Swahili Bible2

4

1KANDI hati bunu, ai Isareri, muhu’re abyatairwaeho nebyobulyo ebindukubegesa mubikolege mwomerege, mutahemu, mulye ensi MUKAMA uhanga wa baisekuru inywe eyabahaire. 2Mutalyongera ha kigambo ekindukubaragira. Kunumutalikichwa baitu mukwatega ebiragiro bya MUKAMA 3Wanyu ebindukubaragira. Amaiso ganyu gakarora MUAKAMA ekiyakozire habwa baaliopeora baitu abasaija bona abakuratire baali peora, MUKAMA Ruhanga wawe abahwerekerize hagati yawe. 4Baitu inywe abehikize hali MUKAMA Ruhanga wanyu, muli bomezi inywena okuhikya hati. 5Dora, nkabegesa ebyatairweho nebyobulyo, nka MUKAMA Ruhanga wange okuyandagire, nukwo mukolege muti hagati yensi eyimurukutaha okugirya. 6Nukwo mubirindege, mubikolege, baitu nigo magezi ganyu nokwegereza kwanyu omu maiso gamahanga, abalihu’ra ebi byona ebitairweho, nibagamba ngu Mazimakwo ihanga eri erikuru, bantu bamagezi nokwegereza. 7Baitu ihunga ki erukuru, erinyina Ruhanga abali haihi mono ati, nka MUKAMA Ruhanga waitu okwali haihi obutumukunga bwona? 8Kandi ihanga ki erikuru, erinyina ebyatairwewho nebyemisango ebyobulyo biti nkebiragiro binu byona, ebintaireho omu maiso ganyu hati? 9Kimu kyonka oyerinde wenka, olindege kurungi omutima gwawe, otebwe ebi amaiso gawe ebigaboine, bitaruga omu mutima gwawe ebiro byona ebyobwomezi bwawe; baitu obimanyisege abana bawe nabana babana bawe: 10Ha kiro eki obuwayemerire omu maiso ga MUKAMA Ruhanga wawe omu Holebu, MUKAMA obuyangambire ati Onsoroleze abantu, mbahulize ebigambo byange, bege okuntina ebiro byona ebimara hansi, kandi begese nabana babu. 11Kandi mukai’ra haihi, mwayeme’ra hansi yorusozi; orusozi rwayaka nomu’ro okuhikya ha mutima gwiguru, nomuirima nebicu, nomuirima kasira. 12MUKAMA yabagambira ayemere hagati yomu’ro: mukahu’ra iraka lyebigambo, baitu mutabone kintu; mukahu’ra iraka lyonka. 13Kandi akabadumira ekiraganokye ekiyabaragire okukura, nibyo biragiro ikumi; kandi yabihandika ha mabale abiri. 14Kandi omu biro biri MUKAMA akandagira okubegesa ebyatairweho nebyobulyo, nukwo mubikolege omu nsi nambere mwambuka okugirya. 15Nukwo mwerindege inywenka, baitu mutabone kusisanakwe na kake ha kiro eki MUKAMA ekiyabagambiremu omu Holebu ayemerere hagati omu mu’ro: 16nukwo muleke okwesisira inywenka nimwoko’ra ekisisani ekisaruirwe, nkokusisana kwekintu kyona okukili, rundi okusisana 17ekisaija, rundi ekikazi, rundi okusisana ekisoro kyona ekiri hansi, rundi okusisana enyonyi yona enyina amapapa ehu’ruka omu mwanya, 18rundi okusisana ekintu kyona ekyeku’ra hansi, rundi okusisana encu yona enyakuli omu maizi agali hansi yensi: 19kandi oleke okuimukiza amaiso gawe haiguru, obworora izoba nokwezi nenyunyuzi, nihe ryona eryomu iguru, oleke okuhabisibwa nokubiramya nokubihereza, MUKAMA Ruhanga ebiyagabire amahanga gona agali hansi yiguru. 20Baitu MUKAMA akabihi’rwa inywe, yabaiha omu mu’ro gwekyoma omu Misiri okuba namberali abantu abobugwetwa, nkokukiri hati. 21Kandi ekindi, MUKAMA akabihihi’rwa nyowe habwanyu, yandahi’ra nyowe okutambuka Yorudani, nobukwakuba okutaha omu nsi egi esemire, MUKAMA Ruhanga wawe eyarukubaha okuba obugwetwa: 22baitu nyowe kimpikirire okufera omu nsi munu,tinsobora okwambuka Yorudani: baitu inywe mulyambuka, mulirya ensi egi enungi. 23Mwerindege inywenka, muleke okwebwa ekiragano ekya MUKAMA Ruhanga wanyu, ekiyaragaine nainywe, nimweko’ra inywenka ekisisani ekisasuirwe omu kusisana kwekintu kyona MUKAMA Ruhanga wanyu ekiyabatangire. 24Baitu MUKAMA Ruhanga wanyu guba mu’ro ogurukwokya, Ruhanga, wihali.

25Obwolizara abana, nabana babana bawe, kandi obumuliba muikaire muno omu nsi, kandi obumulyesisa nimukora ekisisani ekisaruirwe omu kusisana kwekintu kyona, kandi nimukora ekibi omu maiso ga MUKAMA Ruhanga wawe nimwerema okumubihiza: 26ninyeta iguru nensi okuba kaiso namberemuli ha kiro kinu, nti mulihwereke’ra bwango, nimuihwa omu nsi nambere murukwambuka Yorudani okugirya; mutalyongeraho ebiro byanyu omwegi, baitu mulihwereke’ra kimu. 27Kandi MUKAMA alibaraganiza omu mahanga, mulisigaraho muli bake omuhendo gwanyu, omu mahanga, nambere MUKAMA alibatwa’ra. 28Kandi niho muriko’ra abacwezi, omulimo gwengaro zabantu, emiti namabale, abatarukurora, nobukwakuba okuhu’ra, nubukwakuba okulya, nubukwakuba okukagiriza. 29Baitu oku obumuliba nimuse’ra MUKAMA Ruhanga wawe olimubona, obwolimuse’ra nomutima gwawe gwona nobwomezi bwawe bwona. 30Obwoliba onyina obujune, nebigambo ebi byona bikuhikireho, omu biro bya hanyuma oligarukira MUKAMA Ruhanga wawe nohu’ra irakalye: 31baitu MUKAMA Ruhanga wawe, Ruhanga wokuganyira; talikuhemukira, nobukwakuba okukuhwerekereza,nobukwakuba okwebwa ekiragano kya baswenkuru ekiyabaragirire. 32Baitu mukaguze hati bunu ebyebiro ebyahinguireho ebyakubandize,okuruga ha kiro Ruhanga ekiyahangiremu abantu hansi, kandi nokuruga ha mpero yalyo, rundi harabaireho ekigambo kyona kyona nkekigambo kinu ekikuru okukiri, rundi harahulirweho ekigambo ekirukusisana nakyo? 33Abantu barahulire iraka lya Ruhanga nirigambaira hagait yomu’ro, nkaiwe okuwahulire, nibaza bomezi? 34Rundi Ruhanga aralengere okugenda nokweyihira wenka ihangalye hagati yihanga erindi, habwokulenga, habwobwokuro’raho, kandi habwebyamahano, kandi habwobulemu, kandi habwengaro zamani, kandi ha bwomukono ogwagoroirwe, kandi habwebyokutinisa ebikuru, nka byona okubikaba biri MUKAMA Ruhanga wanyu ebiyabakolire omu Misiri omu maiso ganyu? 35Niwe wabyayolekerwe, nukwo omanye MUKAMA niwe Ruhanga busaho ondi, rundi uwe wenka. 36Okuruga omu iguru akakuliza irakalye, akwegese: kandi hansi akakuhwezesa omu’rogwe omukoto; kandi wahu’ra ebigambobye hagati yomu’ro. 37Kandi habwokugonza baswenkuru,nikyo yakomire abaijukuru babu hanyuma yabu, yakuiha omu Misiri namanige amaingi, uwe wenka aikaire naiwe; 38abingemu amahanga omu maiso gawe, agakukizire obukoto namani, akutahyemu, akuhe ensi yabu okuba obugwetwa, nkokukiri hati. 39Nukwo manya ha kiro kinu, okyahule omu mutima gwawe, oti MUKAMA nuwe Ruhanga omu iguru haiguru, kandi omunsi hansi, busaho ondi rundi uwe wenka. 40Kandi oralindaga ebi ebiyataireho nebiragirobye, ebindukubaragira ha kiro kinu, nukwo gubege omugisa hali iwe, na hali abana bawe hanyuma yawe, nukwo okanyise ebiro byawe omunsi, MUKAMA Ruhanga wawe eyakuhaire, okuhikya ebiro byona.

41Nubwo Musa yasororamu embuga isatu nseri ya Yorudani ha rubaju rwoburugaizoba; 42Omuntu omuisi airukireyo, aita omutahiwe atagenderire, kunu atamubone omu biro ebyahinguireho: kandi obwairukira omu rumu hali embuga ezi abe omwomezi: nzinu 43Bezere omu irungu omu nsi eyekyeya, habwa Abareubeni; na Ramosi omu Gireadi habwa Abagadi; na Gozani omu Basani, habwa Abamanase.

44Kandi eki nikyo kiragiro Musa ekiyataireho omu maiso gabana ba Isareri: 45ebi nibyo byamanyisibwe, nebyatairweho, nebyobulyo, Musa ebiyagambire abana ba Isareri, obubarugireyo omu Misiri; 46nseri ya Yorudani, omukihanga ekirolerire Besi-peora, omu nsi ya Sihoni, omukama Wabamoli, ayaikaire Hesiboni, Musa nabana ba Isareri oubatemere obubarugireyo omu Misiri: 47kandi banyaga ensiye, nensi ya Ogi omukama wa Basani, abakama ababiri aba Abamoli, abaikaire, nseri ya Yorudani burugaizoba; 48okuruga Aroere, eri ha mutano gwekihanga kya Aranoni, nokuhikya orusozi Sioni (egi niyo Heremoni), 49na Araba yona nseri ya Yorudani oburugaizoba nokuhikya enyanja ya Araba, hansi yenkonkomoko eza Pisiga.