Swahili Bible2

29

1NIBYO bigambo ebyekiragano MUKAMA ekiyaragire Musa okuragana nabana ba Isareri omu nsi ya Moabu, okwongera ha kiragano ekiyaragaine nabo omu Holebu.

2Kandi Musa aketa Isareri yona yagabagambira ati Inywe mukarora byona MUKAMA ebiyakozire omu maiso ganyu omu nsi ya Misiri hali Faraho, na hali abairube bona, na hali ensiye yona; 3okulenga kwona amaiso gawe okugaboine, obwokuro’raho, nebyamahano ebi ebikuru: 4Baitu MUKAMA tabahaire omutima ogwokumanya, namaiso agokurora, mamatu agokuhu’ra,okuhikya hati. 5Nanyowe nkabebembera omu irungu emyaka amakumi ana: engoye zanyu tizikuzire halinywe, kandi enkaito yawe tekuzire ha kigere kyawe. 6Timukalyaga emigati, kunu timukanywaga amarwa nobukyakuba ekitamiza kyona: mumanye ngu Ninyowe MUKAMA Ruhanga wanyu. 7Kandi obumwahikire omu kiikaro kinu, Sihoni omukama wa Hesiboni, na Ogi omukama wa Basani baturamagira okurwana, twabatema: 8twanyaga ensi yabu, twagiha Abareubeni, Nabagadi, nekicweka kyoruganda orwa Abamanase, okuba obugwetwa. 9Nubwo mukwatege ebigambo ebyekiragano kinu, mubikolege, mutungege omugisa omu byona ebimukora.

10Inywe inywena mwemerire hati omu maiso ga MUKAMA Ruhanga wanyu; emitwe yanyu, enganda zanyu, abakuru banyu, nabaduma banyu, abasaija bona 11aba Isareri, abana abato banyu, bakazi banyu, nomunyaihanga wawe ali hagati yenkande zawe, okuruga ha musenyi wenku zawe nokuhika ha mulesi wa maizi gawe: 12iwe otahe omu kiragano ekya MUKAMA Ruhanga wawe, nomu kirahirokye, MUKAMA Ruhanga wawe ekyakora naiwe ha kiro kinu: 13akugumye ha kiro kinu habwe wenka okuba ihanga, kandi abe namberoli Ruhanga, nkokuyagambire kandi nkokuyarahire baswenkuru, Iburahimu, Isaka, na Yakobo. 14Kandi tibali inywe inywenka abandukuraganiza ekiragano kinu nekirahiro kinu; 15baitu nogu ayemerire hanu hamu naitwe hati omu maiso ga MUKAMA Ruhanga waitu, kandi nogu atali hanu naitwe hati: 16(baitu mumanyire okutwaikaire omu nsi ya Misiri; kandi okutwarabire hagati ya mahanga agatwahinguireho; 17kandi mwarora ebinugwa byabu, nebisisani byabu, emiti namabale, efeza nezabu, ebikaba biri omulibo:) 18haleke okuba omulinywe omusaija, rundi omukazi, rundi abekitabu, rundi oruganda, abahinduka omutima gwabu hati nibaleka MUKAMA Ruhanga waitu, okugenda nokuko’ra abacwezi ababamahanga ago; haleke okubaho omulinywe ekikoro ekirukuzara ebisa’ra nabusinso: 19kandi kireke okuhika obwalihu’ra ebigambo ebyomukyeno gunu uwe okwesima omu mutimagwe namgamba ati Nyowe ndiba nobusinge, nobundukugendera omu kugumangana okwomutima gwange, okuhwerekereza ebibisi hamu nebyomere: 20MUKAMA talimuganyira, baitu ekiniga kya MUKAMA nihalirye biricucukira omuntu ogu, kandi omukyeno gwona oguhandikirwe omu kitabu kinu gulimuhikaho, kandi MUKAMA aliragaza ibaralye hansi yiguru. 21Kandi MUKAMA alimwahu’ra akabi, namuiha omu nganda zona eza Isareri, nkemikyeno yona eyekiragano ekihandikirwe omu kitabu kinu ekyebiragiro. 22Kandi obuijukuru oburukugenda okuija, abana banyu abaliimuka hanyuma yanyu, nomunyaihanga elirugayo omu nsi ya hara, baligamba, obubalirora emihito eyensi egi, nendwara zayo nka MUKAMA okuyazirwaize; 23nensi yayo yona efokere kibiriti, nekisura nokwokebwa, kandi etasigirwe, kandi etarukumera, nobunyansi bwona butarukumera, nobunyansi bwona butarukumera omuyo, nkokuhwereke’ra kwa Sodomu na Gomora, Adima na Zeboyimu, MUKAMA eziyasesere omu kinigakye, kandi omu kubihirwakwe: 24amahana gona galibamba ngu Kiki ekyakoleze kiti MUKAMA ensi egi? makuru ki ekiniga eki ekingi ekirukwokya? 25nubwo abantu baliamba ngu Baitu bakafuruka ekiragano kya MUKAMA, Ruhanga wa baisenkurubo, ekirayaragaine nabo obuyabaihireyo omu nsi ya Misiri; 26bagenda bako’ra abacwezi, nibabaramya, abacwezi ababataramanyire, kandi abatarabahaire: 27nikyo ekiniga kya MUKAMA kyayakire ha nsi egi, okugiretera omukyeno gwona oguhandikirwe omu kitabu kinu: 28kandi MUKAMA yabasimbura omu nsi yowabu omu kiniga, kandi omu kubihirwa, kandi omu kukyaha, kwingi yabanagira ensi endi, nkokukiri hati. 29Ebigambo ebyenisita bya MUKAMA Ruhanga waitu: baitu ebigambo ebisukuruirwe byaitu, kandi byabana baitu ebiro byona, nukwo tukolege ebigambo byona ebyebiragiro binu.