Swahili Bible2

8

1EKIRAGIRO kyona ekindukubaragira hati mulikyerinda okukikoraga, nukwo mube abomezi, mukanye, mutahemu mulye ensi MUKAMA eyiyabarahirire baisenkuru inywe. 2Kandi oliijuka omuhanda gwona MUKAMA Ruhanga wawe okuykuleseremu emyaka egi amkumi ana omu irungu, akubundaze, akulenge, amanye ebiri omu mutima gwawe, rundi olyerinda ebiragirobye, rundi tolibyerinda. 3Kandi akakubundaza, yakuletera enjara, yakulisa emanu eyotaramanyire, nabaswenkuru batagimanye; akumanyise ngu omuntu taba mwomezi nebyokulya byonka, baitu nekigambo kyona ekiruga omu kanwa ka MUKAMA nukwo omuntu aba mwomezi ati. 4Ebyokujwara byawe bitakule haliwe, nekigere kyawe kitazimbe, emyaka egi amakumi ana. 5Kandi olicumitiriza omu mutima gwawe oti nkomuntu okwabonabonesa omwanawe omwojo, nukwo MUKAMA Ruhanga wawe akubonabonesa ati. 6Kandi orayerindaga ebiragiro bya MUKAMA Ruhanga wawe, okugenderaga omu mihandaye, nokumutinaga. 7Baitu MUKAMA Ruhanga wawe nakuleta omu nsi enungi, ensi yobwambu bwamaizi, eyensoro nebinongoro, ebidubuka omu bihanga nomu nsozi; 8ensi yengano na sayiri, nemizabibbu, nemitini, namakomamahanga; ensi yemizeituni eyamagita nobowoki; 9ensi nambere oralyaga ebyokulya hatali enjara, toliburwa kintu kyona omu; ensi amabale gayo byoma, kandi omu nsozi zayo olihamu emiringa. 10Kandi olirya oliiguta, kandi olisima MUKAMA Ruhanga wawe habwensi enungi eyabahaire. 11Werinde oleke okwebwa MUKAMA Ruhanga wawe, noleka okukwata ebiragirobye,nebyo bulyobye nebiyataireho, ebindukubaragira hati: 12rundi obwolimara okulya nokuiguta, kandi mwombekere enju enungi, nimuziikaramu; 13kandi ente zawe nembuzi zawe obuzirakanya, nefeza zawe zikanyire. na byona ebyonyinabyo bikanyire; 14nubwo omutima gwawe gulinyumizibwa, kandi noyebwa MUKAMA Ruhanga wawe, ayakuihireyo omu nsi ya Misiri, omu nju yobuiru; 15ayakutwaire omu irungu eringi, kandi eryokutinwa, nambere hakaba harumu enjoka ezobusegwe nenga, nitaka eriiroho nambere hataroho amaizi; ayakuihire amaizi omu ibale erigumire dai dai; 16ayakusilisize emanu omu irungu; baswenkuru eyibataramanyire; akubundaze, akulenge akukole kurungi ha mpero yawe eya hanyuma: 17kandi ebwaligamba omu mutima gwawe oti Amani gange nobusobozi bwomukono gwange nibyo byampaisize itungo linu. 18Baitu oraijukaga MUKAMA Ruhanga wawe, baitu nuwe akuha obusobozi okutunga itungu: agumye ekiraganoky ekiyarahirire baswenkuru, nkokukiri hati. 19Kandi kirihika, obwolyebwa MUKAMA Ruhanga wawe, nogenda nokuratira abacwezi nobako’ra nobaramya, nimbamanyisa ha kiro kya hati nti Mazimakwo mulihwereke’ra. 20Nkamahanga okugali MUKAMA agahwerekereze omu maiso ganyu, nukwo mulihwereke’ra muti; baitu mukanga okuhu’ra iraka erya MUKAMA Ruhanga wanyu.