Swahili Bible2

30

1KANDI kirihika, ebigambo ebi byona obubirikuizira, ebyomugisa nebyomukyeno ebitaireho omu maiso gawe, kandi obwolibiijukira omu mahanga gona nambere MUKAMA Ruhanga wawe aliba akubingire, 2kandi obwoligarukira MUKAMA Ruhanga wawe, nohu’ra irakalye, nkokubiri byona ebinkuragire ha kiro kinu, iwe nabana bawe, nomutima gwawe gwona, nobwomezi bwawe bwona; 3nubwo MUKAMA Ruhanga wawe alihindura okusengurwa kwawe, nakuganyira, kandi aligaruka, alikusoroza okukuiha omu bantu bona, nambere MUKAMA Ruhanga wawe aliba akutabanize. 4Omuntu wena habawe ababingirwe obwalibali omu nsonga ziguru nuho MUKAMA Ruhanga wawe alikusoroza, kandi nuho alikutaba’ra: 5kandi MUKAMA Ruhanga wawe alikutahya omu nsi baswenkuru eyibalire, naiwe oligirya; kandi alikukora kurungi, alikukanyisa okukira baswenkuru. 6Kandi MUKAMA Ruhanga wawe alisara omutima gwawe, nomutima gwabaijukuru bawe, okugonzaga MUKAMA Ruhanga wawe nomutima gwawe gwona, nobwomezi bwawe bwona, nukwo obege omwomezi. 7Kandi MUKAMA Ruhanga wawe alita ebyomukyeno ebi byona ha banyanzigwa bawe, na hali ha abo abakunoba, abakuhiganiza. 8Kandi oligaruka nohu’ra iraka lya MUKAMA, nokukora ebiragirobye byona ebinkuragire ha kiro kinu. 9Kandi MUKAMA Ruhanga wawe alikugungisa om mulimo gwona ogwomukono gwawe, nomu byana ebyomubiri gwawe, nomu byana ebyente zawe, nomu byana ebiitaka lyawe, habwomugisa: baitu MUKAMA aligaruka okukusemererwaho habwomugisa, nkokuyasemererirwe baswenkuru: 10Obwolihu’ra iraka erya MUKAMA Ruhanga wawe, okukwataga ebiragiro; obwolihindukira MUKAMA Ruhanga wawe nomutima gwawe gwona nobwomezi bwawe bwona.

11Baitu ebiragiro binu ebinkuragire hati tibirukulemera okujwahya, kunu tibiri hara mono. 12Tibiri omu iguru iwe okugamba oti Noha alitemba haiguru habwaitu, okubireta namberetuli, nokutubihuliza tubikole? 13Kunu tibiri nseri yenyanja iwe okugamba oti Noha alyambuka nseri habwaitu, okubituletera nokutubihuliza tubikole? 14Baitu ekigambo kikuli haihi mono, omu kanwa kawe nomu mutima gwawe, nukwo okikole.

15Dora, ntaireho omu maiso gawe hati obwomezi noburungi, kandi okufa nobubi; 16baitu nkuragire ha kiro kinu okugonzaga MUKAMA Ruhanga wawe, okugenderaga omu mihandaye, nokukwataga ebiragirobye, nukwo obege omwomezi okanyege, kandi MUKAMA Ruhanga wawe akuhere omugisa omu nsi nambere orukutaha okugirya. 17Baitu omutima gwawe obugulihinduka noyanga okuhu’ra,baitu nocundwa okuramya abacwezi nokubako’ra; 18nimbagambi’ra kimu ha kiro kinu nti Timulireka okuhwereke’ra; timulikanyisa ebiro byanyu hansi, nambere oyambukira Yorudani okutahamu okugirya. 19Ninyeta iguru nensi okuba kaiso namberoli ha kiro kinu, okuntaireho omu maiso gawe obwomezi nokufa, ebyomugisa nebyokukyenwa: nukwo oyegomboze obwomezi, oikalege oli mwomezi, iwe nabaijukuru bawe: 20okugonzaga MUKAMA Ruhanga wawe, okuhu’raga irakalye nokumugumiraho: baitu uwe nubwo bwomezi bwawe; nukwo oikalege omu nsi MUKAMA eyiyarahirire baswenkuru, Iburahimu na Isaka na Yakobo okugibaha.