Swahili Bible2

31

1KANDI Musa akagenda yagambira Isareri yona ebigambo binu. 2Yabagambira ati Nyowe mpikize hati emyaka kikumi mwabiri; tinkusobara okuturuka nokutaha: kandi MUKAMA yangambira ati Otalyambuka Yorudani enu. 3MUKAMA Ruhanga wawe, nuwe alikwebembera okwambuka; nuwe alihwerekereza amahanga ganu omu maiso gawe, kandi oligalya: kandi Yosuha nuwe alikwebembera okwambuka, nka MUKAMA okuyagambire. 4Kandi MUKAMA alibakora nkokuyakozire Sihoni na Ogi, abakama Babamoli, nensi yabu; abayahwerekerize. 5Kandi MUKAMA alibahayo omu maiso ganyu, kandi mulibakora nkekiragiro kyona okukiri ekinabaragire. 6Mube bamani mugume mono, mutatina, kunu mutafobe’ra namberebali: baitu MUKAMA Ruhanga wawe nuwe agenda naiwe; talikuhemukira, kunu talikusiga. 7Musa yayeta Yosuha, yamugambira omu maiso ga Isareri yona ati Foka wamani, ogume omutima: baitu oligenda nabantu banu omu nsi MUKAMA eyiyarahirire basenkurubo okugibaha; kandi oligibagweta. 8MUKAMA nuwe akwebembera; aliikara naiwe, talikuhemukira, kunu talikusiga: otatina nobukwakuba okwekanga.

9Kandi Musa yahandika ebiragiro ebi, yabihayo hali banyakatagara batabani ba Levi, abahimbaga esanduko eyekiragano kya MUKAMA, kandi hali abakuru bona aba Isareri. 10Musa yabaragira nagamba ati Emyaka musanju obwerahwaga, omu kasumi akatairweho akokulekera, ha bugenyi obwenkande, 11aba Isareri bonaobubaija okuzokere omu maiso ga MUKAMA Ruhanga wawe, omu kiikaro ekyalyegomboza, orasomaga ebiragiro binu omu maiso ga Isareri yona bo nibahu;ra. 12Soroza abantu, abasaija nabakazi nabana abato nomunyaihanga wawe ali omunda yamalembo gawe, bahu’re, bege, batine MUKAMA Ruhanga wawe, bakwate bakole ebigambo byona ebyebiragiro binu; 13nabana babu abatakamanyaga bahu’re, bege okutina MUKAMA Ruhanga wawe, ebiro byona obumuliikara omu nsi nambere murukwambuka Yorudani okugirya.

14MUKAMA yagambira Musa ati Dora ebiro byawe biri haihi iwe okufa: yeta Yosuha, mwesoroleze ahali ehema yokutangatanganiramu, nyowe mutere’re ebyemirimo. Musa na Yosuha bagenda bayesoroleza ahali ehema yokutangatanganiramu. 15MUKAMA yaboneka omu Hema omu nyomyo yekicu: eyomyo yekicu yayeme’ra haruguru yomulyango Gwehema. 16MUKAMA yagambira Musa ati Dora iwe oligwijagara nabaswenkuru; kandi abantu banu baliimuka, baligenda nibanjuka okukuratira abacwezi abanyaihanga abensi egi, nambere bagenda, okuikara nabo, balinfuruka, balicwa ekiragano kyange ekinaragaine nabo. 17Nubwo ekiniga kyange kiribakira omu biro biri, kandi ndibasiga, kandi ndibasereka amaiso gange, knadi balimirwa, kandi obubi bwingi nobujune bwingi bulibahikaho; nukwo balikaguza omu biro biri ngu Obubi bunu tibutukihireho, habwa Ruhanga waitu okutaba omulitwe? 18Kandi mazimakwo ndisereka amaiso gange omu biro biri habwebibi byona ebibalikora nibahindukira abacwezi. 19Nubwo hati bunu mwehandikire inywenka ekizina kinu, okyegese abana ba Isareri: kite omu kanwa kabu, ekizina kinu kiikalege kaiso habwange hali abana ba Isareri. 20Baitu obundikabatahya omu nsi eyinarahirire baisenkurubo, erukugera amata nobwoki; kandi obubalimara okulya nokuiguta nokugomoka; nubwo balihindukira abacwezi okubako’ra, kandi baligaya nyowe nibacwa ekiragano kyange. 21Kandi kirihika, obubi bwingi nobujune bwingi obubiribahikaho, nubwo ekizina kinu kiribalega nka kaiso; baitu tikiryeba akanwa koruzaro rwabu: baitu manyire okutekereza kwabu okubahondera, na hati hona, nobuntakabatahize omu nsi eyinarahire. 22Nukwo Musa yahandika ekizina kinu ha kiro eki, yakyegesa abana ba Isareri. 23Kandi yatere’ra Yosuha mutabani wa Nuni ebyemirimo nagamba ati Foka wamani, ogume omutima: baitu olitahya abana ba Isareri omu nsi eyinabarahirire: nanyowe ndiikara naiwe.

24Kandi kyahika, Musa obuyamazire okuhandika ebigambo ebyebiragiro binu omu kitabu nabimaraho, 25Musa yaragira Abalevi abahimbaga esanduko eyekiragano kya MUKAMA, 26nagamba ati Mutwale ekitabu kinu ekyebiragiro, mukite ha rubaju rwesanduko yekiragano kya MUKAMA Ruhanga wanyu, kiikaleyoga okuba kaiso namberiwoli. 27Baitu manyire obwemi bwawe, nengoto yawe egumire; dora, nyowe nkiri mwomezi hamu nainywe hati, inywe mumazire okwemera MUKAMA; mulisura ki hanyuma yokufa kwange? 28Musoroleze namberendi abakuru abenganda zanyu, nabaduma banyu, ngambire ebigambo binu omu matu gabu, nyete iguru nensi okuba kaiso namberebali. 29Baitu manyire nti hanyuma yokufa kwange mulisisika’ra kimu, kandi mulihaba okuruga omu muhanda ogunabaragire; kandi akabi kalibahikaho omu biro bya hanyuma; baitu mulikora ekibi omu maiso ga MUKAMA, nimwerema okumubihiza habwomulimo ogwengaro zanyu.

30Musa yagamba omu matu gekitebe kyona ekya Isareri ebigambo ebyekizina kinu, yabimaraho.