Swahili Bible2

12

1BINU nibyo byatairweho nebyobulyo ebimurayerindaga mubikolege omu nsi MUKAMA Ruhanga wa baisenkuru eyakuhaire okugirya, ebiro byona ebimuliikara hansi muli bomezi. 2Mazimakwo mulihwerekereza ebiikaro byona, nambere amahanga agamulitunga gako’raga abacwezi babu, ha nsozi eziraihire, kandi ha busozi, kandi hansi yomuti gwona omubisa: 3Kandi mulinaga hansi ebyoto byabu, mulicwacwamu amabale gabu agarahire, mulyokya nomu’ro Aserimu zabu: kandi mulitema ebisisani byabacwezi babu ebisaruirwe; kandi mulihwerekereza ibara lyabu omu kiikaro eki. 4Mutalikora muti hali MUKAMA Ruhanga wanyu. 5Baitu ekiikaro MUKAMA Ruhanga wanyu ekyalyogomboza omu nganda zanyu zona okuikazayo ibaralye, ekiikaro ekyokuikaramu nuho muliija: 6kandi nuho muraletaga ebihongwa byanyu ebyokeze, nebyonzira byanyu, nebicweka byanyu ebya ikumi, nekihongwa ekihimbwa ekyomukono gwanyu, nokweraga kwanyu, nebihongwa byanyu ebyokugonza, nemizigaijo eyente zanyu neyembuzi zanyu: 7kandi muraliraga oku omu maiso ga MUKAMA Ruhanga wanyu, kandi mulisemererwa byona ebimutaho omukono gwanyu okubikora, inywe nabomu nju zanyu, nambere MUKAMA Ruhanga wawe aliba akuherire omugisa. 8Mutalikora nkebigambo byona ebitukora hanu hati, omuntu wena nakora eki ekisemire omu maisoge wenka: 9baitu timukahikire okutaha ha kuhumura nobugwetwa, MUKAMA Ruhanga wawe ebyakuha. 10Baitu obumulyambuka Yorudani okuikara omu nsi MUKAMA Ruhanga wanyu eyarukubagweta, kandi obwalibaha okuhumura abanyanzigwa banyu bona ha mbaju zona, nokuikara nimuiikaramu mutarukutina; 11nubwo kirihika, ekiikaro MUKAMA Ruhanga wanyu ekyalyegomboza okuikarayo ibaralye, nuho muraletaga oku byona ebimbaragire; ebihongwa byanyu ebyokeze, nebyonzira byanyu ebicweka byanyu ebya ikumi, nekihongwa ekihimbwa ekyomukono gwanyu, nokweraga kwanyu kwona okusemire okumweraga hali MUKAMA: 12kandi mulisemererwa omu maiso ga MUKAMA Ruhanga wanyu, inywe, na batabani banyu nabahara banyu, nabairu banyu, nabazana banyu, Nomulevi anyakuli omunda yamalembo ganyu, baitu tanyina mugabo nobukwakuba obugwetwa hamu nainywe. 13Werinde wenka oleke okuhonga ebihongwa byawe ebyokeze omu kiikaro kyona ekyorabonaga: 14baitu omu kiikaro MUKAMA ekyalyegomboza, omu rumu orwenganda zawe nuho orakoraga byona ebinkuragire. 15Kimu kyonka orasoboraga okuita nokulya enyama omunda yamalembo gawe, nkokugonza kwona okwobwomezi bwawe okukuli, nkokumugisa ogwa MUKAMA Ruhanga wawe ogwakuhaire okuguli: atasemire nasemire baralyahoga, rundi ha njaza rundi ha nsa. 16Kimu kyonka mutalirya ha sagama; muragisesaga ha nsi nkamaizi. 17Otalirya omunda yamalembo gawe omuganuro ogwengano yawe, nobuhokuba ha marwa gawe, nobuhokuba ha mizigaijo eyente zawe neyembuzi zawe, nobuhokuba ha mizigaijo eyente zawe nobuhokuba ha kweraga kwawe kwona okwoyeraga, nobuhokuba ha bihongwa ekihimbwa ekyomukono gwawe: 18baitu orabiriraga omu maiso ga MUKAMA Ruhanga wawe omu kiikaro MUKAMA Ruhanga wawe ekyalyegomboza, iwe, na mutabani wawe, nomuzana wawe, Nomulevi anyakuli omunda yamalembo gawe: kandi olisemererwa omu maiso ga MUKAMA Ruhanga wawe omu byona ebyotaho omukono gwawe okubikora. 19Werinde wenka, otasiga Omulevi ebiro byona ebyoliika’ra omu nsi yawe.

20MUKAMA Ruhanga wawe obwaligalihya emitano yawe, nkokuyakuraganize, naiwe oligamba oti Ndirya enyama, baitu obwomezi bwawe nubugonza okulya enyama; olisobora okulya enyama nkokugonza kwona okwobwomezi bwawe okukuli. 21Ekiikaro MUKAMA Ruhanga wawe ekyalyegomboza okuikazayo ibaralye obukiriba kikuli hara muno, oliita ha nte zawe na ha mbuzi zawe, MUKAMA ezakuhaire, nka nyowe okunkuragire, kandi olirira omunda yamalembo gawe, nkokugonza kwona okwobwomezi bwawe okukuli. 22Nkokubalya ha njaza na ha nsa, nukwo oliryaho: atasemire nasemire baliryaho nibainganaingana. 23Kimu kyonka oyekenge oleke okulya ha sagama: baitu esagama nubwo bwomezi; kandi otalirya obwomezi hamu nenyana. 24Otaligirya; oligisesa ha nsi nkamaizi. 25Otaligirya; gubege omugisa namberoli, nabana bawe hanyuma yawe, obumurakoraga ekirungi omu maiso ga MUKAMA. 26Kyonka ebintu byawe ebirukwera ebyonyinabyo, nokweraga kwawe, orabitwaraga nogenda hali ekiikaro MUKAMA ekyalyegomboza: 27kandi orahongaga ebihongwa byawe ebyokeze, enyama nesagama, ha kyoto kya MUKAMA Ruhanga wawe; kandi esagama eyebyonzira byawe eraseswaga ha kyoto kya MUKAMA Ruhanga wawe, kandi oralyaga enyama. 28Olindege kandi ohu’rege ebigambo binu byona ebindukuragira, gubege omugisa namberoli, nabana bawe hanyuma yawe ebiro byona, obworakoraga ekirungi kandi ekyobulyo omu maiso ga MUKAMA Ruhanga wawe.

29MUKAMA Ruhanga wawe obwalimaraho amahanga omu maiso gawe nambere otahamu okubatunga, kandi olibatunga noikara omu nsi yabu; nubwo olyerinda wenka, 30oleke okutegwa okubakuratira, obubalimara okuhwerekerezebwa omu maiso gawe; kandi oleke okukaguza ahali abacwezi babu nogamba oti Amahanga ganu nigako’ra gata abacwezi babu? Nukwo nyowe ndikora nti. 31Otalikora oti ahali MUKAMA Ruhanga wawe; baitu ekinugwa kyona MUKAMA ekyarukunoba, nikyo bakolire abacwezi babu; baitu na batabani babu nabahara babu omu mu’ro.

32Ekigambo kyona kyona ekimbaragira nikyo muralindaga okukikora: otalikyongeraho, kunu otalicwaho.