Swahili Bible2

33

1KANDI omugisa Musa omusaija wa Ruhanga oguyasabire abana ba Isareri uwe atakafire, ngunu. 2Yagamba ati

MUKAMA naruga Sinai,

Yabaimukira naruga Seyiri;

Akangasana naruga orusozi Parani,

Ha mukonogwe ogwobulyo omu’ro gwaba ekiragiro namberebali.

3Ego, nagonza amahanga;

Abarukwerabe bona bali omu mukono gwawe:

Baika’ra hansi ha bigere byawe;

Omuntu wena alihabwa ha bigambo byawe.

4Musa akaturagira ebiragiro,

Obugwetwa habwekitebe kya Yakobo.

5Akabali omukama omu Yesuruni,

Emitwe yabantu obweyasorozibwe,

Enganda zona za Isareri ahamu.

6Reubeni aikalege omwomezi atafa;

Baitu abantube babe bake.

7Kandi omugisa gwa Yuda ngunu: yagamba ati

Hu’ra MUKAMA, iraka erya Yuda,

Omulete hali abantu bowabu:

Akerwanira wenka nengaroze;

Naiwe olimukonyera ahali abanyanzigwabe.

8Kandi ebya Levi akagamba ati

Tumimu yawe, na Ulimu yawe biri hamu nogu owogonza,

Ouwahakaine nauwe ha maizi ga Meriba;

9Ayagambira ha ise kandi ha nyina, ati Ntamubone; Deut 9

Kunu ataikiriza bene babu,

Kunu atamanye abanabe wenka:

Baitu balinzire ekigambo kyawe,

Nibakwata ekiragano kyawe.

10Balyegesa Yakobo ebyobulyo byawe,

Na Isareri ebiragiro byawe:

Baratahoga emyami’ro omu maiso gawe,

Nekihongwa ekyokeze ekihikire ha Kyoto kyawe.

11Ebintubye, MUKAMA, obihege omugisa,

Oikirizege omulimo ogwengaroze:

Cumitira kimu ebibero byagu anyakumuimuki’ra,

Na byabo abamunoba, batagaruka okuimuka.

12Ebya Benyamini akagamba ati

Arukugonzebwa MUKAMA araikaraga nobusinge namberali;

Namusweka bwona okuiza obuire,

Kandi naikara hagati yamabegage.

13Kandi ebya Yusufu akagamba ati

Ensiye ehabwe omugisa hali MUKAMA;

Habwebintu ebyomuhendo ebya haiguru, habworume,

Kandi habwenziha zenyanja erukubundara hansi,

14Kandi habwebintu ebyomuhendo ebyana ebiizoba,

Kandi habwebintu ebyomuhendo ebimera amezi namezi,

15Kandi habwebintu ebikuru ebyensozi ezaira,

Kandi habwebintu ebyomuhendo ebyobusobozi obutalihwaho,

16Kandi habwebintu ebyomuhendo ebyensi, nokuijura kwayo,

Nembabazi zogu ayaikaraga omu kisaka:

Omugisa guije ha mutwe gwa Yusufu,

Kandi ha ruhorohozi rwogu ayabaganizibwe na bagenzibe.

17Omuzigaijo ogwenteye, obukuru bwe;

Namahembege mahembe gembogo:

Nigo alicumisa amahanga gona, emperor ezensi:

Kandi ago nubwo bukumi bwa Eferaimu,

Nenkumi za Manase.

18Kandi ebya Zeburuni akagamba ati

Semererwa iwe Zeburuni habwokuturuka kwawe;

Naiwe Isakara omu hema zawe.

19Balyeta amahanga omu rusozi;

Nuho balihongera ebyonzira ebyokuhiki’ra:

Baitu Balinunya ensagi ezenyanja,

Nebintu ebyomuhendo ebiserekerwe omu musenyi.

20Kandi ebya Gadi akagamba ati

Alitunga omugisa aligalihya Gadi:

Aikaire nketale ebuguma,

Natagura omukono, ego, oruhorohozi rwomutwe,

21Kandi akagemboza omugabo ogwokubanza habwe wenka

Baitu nuho hayahuirwe omugabo gwomulemi;

Yaija nemitwe eyabantu,

Yacwa emisango nebyobulyo bwa MUKAMA,

Kandi ebyobulyobye na Isareri.

22Kandi ebya Dani akagamba ati

Dani kyana kyentale,

Ekiguruka nikiruga Basani.

23Kandi ebya Nafutali akagamba ati

Iwe Nafutali, aigusire ebyobuganzi,

Anihire omugisa gwa MUKAMA:

Lya, iwe, obugwaizoba nobukizi bwobulyo.

24Kandi ebya Asere akagamba ati

Asere ahabwe omugisa nabana:

Aikirizibwege bene babu,

Aibikize ekigerekye omu magita.

25Ebihongozo byawe biriba byoma nemiringa;

Kandi nkebiro byawe okubiri nukwo namani gawe galiba gati.

26Tiharoho arukusisana na Ruhanga, ai Yesuruni,

Natemba iguru okukujumura,

Nobukurubwe haiguru omu mwanya.

27Ruhanga atahwaho nikyo kiikaro kyawe ekyokuikaramu,

Kandi emikono etahwaho nekutwati’ra:

Kandi akacumiriza kuli abanyanzigwa omu maiso gawe,

Nagamba ati Hwerekereza.

28Kandi Isareri aikaire nobusinge,

Ensoro ya Yakobo eri yonka,

Omu nsi yengano namarwa;

Ego, igurulye niringa orume.

29Onyina omugisa iwe Isareri:

Noha akusisaine, ihanga eryajunirwe MUKAMA,

Engabo eyokukonyerwa kwawe?

Kandi niyo busitama eyobukuru bwawe?

Nabanyanzigwa bawe bali kucule’ra;

Kandi oliribata ebiikaro byabu ebiraihire.