Swahili Bible2

11

1Nikyo oragondezaga MUKAMA Ruhanga wawe nolinda ebi ebyakuragira nebyataireho, nebyobulyobye, nebiragirobye ebiro byona. 2Kandi mumanye kinu ha kiro kya hati baitu tindukubaza nabana banyu abataramanyire kandi abataraboine okubonabonesea okwa MUKAMA Ruhanga wawe, obukurubwe engaroze ezamani no 3mukonogwe ogwagoroirwe nobwokuro rahobwe nemirimoye ebiyakozire hagati ya Misiri Faraho omukama wa Misiri nensiye yona; 4kandi ebiyakozire ihe erya Misiri embarasi zabu negali zabu okuyalesere amaizi agenyanja erukutukura okundera kandi MUKAMA okuyabahwerekeiza nokuhikya hati 5kandi ebiyakozire inywe omuirugu okuhikya obumwatahire 6omu kiikaro kinu kandi ebiyakozire dasani na abiramu batabani ba eryabu, mutabani wa reubeni ensi okuyayasamnire akanwa kayo yabamira nobumunju yabu nehema zabu neikintu kyona ekyomezi ekiakaba nikibakuratira hagati ya Isareri yona: 7baitu amaiso ganyu gakabona omulimo gwona omukuru ogwa MUKAMA oguyakozire. 8Nikyo murakwatiraga ekiragiro kyona ekindukuragira ekiragiro ha kiro kinu, mube abamani, mutahema mulye ensi, nambere murukwambuka okugirya; 9kandi mukanyise ebiro byanyu omu nsi, MUKAMA eyiyarahire baswenkuru okugibaha noruzaro rwabu, ensi erukugera amata nobwoki. 10Baitu ensi eyorukutahamu okulya terukusisana nkensi ya Misiri nambere mwarugire, nambere wasigaga embibo yawe nogiiti’ra nekigere kyawe, nkomusiri gwemikubi” 11baitu ensi nambere murukwambuka okulya, nsi yensozi nebihanga, nenywa amaizi agenjura ya haiguru: 12ensi MUKAMA Ruhanga wawe eyataho omutimagwe, amaiso ga MUKAMA Ruhanga gagiroho obutosa, okuruga nambere omwaka gubandiza okuhikya nambere omwaka gugarukira.

13Kandi kirihika, obumulyekamba okuhu’ra ebiragiro byange ebindukubaragira hati, okugonzaga MUKAMA Ruhanga wanyu, nokumuko’ra nomutima gwanyu gwona, nobwomezi bwanyu bwona, 14nyowe ndahaga enjura yanyu eyensi omu kasumi kayo, enjura eyirumbi nenjura eyobutoigo, nukwo ohunike engano yawe, namarwa gawe namagita gawe. 15Kandi ndiha obunyansi omu bwe’re bwawe habwente zawe, kandi olirya oliiguta. 16Mwerinde inywenka, omutima gwanyu guleke okubihwa, kandi mutahunguka nokuko’ra abacwezi nokubaramya; 17nekiniga kya MUKAMA kireke okubikiraho, kandi atakingaho iguru enjura ereke okugwa, nensi okutana ebyana byayo; nainywe okuhwereke’ra nimuhwereke’ra bwango omu nsi enungi MUKAMA eyarukubaha. 18Nikyo murayahu’raga ebigambo ebi ebyange omu mutima gwanyu nomu bwomezi bwanyu; kandi mulibiboha ha ngaro zanyu okuba akokuro’raho kandi birabaga ebyaha buso bwanyu, 19kandi murabyegesaga abana banyu, nimubibazaho obworaikara’raga omu nju yawe, kandi obworagenderaga omu muhanda, kandi obworabyamaga, kandi obworaimukaga. 20Kandi orabihandikaga ha mikumi’ro eyenju yawe na ha nyingi zawe: 21ebiro byanyu bikanyege, nebiro ebyabana banyu omu nsi MUKAMA eyiyarahirire baisenkuru inywe okugibaha, nkebiro ebya iguru haiguru yensi. 22Baitu obumulyekamba okukwata ekigambo kinu kyona ekindukubaragira, okukikoraga; okugonzaga MUKAMA Ruhanga wawe, okugenderaga omu mihandaye yona nokumugumahoga; 23nubwo MUKAMA alibingamu amahanga ago gona omu maiso ganyu, kandi mulitunga amahanga agabakira inywe obukuru namani. 24Ekiikaro kyona ekimuralibataga nomunda yekigere kyanyu kiriba kyanyu: okuruga ha irungu na Lebanoni, okuruga ha kyambu, Ekyambu Furati, nokuhikya ha nyanja yoburugaizoba, nugwo guliba omutano gwanyu. 25Busaho muntu alisobora okweme’ra omu maiso ganyu: MUKAMA Ruhanga wanyu nuwe alita okutinwa kywanyu nokwekanga ha bwanyu ha nsi yona eyimuralibataga, nkokuyabagambire.

26Dora, ninta omu maiso ganyu omugisa nomukyeno; 27omugisa, obumurahu’raga ebiragiro bya MUKAMA Ruhanga wanyu ebindukubaragira hati: 28nomukyeno, obumulyanga okuhu’ra ebiragiro bya MUKAMA Ruhanga wanyu, baitu obumulihunguka omu muhanda ogundukubaragira hati okukuratira abacwezi, abamutaramanyire.

29Kandi kirihika, MUKAMA Ruhanga wawe obwalikutahya omu nsi eyonda okulya, nubwo olita omugisa ha rusozi Gerizimu, nomukyeno ha rusozi Ebali. 30Ezi tiziri enseri ya Yorudani, hanyuma yomuhanda ogwobugwaizoba, omu nsi Araba, erolerire Girigali, haihi nemihomozi ya Mole? 31Baitu nimugenda okwambuka, Yorudani, mutahemu mulye ensi MUKAMA Ruhanga wanyu eyarukubaha, kandi muligirya, muligiikaramu. 32Kandi mulyerinda nimukora ebyatairweho nebyobulyo byona ebintaire omu maiso ganyu hati.