Swahili Bible2

28

1KANDI kirihika, obwolyekamba okuhu’ra iraka erya MUKAMA Ruhanga wawe, okwerinda nokukora ebiragirobye byona ebinkuragire hati, MUKAMA Ruhanga wawe alikunyumiza haiguru okukira amahanga gona agensi: 2nemigisa egi yona erikuizira, nekuhikaho, obwolihu’ra iraka erya MUKAMA Ruhanga wawe. 3Orahabwaga omugisa omu rubuga, kandi orahabwaga omugisa omu musiri. 4Ebyana ebyomubiri gwawe birahabwaga omugisa, nebyana biitaka lyawe, nebyana ebyebisoro byawe, ensagi ezomu nte zawe, nobwana obwembuzi zawe. 5Birahabwaga omugisa ekiibo kyawe norucuba rwawe. 6Orahabwaga omugisa obworatahaga, kandi orahabwaga omugisa, obworaturukaga. 7MUKAMA aratemaga omu maiso gawe abanyanzigwa bawe abakuimuki’ra: balikuramagira omu muhanda ogumu, kandi baliiruka omu maiso gawe omu mihanda musanju. 8MUKAMA araragiraga omugisa namberoli omu maguli gawe, nomu byona ebyotaho omukono gwawe okubikora; kandi arakuhaga omugisa omu nsi MUKAMA Ruhanga wawe eyakuha. 9MUKAMA alikugumyaho okuba ihanga erirukwera namberali nkokuyarahirire; obworakwataga ebiragiro bya MUKAMA Ruhanga wawe nogenderaga omu mihandaye. 10Namahanga gona agensi galirora iwe oyeserwe ibara erya MUKAMA; kandi balikutina. 11Kandi MUKAMA alikusagisa habwomugisa omu byana ebyomubiri gwawe, nomu byana ebyebisoro byawe, nomu byana ebiitaka lyawe, omu nsi MUKAMA eyiyakurahirire baswenkuru okugikuha. 12MUKAMA alikukingu’ra eryahu’rolye erirungi, iguru, akuhege enjura yensi yawe omu kasumi kayo, kandi ahege omugisa omulimo gwona ogwengaro zawe: kandi olyohora amahanga maingi, kunu olyohora amahanga maingi, kunu otalyohoza. 13Kandi MUKAMA alikufora omutwe, kunu tiguli mukira; kandi oliba haiguru honka, kunu otaliba haiguru honka, kunu otaliba hansi; obwolihu’ra ebiragiro ebya MUKAMA Ruhanga wawe ebinkuragire hati, okubikwataga nokubikoraga; 14kandi obwotalihunguka okuleka ebigambo ebinkuragire hati, nokugenda ha mukono gwobulyo, nobuhokuba ha gwemoso, okukuratira abacwezi nokubako’ra.

15Baitu kirihika obwolyanga okuhu’ra iraka erya MUKAMA Ruhanga wawe okwerinda nokukora ebiragirobye byona nebiyataireho ebinkuragire hati; emikyeno enu yona erikuizira, kandi erikuhikaho. 16Olikyenwa omu musiri. 17Birikyenwa ekiibo kyawe norucuba rwawe. 18Birikyenwa ebyana ebyomubiri gwawe, nebyana ebiitaka lyawe, ensagi ezomu nte zawe nobwana obwigana lyawe. 19Orakyenwaga obworatahaga, kandi orakyenwaga obworaturukaga. 20MUKAMA arakutwekeraga okukyenwa, nokutuntuzibwa nokuhanwa, omu byona ebyotaho omukono gwawe okubikora, okuhikya obwolihwerekerezebwa, kandi okuhikya obwolihwaho bwango; habwobubi obwengeso zawe nkokuwanfurukire. 21MUKAMA aligumiza orufu haliwe, okuhikya obwalikumaraho omu nsi nambere otahamu okugirya. 22MUKAMA arakutemaga nakakonko, nomusuija, nokwokebwa, nomu’ro ogurukwokya muno, na busitama, nokuhotoka nokuhukurwa; kandi ebi birikuhiga okuhikya obwolihwereke’ra. 23Kandi iguru lyawe eririha ruguru yomutwe gwawe liriba nkomulinga, nitaka eriri hansi yawe liriba nkekyoma. 24MUKAMA alifora enjura eyensi yawe nkecucu nehunda: liriruga haiguru nirikugwaho, okuhikya obwolihwereke’ra. 25MUKAMA alikutemesa omu maiso gabanyanzigwa bawe: olibaramagira omu muhanda gumu, kandi oliiruka omu maiso gabu omu mihanda musanju: kandi olicundwacundwa omu bukama bwona obwensi. 26Kandi omutumbi gwawe gulifoka nkenyama hali enyonyi zona ezomu mwanya ha hali enyamaiswa ezensi, kandi tihalibaho abokuzibinga. 27MUKAMA alikutera nekihoya kya Misiri nebizimba, nomufumbi, nobuhere, ebyotasobora okukira. 28MUKAMA alikutera niraro, nokufa amaiso, nokuhuni’ra okwomutima: 29kandi olihamanga omu ihangwe, nkomufu wamaiso okwahamanga omu muirima, kunu otalibona omugisa omu mihanda yawe: kandi orayerenge’rwaga nonyagwa ebiro byona, kandi tihalibaho owokukujuna. 30Olijumbira mukazi, kandi omusaija ondi alibyama nauwe: olyombeka enju, kunu toliikara omu: olibyara orugonjo rwemizabibu, kunu toligirya ebyana byamu. 31Ente yawe eriitirwa omu maiso gawe, kunu toligiryaho: enkaina yawe erinyagwa namani omu maiso gawe, kunu teriga’rwa namberoli: entama yawe eribahwa abanyanzigwa bawe, kunu toliba nowokukujuna. 32Batabani bawe nabahara bawe balihabwa abantu abandi, namaiso gawe galirora, kandi galihwe’ra habwokubegomba okuiza obuire: kandi amani galibura obusobozi obwomukono gwawe. 33Ebyana ebiitaka lyawe nokutalibana kwawe kwona ihanga eryotamanyire liribirya; kandi orayerenge’rwaga noyenderezebwa ebiro byona: 34nukwo oligwa iraro habwokurora okwamaiso gawe okwolirora. 35MUKAMA alikutera amaju namaguru nekizimba ekibi ekyotasobora okukizibwa, okuruga omunda yekigere kyawe nokuhikya ha ruhorozi orwomutwe gwawe. 36MUKAMA alikuleta iwe nomukama wawe owataireho okukulema hali ihanga eryotaramanyire, nobwakuba iwe nobubakuba baswenuru; kandi nuho oliko’ra abacwezi,abemitinabamabale. 37Kandi olifoka ekyokuhuni’raho, orufumo, nenganikyo, omu mahanga gona nambere MUKAMA Ruhanga alikubingira. 38Olitwara embibo nyingi omu musiri, kandi olihunika bike; baitu enzige zirigirya. 39Olibyara emizabibu nobilimamu, baitu tolinywa ha marwa nobukwakuba okunoga emizabibu; baitu obuhuka buligirya. 40Oliba nemiti emizeituni omu mitano yawe yona, baitu tolyesiga namagita; baitu omuzeituni gwawe gulinaga ebyana byagwo. 41Olizara abana abojo nabaisiki, baitu tibaliba bawe; baitu baligenda omu kusengurwa. 42Emiti yawe yona nebyana ebiitaka lyawe enzige ziribirya. 43Omunyaihanga ali hagati yawe arayeyongera haiguru okukira iwe, kandi iwe orayeyongeraga okugaruka ahansi. 44Alyohora iwe, kunu iwe tolimwohora uwe; nuwe aliba omutwe, kandi iwe oliba omukira. 45Kandi emikyeno egi yona erikuizira, kandi erikuhondera, kandi erikuhikaho, okuhikya obwolihwerekerezebwa; baitu tohulire iraka erya MUKAMA Ruhanga wawe, okukwata ebiragirobye nebiyataireho ebiyakuragire: 46kandi birikubaho habwokuro’raho kandi habwekyamahano, na ha ruzaro rwawe ebiro byona: 47baitu otako’re MUKAMA Ruhanga wawe nokusemererwa, nokuhi’rwa okwomutima, habwokusagana okwebintu byona: 48nikyo oliko’ra abanyanzigwa bawe MUKAMA abalikutumira, omu njara, nomu iroho, nomu kuba kwonka, nomu masege ga byona: kandi alita ekikoligo ekyekyoma ha ngoto yawe, okuhikya obwalikuhwerekereza. 49MUKAMA alikuletaho ihanga eriruga hara, okuruga ha mpero yensi, nkisamba okulihu’ruka; ihanga eryotamanyire orulimi rwalyo; 50ihanga eryobuso obwokutinisa, eritalita kitinisa ha bagurusi, nobukwakuba okugi’ra embabazi abana abato: 51kandi alirya ebyana ebybisoro byawe, nebyana ebiitaka, lyawe okuhikya obwolihwereke’ra: kandi talikusigira engano, amarwa, rundi amagita, ensagi ezente zawe, rundi obwana obwigana lyawe, okuhikya obwalikuhwerekereza. 52Kandi alikugota omu malembo gawe gona, okuhikya muhuruzi yawe eraihire, kandi eroho orukomera, obwerigwa hansi, eyoyesiga, okuhikya ensi yawe yona: kandi alikugota omu malembo gawe gona, okuhikya ensi yawe yona MUKAMA Ruhanga wawe eyakuhaire. 53Kandi olirya ebyana ebyomubiri gwawe wenka, enyama yabatabani bawe nabahara bawe, MUKAMA Ruhanga wawe abayakuhaire; omu kugwotwa nomu kufunda, nkabanyanzigwa bawe okubalikufunza. 54Omusaija womulinywe anyakworoba kandi aherire muno erisolye liriba libi hali mugenziwe, kandi hali mukazi womu kitubakye, kandi hali abanabe abasigara namberali: 55nukwo atalibaha ha nyama yabanabe abalirya, baitu takinyina bintu; omu kutogotwa nomu kufunda, nkomunyanzigwa wawe okwalikufunza omu malembo gawe gona. 56Omukazi owomulinywe anyakworoba kandi ahehire ataragonzaga okulibata hansi amara gekigerekye habwokworoba nokuhehera, erisolye liriba libi hali iba owomu kifubakye, kandi hali omuisikiwe; 57kandi hali omwanawe omuto arukuruga hagati yebigerebye, kandi hali abanabe abalizara; baitu alibalya omu nsita habwokutaga byona: omu kugotwa nomu kufunda, nkomunyazigwa wawe okwalikufunza omunda yamalembo gawe. 58Obwotalyerinda okukora ebigambo byona ebyebiragiro binu ebindhandikirwe omu kitabu kinu, otinege ibara linu eryekitinisa kandi eryokutinwa, YAHWE RUHANGAWAWE; 59nubwo MUKAMA alikora emihito yawe yamahano, nemihito eyoruzaro rwawe, emihito, kandi erukuikaraho ekicu kingi, nenfu ezobujune, kandi ezirukuikaraho ekicukingu. 60Kandi aligaruka okukuletera enfu zona eza Misiri, eziwatinaga; kandi zirikugumaho. 61Nendwara yona norufu rwona orutahandikirwe omu kitabu ekyebiragiro binu, nibyo MUKAMA alikuletaho, okuhikya obwolihwereke’ra. 62Kandi mulisigaraho muli bake muno, baitu mukaba muli nkenyunyuzi eza haiguru obwingi; baitu otahu’re iraka erya MUKAMA Ruhanga wawe. 63Kandi kirihika, nka MUKAMA okuyabasemererirwe okubakora kurungi, nokubakanyisa; nukwo MUKAMA alibasemere’rwa okubahwerekereza, nokubamaraho, kandi mulisikurwa omu nsi nambere otahamu okugirya. 64Kandi MUKAMA alikuraranganiza omu mahanga gaona, okuruga ha mpero yensi nokuhikya ha mpero yesni; kandi mnuho olikole’ra abacwezi, abotaramanyire, nobwakuba iwe, nobubakuba baswenkuru, emiti namabale. 65Kandi omu mahanga ago otalibonayo okuhumura, kandi taihalibaho okuhumura hali amara gekigere kyawe: baitu MUKAMA alikuhereayo omutima ogutukumira, namaiso agahimbaire, nobwomezi bwawe oburukuganya: 66kandi obwomezi bwawe burugarukyagurukyaga omu maiso gawe; kandi oratigana nyamusana nekito, kunu toliba nokuguma omutima habwobwomezi bwawe: 67nyenkya oragambaga oti Kakuba bubaire buizire! kandi akairirizi oragambaga oti Kakuba bubaire bukiire! habwokutina okwomtima gwawe okwolitina, kandi habwokurora kwa maiso gawe okwolirora. 68Kandi MUKAMA aligaruka okuleta omu Misiri omu byombo, omu muhanda ogu ogunakugambireho nti Otaligaruka okugurora obundi: kandi nuho mulyegura inywenka hali abanyanzigwa banyu okuba abairu rubale nabazana rubale, kunu busaho muntu alibagura.