Swahili Bible2

22

1OTALIRORA ente ya mugenzi wawe nobwakuba entamaye nizihaba, iwe noyesereka nambere ziri: mananukwo oliziga’rayo hali mugenzi wawe. 2Kandi mwene wanyu obwaliba atali haihi naiwe, rundi obwoliba atali haihi naiwe, rundi obwoliba otarukumanya, oligitahya omuka yawe, kandi eriikara hamu naiwe okuhikya mwene wanyu obwaligikaguliza, kandi oligiga’ra namberali. 3Kandi nukwo olikora oti nenkainaye; kandi nukwo olikora oti nekyokujwarakye; kandi nukwo olikora oti nekintu kyona kya mwene wanyu ekiribura, ekyaliba abuzirwe kandi iwe okisangire: otalyesereka. 4Otalirora enkaina ya mwene wanyu rundi enteye egwire omu muhanda, iwe noyesereka nambere ziri: mananukwo olimukonyera okuziimukya.

5Omukazi atalijwara eki ekisemerire omusaija, kanid omusaija atalijwara ekyokujwara ekyomukazi: baitu omuntu wena akora ebingambo ebi, ali nkekinugwa hali MUKAMA Ruhanga wawe.

6Rundi ekiju kyenyonyi obukiriba kiri omu maiso gawe omu muhanda, omu muhanda, omu muti rundi hansi, kandi kirumu obwana, rundi amahuli, kandi nyina ikalire ha bwana rundi ha mahuli, otalitwara nyinabwo hamu nobwana: 7mazima olirekra nyinabwo, baitu obwana olisobora okubutwara namberoli; gube mugisa namberoli, okanyise ebiro byawe.

8Obwolyombeka enju empaka, olikora orugo ha ruguru yayo, oleke okuleta esagama ha nju yawe, rundi omuntu obwaligwaho. 9Otalisiga omu rugonjo rwawe orwemizabibu embibo eyemiringo ebiri: oleke okuferwa ebyana byona, embibo eyiwasigire nensagi zomurugonjo orwemizabibu. 10Otalirimisa enimi nenkaina ahamu. 11Otalijwara orugoye orurukirwe emiringo ebiri, ebyoya byentama nekitani ahamu.

12Olyeko’ra emiyondo omu ntegi ina ezekijwaro kyawe ekyokujwara.

13Omusaija wena obwaliswera mukazi nageda nambereli, namunoba, namutaho ebigambo byensoni, 14namuletaho ibara eribi nagamba ati Nkaswera omukazi onu, kandi obunahikire haihi ntasange omuluwe obwokuro’raho obwomuisiki atamanyire omusaija: 15nubwo ise omuisiki na nyina balikwata nibaturukya aheru obwokuro’raho obwomuisiki atamanyire omusaija hali abakuru aborubuga omu irembo: 16kandi ise omuisiki aligambira abakuru ati Nkaha omuisiki wange omusaija onu amuswere, kandi amunobere; 17kandi dora, akamutaho ebigambo byensoni, nagamba ati Ntasange nomuhara wawe obwokuro’raho obwomuisiki atamanyire omusaija; baitu bunu nubwo bwokuro’raho obwomuisiki wange atamanyire musaija. Kandi balya’ra ekyokujwara omu maiso gabakuru aborubuga. 18Kandi abakuru aboruga oru balikwata omusaija ogu halimubonabonesa: 19kandi balimucwera sekeri zefeza kikumi, baliziha ise omuisiki, baitu akaleta ibara eribi ha muisiki womu Isareri: kandi aliba mukaziwe; talisobora okumubinga ebirobye byona. 20Baitu ekigambo eki obukiriba, kiri kyamazima ngu obwokuro’raho obwomuisiki atamanyire musaija butasangwe nomuisiki ogu: 21nubwo baliturukya omuisiki, ha mulyango ogwenju ya ise, kandi abasaija aborubuga rwowabu balimutera amabale afe: baitu akakora obugwagwa omu Isareri, nakora ebya malini omu nju ya ise, nukwo oliihaho oti ekibi hagati yawe. 22Omusaija obwalisangwa nabyama nomukazi aswirwe iba abo bombi balifa, omusaija ayabyamire nomukazi, kandi nomukazi nukwo oliihaho oti ekibi omu Isareri.

23Rundi obuhalibo omuisiki atamanyire musaija ajumbirwe iba, kandi omusaija amusanga omu rubuga, nabyama nauwe; 24nubwo mulibaturukya bombi nimubaleta na irembo eryorubuga oru, kandi mulibatera amabale bafe; omuisiki, baitu atatere enduru, ali omu’rubuga; kandi omusaija, baitu aswaize mukazi womutahiwe: nukwo oliihaho oti ekibi hagati yawe.

25Baitu omusaija obwalisanga omuisiki ajumbirwe omu bwe’re, kandi omusaija amuhamba nabyama nauwe; omusaija wenka ayabyamire nauwe nuwe alifa: 26baitu omuisiki otalimukora kigambo; omu muisiki tiharumu ekibi ekihikirire okumuisa: baitu nkomuntu obwaimukira omutahiwe namuita, nukwo ekigambo eki kiri kiti: 27baitu akamusanga omu bwe’re; omuisiki ajumbirwe yatera enduru, kunu busaho muntu okumujuna. 28Omusaija obwalisanga omuisiki atamanyire musaija, atakajumbirwe, namukwata nabyama nauwe, kandi balisangwa; 29omusaija anyakubyamire nauwe aliha ise omuisiki sekeri nefeza atano, kandi aliba mukaziwe baitu amuswaize; talisobora okumubinga ebirobye byona. 30Omusaija ataliswera mukaise, kandi talisukura engoye za ise.