Swahili Bible2

2

1NUBWO twahinduka, twaimukya orugendo rwaitu okugenda omu irungu omu muhanda Gwenyanja Erukutukura, nka MUKAMA okuyagambire: twayehinguliriza orusozi Seyiri ebiro bingi. 2Kandi MUKAMA yangambira ati 3Mumazire okwehinguliriza orusozi runu: muhindukire obukizi bwemoso. 4Kandi oragire abantu nogamba ato Muliraba ha mutano ogwa bene banyu abana ba Esau, abarukuikara omu Seyiri; bo balibatina: 5nukwo mwerinde mono: mutalihakana nabo; baitu tindibaha ha nsi yabu, nangwa, nobuhokuba hokulibata amara gekigere: baitu nkaha Esau orusozi Seyiri okuba obutaka. 6Muligura ebyokulya halibo nebintu, mulye; kandi muligura amaizi halibo, munywe. 7Baitu MUKAMA Ruhanga wawe akakuha omugisa omu mulimo gwona ogwomukono gwawe: akamanya amagenda gawe omu irungu linu eringi: emyaka egi amakumi ana MUKAMA Ruhanga wawe akaikara naiwe; otasege kantu. 8Nukwo twahinguraho bene baitu abana ba Esau abarukuikara omu Seyiri, turugire omu muhanda gwa Araba okuruga Erasi nokuruga Ezioni-gebere.

Twahinduka twaraba omu muhanda ogwirungu lya Moabu. 9MUKAMA yangambira ati Otabihiza Moabu, nobukwakuba okuhekana nauwe nobulemu: baitu tindikuha ha nsiye okuba obutaka; baitu nkaha Ara abana ba Loti okuba obutaka. 10Emimu bakaba nibaikara omu omu biro byaira, abantu abakuru, kandi baingi, kandi abahango nka Anakimu: 11kandi abo nibetwa Refaimu, nka Anakimu; baitu Abamoabu nibabeta Emimu. 12Nabaholi bakaba nibaikara omu Seyiri omu biro byaira, baitu abana ba Esau bakabakuratira; kandi babahwerekereza omu maiso gabu, baikaraho omu kiikaro kyabu; nka Isareri okuyakozire ensi eyobutakabwe, MUKAMA eyiyabahaire.) 13Hati bunu muimuke, mwambuke ekyambu Zeredi. Twayambuka ekyambu Zeredi. 14Kandi ebiro ebitwamazire okuruga Kadesi-baranea, okuhikya obutwayambukire akambu Zeredi, byahika emyaka esatu na munana; okuhikya obusinge bwona obwabasaija bokurwana obubamazirweho hagati yorukande nka MUKAMA okuyabarahirire. 15Kandi omukono gwa MUKAMA gwarwana nabo abahwerekereze hagati yorukande, okuhikya abubahwerekerire.

16Nukwo kyahika, abasaija bokurwana bona obubamazirweho, 17kandi bafire omu bantu, MUKAMA yangambira ati 18Ekiro kimu kikuhikire okwambukira Ara, omutano gwa Moabu: 19kandi obwolii’ra haihi ha bana ba Amoni otalibabihiza, nobukwakuba okuhakana nabo: baitu tindikuha ha nsi yabana ba Amoni okuba obutaka: baitu nkagiha abana ba Loti okuba obutaka. 20(Kandi negi neyetwa ensi ya Refaimu: Refaimu bakaba nibaikaramu omu biro byaira; baitu Abamoni nibabeta Zamuzumimu; 21abantu abakuru, kandi baingi, kandi bahango, nka Anakimu; baitu MUKAMA akabahwerekereza omu maiso gabu; babakuratira baikara omu kiikaro kyabu: 22Nkokuyakolire abana ba Esau, abaikaraga omu Seyiri, obuyahwerekerize Abaholi omu maiso gabu; babakuratira, baikara omu kiikaro kyabu nokuhikya hati: 23kandi Avimu abaikaraga omu bika nokuhikya Gaza, Kafutolimu abarugire omu Kafutora, bakabahwerekereza, baikara omu kiikaro kyabu.) 24Muimuke, muimukye orugendo rwanyu mwambuke ekihanga kya Aranoni: dora, mpaireyo omu mukono gwawe Sihoni Omwamoli omukama wa Hesiboni, nensiye: banza okugirya, ohakane nauwe omu bulemu. 25Ha kiro kinu ndibanza okuta okutinwa kwawe nekitinisa kyawe ha mahanga agali hansi yiguru lyona, kandi balihu’ra okuranganwa kwawe, balitukumira, balisalirwa habwawe.

26Kandi natuma abakwenda hali Sihoni omukama wa Hesiboni abarugire omu irungu lya Kedemosi, nibatwara ebigambo byobusinge ningamba nti Leka ndabe omu nsi yawe: 27ndiraba ha ngudo, tindihabira ha mukono gwobulyo nobuhokuba ha gwemoso. 28Olinguza ebyokulya habwebintu, ndye; kandi olimpa amaizi habwebintu, nywe: kimu kyonka ondeke ndabeho nebigere byange; 29nkabana ba Esau abaikara omu Seyiri, Nabamoabu abaikara Ara okubankonzire; okuhikya obundyambuka Yorudani nintahaomu nsi MUKAMA Ruhanga waitu eyatuha. 30Baitu Sihoni omukama wa Hesiboni akanga okutuleka tumuhinguleho; baitu MUKAMA Ruhanga wawe akagumanganiza omwoyogwe, yagumya omutimagwe, amuheyo omu mukono gwawe, nkokukiri hati. 31Kandi MUKAMA yangambira ati Dora ntandikire okuhayo Sihoni nensiye omu maiso gawe: banza olye, nukwo ogwetwe ensiye. 32Nubwo Sihoni yarugayo okuturamagira, uwe nabantube bona, okurwana omu Yahazi. 33MUKAMA Ruhanga waitu yamuhayo omu maiso gaitu; twamutema na batabanibe nabantube bona. 34Twanyaga nembugaze zona omu kasumi ako, twahwerekereza kimu embuga zona ezabantu, hamu nabakazi nabana abato; tutasigaho nomu: 35Kimu kyonka tukenyagira itwenka ente okuba eminyago, hamu nebintu byomu mbuga ezitwanyagire. 36Okuruga Aroere, eri ha mutano gwekihanga kya Aranoni, nokuruga ha rubuga oruli omu kihanga, nokuhikya Gireadi, busaho rubuga orwatulemera ha bwokuraiha kwarwo: baitu MUKAMA Ruhanga waitu akahayo bona omu maiso gaitu: 37Kimu kyonka ensi yabana ba Amoni otagii’ra haihi; orubaju rwona orwekisaru Yaboki, nembuga ezensi yensozi, kandi hona hona nambere MUKAMA Ruhanga waitu yatugangire.