Swahili Bible2

17

1OTALIHAYO hali MUKAMA Ruhanga wawe nkekyonzira enimi nobwekuba entama enyakuloho akamogo, rundi akabai kona kona: baitu muziro hali MUKAMA Ruhanga wawe.

2Rundi obuhalizoka hagati yawe, omu malembo gawe gona MUKAMA Ruhanga wawe agakuha, rundi musaija rundi mukazi arukukora ekibi omu maiso ga MUKAMA Ruhanga wawe, nasobya ebiragirobye, nagenda nako’ra abacwezi, 3nabaramya, rundi izoba, rundi okwezi, rundi ekintu kyona ekyomu mahe ga haiguru, nyowe ebintararagire; 4kandi nibakikugambira, iwe nokihu’ra, nubwo olikaguriza muno, kandi dora, obukiriba kiri kyamazima, ekigambo ekigumire, ngu ekigambo eki ekyomuziro nikikorwa omu Isareri; 5nubwo oliturukya omusaija ogu rundi omukazi ogu akozire ekigambo eki ekibihire, nomuleta hali amalembo gawe, omusaija ogu rundi omukazi ogu kandi olibatera amabale bafe. 6Habwakanwa kabakaiso babiri rundi bakaiso basatu nukwo ogu owokuitwa aliitwa ati; habwakanwa ka kaiso omu taliiitwa. 7Omukono gwabakaiso nugwo gulimubanzaho okumuita, kandi hanyuma omukono ogwabantu bona. Nukwo oliihaho oti ekibi hagati yawe.

8Obuharaimukaga ekigambo ekirikulema okukicwera omusango, eyesagama nesagama, ekyokutongana nokutongana, ekyomuigo nomuigo, ebigambo ebyokuhakana omunda yamalembo gawe: nubwo oliimuka nogenda hali ekiikaro MUKAMA Ruhanga wawe ekyalyegomboza; 9kandi oliija hali banyakatagara Abalevi, kandi hali omucwi wemisango alibaho omu biro ebi, kandi olikaguliriza; bo balikworeka ebyokucwa omusango: 10kandi olikora nkokucwa oku okukuli, okubalikwoleka omu kiikaro eki MUKAMA ekyalyegomboza; kandi olikwata nokora nka byona ebibalikwegesa: 11nkebiragiro okubiri ebibalikwegesa, kandi nkokucwa omusango okubalikugambira, nukwo olikora oti: otalihunguka ha musango ogubalikwoleka nogenda ha mukono gwobulyo nobuhokuba ha gwemoso. 12Kandi omuntu alyerema okutahu’ra nyakatagara anyakwemerire okuhereza oku omu maiso ga MUKAMA Ruhanga wawe, rundi omucwi wemisango, omuntu ogu alifa: aliibaho ekibi ha Isareri, 13nabantu bona balihu’ra kandi balitina, kandi balireka okukora nobwereme.

14Obwolikataha hali ensi MUKAMA Ruhanga wawe eyakuha, kandi origilya, kandi oliikaramu; kandi oligamba oti Nditaho omukama okundema, nkamahanga gona aganyehingulirize; 15mananukwo olimutaho okuba omukama wawe, ogu MUKAMA Ruhanga wawe owalikomamu: omuntu owomu bene banyu nuwe olitaho okuba omukama wawe: otalitaho omunyaihanga okukulema, atali mwene wanyu. 16Kimu kyonka atalyekanyisiza wenka embarasi, okuga’rayo abantu omu Misiri, akanyise embarasi: baitu MUKAMA akabagambira ati Okuruga hati mutaligarukayo omu muhanda ogu. 17Kunu atalyekanyisiza wenka bakazi, omutimagwe gutahaba: kunuatalyekanyisiza muno efeza na zabu. 18Kandi kirihika, obwaliika’ra ha kitebe ekyobukamabwe, alyehandikira ebiragiro binu omu kitabu, nabiiha omwebi ebiri omu maiso ga banyakatagara Abalevi: 19kandi kiraikaraga nauwe, kandi arakisomamuga ebiro byona ebyobwomezibwe: ayege okutina MUKAMA Ruhangawe okuwataga ebigambo ebyebiragiro binu na binu ebitairweho, okubikoraga: 20omutimagwe guleke okunyumizibwa okukira bagenzibe, kandi aleke okuhaba omu biragiro nagenda ha mukono gwobulyo nobuhokuba ha gwemoso: nukwo akanyise ebirobye omu bukamabwe, uwe nabanabe, hagati ya Isareri.