Swahili Bible2

21

1OMUNTU obwaliba asangirwe aisirwe omu nsi MUKAMA Ruhanga wawe eyakuha okugirya, abyamire omu kisaka, kunu tibamanyire ayamutemere: 2nubwo abakuru bawe nabacwi bemisango bawe balituruka, balirenga omwanya okuhika ha mbuga ezihe’raine ogo aisirwe: 3kandi kiriba kiti orubuga oruli haihi nomuntu aisirwe, abakuru aborubuga oru balikwata enyana yente, etakakolaga mulimo, kandi etakacunzire omu kikoligo; 4kandi abakuru aborubuga oru balireta enyana egi omu kihanga: 5kandi banyakatagara abana ba Levi balii’ra haihi; baitu nibo MUKAMA Ruhanga wawe akomere okumuherezaga, nokusaba omugisa omu ibara lya MUKAMA; kandi nkekigambo kyabu okukiriba nukwo empaka zona nokutera kwona biriba biti: 6nabakuru bona aborubuga oru, abali haihi omuntu aisirwe balinabisa engaro zabu ha ruguru yenyana egi ehotoirwe engoto yayo omu kihanga: 7kandi baligarukamu nibagamba ngu Tiziri ngaro zaitu ezasesere esagama egi, namaiso gaitu gatagibone. 8Ganyira, ai MUKAMA, abantu bawe Isareri, abawacungwire, otaikiriza esagama etaloho musango okuikaraho hagati yabantu bawe Isareri. Kandi esagama egi eribaganyirwa. 9Nukwo oliihaho oti esagama etaloho musango hagati yawe, obwolikora ekirungi omu maiso ga MUKAMA. 10Obwararamagaga okurwana nabanyanzigwa bawe, MUKAMA Ruhanga wawe nabahayo omu mikono yawe, kandi nobatwa’ra kimu abanyagwa, 11norora omu banyagirwe omukazi omurungi, kandi nomugonza, noyenda okumuswera; 12nubwo olimutahya omu ka yawe; kandi alyemwa omutwegwe, nasara enonoze; 13kandi alijura ebyokujwara ebyobunyagwabwe, aliikara omu nju yawe nagaraga’ra ise na nyina okwezi okuhikire: hanyuma yebi oligenda namberali nofoka iba, nauwe aliba mukazi wawe. 14Kandi kirihika, obwotalimugonza, olimulekera agende nambere, agonza; baitu otalimugura habwebintu, otalimukora nkomuzana rubale, baitu omuwsaize.

15Omusaija, obwaliba anyina bakazi babiri, omu nagonzebwa nondi anoberwe, kandi bamuzalire abana, arukugonzebwa kandi ogu anoberwe; kandi omwana omuzigaijo obwalibali wogu anoberwe; 16nubwo kiriba kiti ha kiro ekyaligweteramu batabanibe ebi ebyaligweteramu batabanibe ebi ebyanyinabyo, talisobora okufora omwana warukugonzebwa omuzigaijowe okukira omwana wogu anoberwe, baitu nuwe muzigaijo mali; 17baitu aliikiriza omuzigaijo omwana wogu anoberwe, namuha emigabo emirundi ebiri eya byona ebyanyinabyo: baitu ogu nukwo kubanza kwamanige; omugisa ogwomuzigaijogwe.

18Omuntu obwalibanyina mutabani owobwereme, kandi owobwemi, atarukuhu’ra iraka lya ise, nobulyakuba iraka lya nyina, kandi nobubamubonabonesa ayanga okubahu’ra: 19nubwo ise na nyina balimukwata, balimuturukya nibamuleta ahali abakuru aborubuga rwowabu, na hali irembo eryekiikarokye; 20kandi baligambira abakuru aborubuga rwowabu ngu Omwana waitu onu wobworeme kandi wobwemi, tarukuhu’ra iraka lyaitu; wengeso embi kandi omutamizi. 21Nabasaija bona abomu rubuga rwowabu balimutera amabale afe; nukwo oliihaho oti ekibi hagati yawe; kandi aba Isareri bona balihu’ra, balitina.

22Rundi omuntu obwaliba akozire ekibi ekihikirire okumuisa, kandi aitwa, kandi omuhanika ha muti; 23omutumbigwe gutaliikara ha muti ekiro okusiiisa obuire, baitu anyakuhanikirwe buli akyenerwe Ruhanga; oleke okusisa ensi yawe MUKAMA Ruhanga wawe eyakuha okuba obugwetwa.