Swahili Bible2

4

1Morodokai obuyamanyire byona ebyakirwe, Morodekai yatemura ebyokujwarabye, yajwara ebitengo niju, yaturuka yagenda hagati yorubuga, yayamuza iraka erihango kandi eryojune: 2yai’ra haihi nirembo lyomukama: baitu omuntu atasobole nomu okutaha omunda yirembo lyomukama ajwaire ebitengo. 3Kandi omu isaza lyona, nambere ekiragiro kyomukama nekigambolye kyaizire, habaho okuganya kwingi omu Bayudaya, nokusiba, noku’ra, nokutera empamo; kandi baingi babyamira ebitengo niju. 4Kandi abaisiki ba Esiteri nabakonwabe baija bakimutebeza; omugo yatuntura muno: yatweka ebyokukujwara okujweka Morodekai, nokumuihaho ebitengobye: baitu atabiikirize. 5Nubwo Esiteri yayeta Hasaki, omu hali abakonwa bomukama, ouyaragire okumuherezaga, yamuragira agende hali Morodekai, amanye eki okukiri, nobulyo bwakyo. 6Nukwo Hasaki yaturuka yagenda hali Morodekai omu ikute erigalihire eryorubuga, erikaba liri omu maiso girembo lyomukama. 7Morodekai yamugambira byona ebyamubaireho, nomuhendo mali ogwefeza Hamani eziyaraganize okuhayo omu mahu’ro gomukama habwa Abayudaya, abahwerekereze. 8Kandi yamuha ebigambo ebyaihirwe omu kihandiko ekyekigambo ekyadumirwe omu Susani okubahwerekereza, abyoleke Esiteri, kandi abimumanyise; kandi amutere’re okutaha hali omukama, amwesengereze, kandi amusabe, habwabantu bowabu. 9Hasaki yaija yagambira Esiteri ebigambo bya Morodekai. 10Nubwo Esiteri yabaza na Hasaki, yamuha ekigambo okutwa’ra Morodekai ati: 11Abairu bona abomukama, nabantu bona abomu masaza gomukama, bamanyire ngu omuntu wena, rundi omusaija rundi omukazi, alitaha hali omukama omu zigati eyomunda, ateserwe, rundi ogu wenka omukama owoligo’ra omuigo gwezabu, abe omwomezi: baitu nyowe tinyeserwe okutaha hali omukama ebiro binu amakumi asatu. 12Bagambira Morodekai ebigambo bya Esiteri. 13Nubwo Morodekai yabaragira bagarukemu Esiteri bati Otatekereza omu mutima gwawe oti iwe olijunwa omu nju yomukama okukira Abayudaya bona. 14Baitu iwe obwolicule’ra kimu omu biro binu, nubwo ebyokuhumuza ebyokujuna biriimukira Abayudaya nibiruga ahandi, baitu iwe nabenju ya so mulihwereke’ra: kandi noha amanyire rundi iwe otahire ha bukama habwakasumi akarukuingana aho? 15Nubwo Esiteri yabaragira okugarukamu Morodekai bati 16Genda, osoroza hamu Abayudaya bona abaloho omu Susani, kandi munsibire, kunu mutalya nobukwakuba okunywa ebiro bisatu, nyamusana nekiro: nanyowe nabaisiki bange tulisiba tuti: kandi nukwo nditaha nti hali omukama, ekitali kyebiragiro: kandi obundihera, ndihera. 17Nubwo Morodekai yayegendera, yakora byona nka Esiteri okuyamuragire.