA yakuihire omu Misiri. 10Nikyo orayerindiraga ekiragiro kinu omu kasumi kakyo omwaka nomwaka.

11Kandi kirihika MUKAMA obwalikutahya omu nsi Eyomukanani nkokuyarahirire iwe nabaswenkuru, kandi aligikuha, 12nubwo orasorora hali MUKAMA bona abaigura enda, nomuzigaijo gwona ogworatungaga ogurukuzarwa ekisoro; ebisaija birabaga bya MUKAMA. 13Nomuzigaijo gwona ogwenkaina oragucunguraga nekyana kyentama; kandi obwoliba otarukwenda okugucungura, nubwo oliguhotora, ebikya: kandi abemizigaijo bona abasaija omu bana bawe, orabacunguraga. 14Kandi kirihika omwana wawe omwojo obwalikukaguza omu biro ebiriija nagamba ati Kinu kiki, nubwo olimugambira oti Obwamani gomukono gwa MUKAMA akatuiha omu Misiri, omu nju yobuiru: 15kandi kikahika, Faraho obwatarayenzire okutulekera, MUKAMA yaita abemizigaijo yebisoro nikyo ndukuitira MUKAMA byona ebiigura enda ebisaija; baitu emizigaijo yona eyomu bana bange mbacungura. 16Kandi karaba akokuro’raho ha mukono gwawe, nebitebwaho hagati yamaiso gawe: baitu habwamani gomukono MUKAMA akatuiha omu Misiri.

17Kandi kyahika, Faraho obuyamazire okulekera abantu, Ruhanga atabatwale omu muhanda ogwensi Yabafirisiti, nobugukaba guli haihi; baitu Ruhanga akagamba ati Rundi abantu baleke okweyijukya obubalibona obulemu, nokugaruka nibagarukayo Misiri: 18Baitu Ruhanga akahinguliriza abantu omu muhanda ogwomu irungu ha rubaju Rwenyanja Erukutukura: abana ba Isareri batemba banyina ebyokurwanisa okuruga omu nsi ya Misiri. 19Musa akatwara amagufa ga Yusufu hamu nauwe: baitu ogu akarahiza abana ba Isareri nagamba ati Mananukwo Ruhanga alibaizira, kandi mulitwara amagufa gange hamu nainywe obumuruga hanu. 20Baimukya okuruga Sukosi, bagenda, batema orukande Esamu, ha mutano gwirungu. 21MUKAMA yagendaga omu maiso gabu nyamusana omu nyomyo yekicu, okubebemberaga omu muhanda; kandi ekiro omu nyomyo eyomu’ro okubamurikiraga; nukwo bagendege nyamusana nekiro: 22enyomyo eyekicu nyamusana, nenyomyoeyomu’ro ekiro zitarugeho omu maiso gabantu.