Swahili Bible2

20

1OBWORARAMAGAGA okurwana nabanyanzigwa bawe, norora embarasi negali, nabantu abakukira obwingi, otalibatina: baitu MUKAMA Ruhanga wawe ali hamu naiwe, ayakuihireyo omu nsi ya Misiri. 2Kandi kirihika, obumulii’ra haihi okurwana, nyakatagara alii’ra nagambira abantu, 3kandi alibagambira ngu Muhu’re inywe Isareri, ekiro kinu nimui’ra haihi okurwana nabanyanzigwa banyu: omutima gwanyu guleke okuhwe’ra; mutatina kunu mutatukumira, kunu muleke okwekanga omu maiso gabu; 4baitu MUKAMA Ruhanga wanyu nuwe agenda nainywe, okubarwani’ra nabanyanzigwa banyu, okubajuna. 5Nabaduma baligambira abantu ngu Horoho omuntu abaire eyombekere enju empyaka, baitu takagitahire? muleke agende agaruke omu njuye, atafa omu bulemu, kandi omuntu ondi okugitaha. 6Kandi haroho omuntu ayabyaire orugonjo orwemizabibu, baitu takakoleze ebyana byamu? muleke agende agaruke omu njuye, atafa omu bulemu, kandi omuntu ondi okukoza ebyana byamu. 7Kandi haroho omuntu ajumbire omukazi, baitu takamugabuire? muleke agene ogaruke om njuye, atafa omu bulemu, kandi omusaija ondi okumuswera. 8Nabaduma baligaruka okugambira abantu nibagamba ngu Haroho omuntu arukutina nahwihara? muleke agende agaruke omu njuye, omutima gwa bene babu gutahwe’ra nkomutimagwe wenka. 9Kandi kirihika abaduma obubalikamara okugambira abantu, balitaho engabwa zamahe okwebembera abantu.

10Obworai’raga haihi orubuga okurwana narwo, orarudumira ebyobusinge. 11Kandi kirihika oburulikugarukamu ebyobusinge, nurukukingu’ra, abantu bona abalisangwamu balifoka nkabakozi bemirimo namberoli, kandi balikuhereza. 12Kandi oburulyanga okuterana naiwe nobusinge, baitu nurugonza okurwana naiwe, nubwo olirogota: 13Kandi MUKAMA Ruhanga wawe obwaliruhayo omu mukono gwawe, olitema abasaija bayo bona nobwogi bwa busitama: 14baitu abakazi, nabana abato, nente na byona ebiri omu rubuga, eminyago yamu yona, oligyenyagira wenka; kandi oligyenyagira wenka; kandi olirya eminyago yabanyanzigwa bawe, MUKAMA Ruhanga wawe eyalikuha. 15Nukwo olikora oti embuga zona ezikuli hara, ezitali mbuga zamahanga ganu. 16Baitu embuga ezamahanga ganu, MUKAMA Ruhanga wawe ezakuha okuba obutaka, otalisigaho ekyomezi ekintu kyona ekirukuikya orwoya: 17baitu olibahwerekereza kimu; Omuhiti, Nomwamoli, Nomukanani, Nomuperezi, Nomuhivi, Nomuyebusa; nka MUKAMA Ruhanga wawe okuyaguragire: 18batebegesa okukora nkebinugwa byabu byona okubiri, ebibakozire abacwezi babu; okukora muti mwakusire MUKAMA Ruhanga wanyu.

19Obwoliba nogota orubuga ebiro bingi norwana narwo okurunyaga, otalihwerekereza emiti yamu nogiimukiza endyamiti; baitu olisobora okugiryaho, kunu otaligitema; baitu omuti ogwomu bwe’re tali muntu, iwe okumugota. 20Kimu kyonka emiti eyomanyire teri miti yebyokulya, niyo olihwerekereza nogitema; kandi olyombekeraho orubuga enkomera orurukurwana naiwe okuhikya oburuligwa.