Swahili Bible2

34

1MUSA yaruga omu byeya bya Moabu yatemba orusozi Nebo, ha ruguru ya Pisiga, orurolerire Yeriko. MUKAMA yamwoleka ensi yona eya Gireadi, okuhikya Dani; 2na Nafutali yona, nensi ya Eferaimu na Manase, nensi yona eya Yuda okuhikya enyanja yobugwaizoba; 3Nobukizi Bwobulyo, Nekyeya kyekihanga kya Yeriko, orubuga orwemikindo, nokuhikya Zoara. 4MUKAMA yamugambira ati Niyo ensi eyinarahirire Iburahimu, Isaka, na Yakobo, ningamba nti Ndigiha oruzaro rwawe: ngikwolekere namaiso gawe, baitu otalyambuka okuhikayo. 5Nukwo Musa omuiru wa MUKAMA yafera oku omu nsi ya Moabu, nkekigambo kya MUKAMA okukikaba kiri. 6Yamuzika omu kihanga omu nsi ya Moabu nambere barolerire Besi-Perora: baitu busaho muntu amanyire ekiturokye nokuhikya hati. 7Kandi Musa akaba ahikize emyaka kikumi mwabiri hayaferire: erisolye likaba litahimbaire, namani gomubiri gakaba gatahoireho. 8Abana ba Isareri baliri’ra Musa omu byeya bya Moabu ebiroi amakumi asatu: nukwo ebiro ebyoku’ra obubagaragalire Musa byahwa. 9Kandi Yosuha mutabani wa Nuni akaba aijuire omwoyo gwamagezi; baitu Musa akamutaho engaroze: abana ba Isareri bamuhu’ra, bakora nka MUKAMA okuyaragire Musa. 10Kunu tihakaimukaga nabi omu Isareri okuruga aho arukusisana Musa, MUKAMA ouyamanyire amaiso namaiso; 11omu bwokuro’raho bwona nebyamahano byona MUKAMA ebiyamutumire okukora omu nsi ya Misiri, hali Faraho, na hali abairube bona, na hali ensiye yona; 12nomu mukono gwona ogwamani, nomu kutina kwona okwingi, Musa ebiyakozire omu maiso ga Isareri yona.