Swahili Bible2

3

1HANYUMA yebi omukama Ahasuero akakuza Hamani, mutabani wa Hamedasa Omwagagi, yamufora omukuru, yataho entebeye haiguru okukira abakuru bona abakaba bali hamu nauwe. 2Nabairu bona abomukama abakaba bali omu irembo lyomukama, bainama baramya Hamani: baitu nukwo omukama yaragire ati habwe. Baitu Morodekai atainame, nobukwakuba okumuramya. 3Nubwo abairu bomukama, abakaba bali omu irembo lyomukama, bagambira Morodekai ngu Iwe nosisira ki ekiragiro kyomukama? 4Kandi kikahika obubamubalizaga bukyabukya, kandi uwe tiyabahu’ra, bagambira Hamani, barole ebigambo bya Morodekai okubirigumaho nandiki: baitu akabagambira okwali Omuyudaya. 5Kandi Hamani obuyaboine ngu Morodekai tianama, nobukwakuba okumuramya, nubwo Hamani yabihirwa muno. 6Baitu akagaya okukwata Morodekai wenka; baitu bakamumanyisa ihanga lya Morodekai: Hamani nikyo yaseru’ra okuhwerekereza Abayudaya bona abakaba bali omu bukama bwona bwa Ahasuero, abihanga lya Morodekai. 7Omu kwezi okwokubanza, nukwo kwezi Nisani, omu mwaka gwomukama Ahusuero ogwa ikumi nabiri, okwezi Adara. 8Hamani yagambira omukama Ahasuero ati Haroho ihanga erirarangire hona, eribaganizibwe omu mahanga agali omu masaza gona agobukama bwawe; kandi ebiragiro byabu nibisisana okundi nebyamahanga gona; kunu tibarukwerinda ebiragiro byomukama: nukwo tikigenda okugasira omukama okubagumisiriza. 9Obukiraba nikisimwa omukama, kihandikwe habweherekerezebwe: kandi nyowe ndihayo etaranta zefeza kakumi omu mikono yabo abarukulinda omulimo gwomukama bazirete omu mahu’ro gomukama. 10Omukama yasomora empetaye ha ngaroze, yagiha Hamani mutabani wa Hamedasa Omwaguzi, omunyanzigwa Wabayudaya. 11Omukama yagambira Hamani ati Efeza zikuhairwe iwe, kandi nabantu, abakole nkolwolisima. 12Nubwo abahandiki bomukama bayetwa omu kwezi okwokubaza, ha kiro kyakwo ekya ikumi nebisatu, kandi bahandika byona nka Hamani okuyaragire hali abamasaza bomukama, nabalemi abalemaga amasaza gona, hali isaza lyona nkokuhandika kwalyo okukuba kuli, na hali ihanga lyona nkorulimi rwalyo okurukaba ruli; bakakihandika omu ibara lyomukama Ahasuero, kandi bakitaho emanyikirizo eyempeta yomukama. 13Kandi ebaruha zatwekwa bamatalisi hali amasaza gona agomukama, okuhwerekereza nokuita nokumaraho. Abayudaya bona, abato nabakuru, abana abato nabakazi, ha kiro kimu kyona, ha kiro kyokwezi ekya ikumi nebisatu, nukwo kwezi Adara, nokunyaga ebintu byabu nkeminyago. 14Ebyaihirwe omu kihandiko byadumirwa amahanga gona, ekiragiro kimanyisibwe omu masaza gona, nukwo betekanirize ekiro eki. 15Bamatalisi barahuka okugenda, habwekiragiro kyomukama, kandi ekiragiro kyadumirwa omu Susani ekikali; omukama na Hamani baika’ra okunywa amarwa: baitu orubuga Susani rukatuntuzibwa.