Swahili Bible2

10

1MUKAMA akagambira Musa ati Genda hali Faraho: baitu ngumanganize gwabairube, 2nukwo ogambe omu matu gomwana wawe, nagomuijukuru wawe, ebinakozire ha Misiri, nebyokurora’ho byange ebinakozire halibo; nokwo mumanye ngu Ninyowe MUKAMA. 3Musa na Aroni bataha hali Faraho, bamugambira ngu Nukwo agambire MUKAMA, Ruhanga Wabaheburaniya ati Olihikya nkaha okwanga okwebundaza omu maiso gange? leka abantu bange bagende, banko’re. 4Rundi obwolyanga okuleka abantu bange okugenda, dora, ijo ndireta enzige omu mutano gwawe: 5kandi zirisweke’ra amaiso gensi, abantu tibalisobora okurora ensi: ziriya emiti yona erukubame’ra omu misiri: 6namaju gawe galiijura, namaju gabairu bawe bona, namaju Gabamisiri bona; nkabaisinywe okubataraboine, nobubakuba baswenkuru, bakaba kuikara omu nsi na hati hona. Yahinduka, yaruga hali Faraho. 7Abairu bahikya nkaha omusaija onu okuba omutegi hali itwe? leka abantu bagende, bako’re MUKAMA Ruhanga wabu: tokamanyire ngu Misiri ehwerekerezibwe? 8Bagaruka okuleta Musa na Aroni hali Faraho: yabagambira ati Mugende, muko’re MUKAMA Ruhanga wanyu: baitu baraba abaligenda? 9Musa yagamba ati Tuligenda nabato baitu nabakuru baitu, na batabani baitu kandi nabaisiki baitu, kandi tuligenda nentama zaitu nente zaitu; baitu kituhikire okutekaniriza MUKAMA obugenyi. 10Yabagambira ati Nukwo MUKAMA aikale nainywe, obundibaleka mugende, nabana banyu abato: mwerinde; baitu obubi buli omu maiso ganyu. 11Nangwa: mugende hati inywe abasaija, muko’re MUKAMA; baitu nikyo murukugonza. Babingwa omu maiso ga Faraho.

12MUKAMA yagambira Musa ati Go’ra omukono gwawe hali ensi ya Misiri habemu enzige, itembe ensi ya Misiri, irye obunyansi bwona obwensi, bwona obwasigirwe orubale. 13Musa yago’ra omuigogwe hali ensi ya Misiri, MUKAMA yaleta omuyaga ha nsi ogwarugire oburugaizoba ha kiro kiri nyamusana nekiro; kandi obuire obubwakire nyenkya omuyaga ogwarugire oburugaizoba gwaleta enzige. 14Enzige zatemba ensi yona eya Misiri, zaikara omu mitano yona eya Misiri; zikaba ziri mbi muno; omu biro byaira tihakabaga enzige nkezi, nobuhokuba hanyuma yazo tihaliba enzige nkezi. 15Baitu ikasweke’ra amaiso gona agensi, nukwo ensi yona ekafoka omuirima; zalya obunyansi bwona obwensi, nebyana byona ebyemiti eyasigirwe orubale: hatasigale kintu ekibisi, nobugwakuba omuti nobwakuba obunyansi obwomusiri, omu nsi yona eya Misiri. 16Nubwo Faraho yayeta Musa na Aroni bwango; yagamba ati Nsisire hali MUKAMA Ruhanga wanyu, na halinywe. 17Nikyo hati ndukukwesengerereza, ganyira okusisa kwange omurundi gunu gumu gwonka, musabe MUKAMA Ruhanga wanyu, anyiheho okufa kunu kwonka. 18Yaruga hali Faraho, yayesengereza MUKAMA. 19MUKAMA yahindura omuyaga gwamani maingi ogwarugire obugwaizoba, gwatwara enzige, gwazinaga omu Nyanja Erukutukura; hatasigale ruzige na rumu omu mutano gwona gwa Misiri. 20Baitu MUKAMA yagumanganiza omutima gwa Faraho, tiyaleka abana na Isareri okugenda.

21MUKAMA yagambira Musa ati Go’ra omukono gwawe haiguru, omuirima gube hansi ha Misiri, omuirima kasira. 22Musa yago’ra omukonogwe haiguru; habaho omuirima kasira omu nsi yona eya Misiri ebiro bisatu; 23batabonangane, nobwakuba omuntu wena ataimuke omu kiikarokye ebiro bisatu: baitu abana ba Isareri bona bakaba banyina omusana omu maju gabu. 24Faraho yayeta Musa, yagamba ati Mugende, muko’re MUKAMA; baitu entama zanyu nente zanyu nizo zisigale zonka: abana banyu abato nabo bagende nainywe. 25Musa yagamba ati Kikuhikirire okutuha omu mukono gwaitu ebyonzira nebihongwa ebyokeze, tusa’re ekyonzira MUKAMA Ruhanga waitu. 26Kandi namagana gaitu galigenda naitwe; tihalisigara ekirenge nekimu, baitu kituhikirire okuihaho okuhereza MUKAMA Ruhanga waitu; kandi titumanyire ebitulimuhereza nabyo MUKAMA okuhikya obutulihika oku. 27Baitu MUKAMA akagumanganiza omutima gwa Faraho, tiyaikiriza okubalekera. 28Faraho yamugambira ati Ruhanga namberendi, oyerinde, otagaruka okurora amaiso gange obuindi; baitu ekiro ekyoliroramu amaiso gange, olifa. 29Musa yagamba ati Ogambire kurungi; tindigaruka okurora amaiso gawe obundi.