Swahili Bible2

1

1BINU bibyo bigambo Musa ebiyagambire Isareri yona enseri ya Yorudani omu irungu, omu Araba erolerire Sufu, hagati ya Parani na Toferi na Rabani na Hazerosi na Di-zahabu. 2Rugendo orwebiro ikumi na kimu okuruga Holebu omu muhanda gworusozi Seyiri okuhikya Kadesi-baranea. 3Kandi kyahika omu mwaka gwamakumi ana, omu kwezi okwa ikumi na kumu, ha kiro kyokubanza ekyokwezi, Musa yagambira abana ba Isareri, nka byona okubiri MUKAMA ebiyamuhaire okubaragira; 4obuyamazire okutema Sihoni omukama Wabamoli, ayaikaraga Hesiboni, na Ogi omukama wa Basani, ayaikaraga omu Asiterosi, Edireyi: 5enseri ya Yorudani omu nsi ya Moabu, Musa akabanza okuduma ebiragiro binu 6nagamba ati MUKAMA Ruhanga waitu akabaza naitwe Holebu, nagamba ati Mumazire okuikara omu rusozi runu: 7muhinduke, muimukye orugendo, mugende omu nsi yensozi eya Abamoli, na hali ebiikaro byona ebihe’raineyo,omu Araba, omu nsi yensozi, nomu kyeya, Nobukizi bwobulyo, na ha musa gwenyanja, ensi Yabakanani, na Lebanoni, okuhikya ekyambu ekikoto, ekyambu Furati. 8Dora, ntaireho ensi omu maiso ganyu: mutahemu, mulye ensi MUKAMA eyiyarahirire baisenkuru inywe, Iburahimu, Isaka, na Yakobo, okugibaha noruzaro rwabu hanyuma yabu. 9Kandi nkabagambira omu kasumi ako ningamba nti Tindukusobora habwange nyenka okubaimukya: 10MUKAMA Ruhanga wanyu nuwe yabakanyisize, kandi dora, ha kiro kinu nimuingana enyunyuzi ezahaiguru obwingi. 11MUKAMA, Ruhanga wa baisenkuru inywe, abakanyise emirundi rukumi omuhendo gwanyu ogwa hati bunu, abahege omugisa, nkokuyabaraganize 12Nyowe nyenka ndasobora nta okugumisiriza okulemera kwanyu nenketo yanyu, nempaka zanyu? 13Mwekomere abasaija abamagezi, nabokwegereza abamanyirwe, nkenganda zanyu okuziri, kandi ndibafora emitwe yanyu. 14Inywe mwangarukamu nimugamba muti Ekigambo ekyogambire kisemerire tukikole. 15Nukwo natwara emitwe eyenganda zanyu, abaisaija abamagezi, abamanyirwe, kandi nabafora emitwe yanyu, engabwa ezekumi, na bamogora, nkenganda zanyu okuziri. 16Kandi naragi’ra abacwi bemisango omu kasumi ako, ningamba nti Muhu’re ebigambo byokutongana ebya bene banyu, mucwege ebyobulyo ahali omusaija na mwene wabu, nomunyaihanga anyakuli, hamu nauwe. 17Mutalicwe’ra abantu; mulihu’ra abato nabakuru nibainganaingana; mutalitina amaiso gabantu; baitu Ruhanga nuwe acwa emisango: kandi ebigambo ebiribalema mulibireta namberendi, kandi ndibihu’ra. 18Kandi nkabaragira omu kasumi ako ebigambo byona ebibahikirire okukora.

19Kandi twaimukya okuruga Holebu, twaraba omu irungu eri erikoto kandi eryokutinisa erimwaboine, omu muhanda ogurukugenda omu nsi yensozi eya Abamoli, nka MUKAMA Ruhanga waitu okuyaturagire; twahika Kadesi-baranea. 20Nabagambira nti Muhikire omu nsi yensozi eya Abamoli, MUKAMA Ruhanga waitu eyatuhaire. 21Dora, MUKAMA Ruhanga wawe ataireho ensi omu maiso gawe; temba, ogirye, nka MUKAMA Ruhanga wa baswenkuru okuyakugambire; otatina nobukyakwakuba okufobe’ra. 22Mwanyi’ra haihi omuntu wena omulinywe, mwagamba ngu Tutume abasaija omu maiso gaitu, baturo’re ensi, batuletere amakuru agomuhanda ogutuligendamu, nembuga ezitulihikaho. 23Ekigambo kyansemeza muno: nakoma omulinywe abasaija ikumi na babiri, oruganda rwona omusaija omu: 24bahinduka batemba orusozi, bahika omu kihanga kya Esikoli,. bakitata. 25Baiha ha byana byensi batwara omu ngara zabu, babisirimura nambere tuli, nibatuletera amakuru, nibagamba ngu Ensi nungi MUKAMA Ruhanga waitu eyatuhaire. 26Baitu mwayanga okutemba, mwayemera ekiragiro kya MUKAMA Ruhanga waitu wanyu. 27mwahyemera omu hema zanyu nimugamba ngu Baitu MUKAMA akatunoba, nikyo yatuihireyo omu mukono Gwabamoli okutuhwerekereza. 28Ntugenda nkaha? bene baitu basununuire emitama yaitu, nibagamba ngu Abantu nibatukira obuhango nokuraiha; embuga nkoto, kandi ziroho muhuruzi okuhika haiguru; kandi twarora oku nabana ba Anaki. 29Nubwo nabagambira nti Mutekanga, nobukwakuba okubatina. 30MUKAMA Ruhanga wanyu arukubebembera nuwe alibarwani’ra, nka byona ebiyabakolire omu Misiri omu maiso ganyu; 31nomu irungu nambere warozire MUKAMA Ruhanga wawe okuyakuhimbire, nkomusaija okwahimba omwanawe, omu muhanda gwona ogumwarabiremu, okuhikya obumwatahire ekiikaro kinu. 32Baitu omu kigambo ekimutaikirize MUKAMA Ruhanga wanyu, 33ayayebemberaga omu muhanda okubaseru’raga hokusimba ehema zanyu, habwomu’ro ekiro, nokubolekaga omuhanda ogubahikirire okugendamu, kandi habwekicu nyamusana. 34MUKAMA yahu’ra iraka eryebigambo byanyu, yabihirwa, yarahira nagamba ati 35Mazimakwo ha basaija banu abobusinge bunu obubi, tihalibaho nomu alirora, ensi esemire, eyinarahirire okuha baisenkuru inywe, rundi Kalebu mutabani wa Yefune, nuwe aligirora; 36kandi nuwe ndiha ensi eyiyalibasire, kandi nabanabe: baitu akakurati’ra kimu MUKAMA. 37Nanyowe MUKAMA akambihi’rwa habwanyu, gagamba ati Naiwe otalitahayo/ 38Yosuha mutabani wa Nuni arukweme’ra omu maiso gawe, nuwe alitahayo: omwekambise; baitu aligigweta Isareri. 39Baitu abana abato banyu abamwagambire ngu baliba nkomunyago, nabana banyu abatarukumanya hati bunu ebirungi nebibi, nibo balitahayo, kandi nibo ndigiha, kandi baligirya. 40Baitu inywe, muhinduke, muimukye orugendo rwanyu, mugende omu irungu omu muhanda ogwenyanja Erukutukura. 41Nubwo mwagarukamu nimungambira muti Tukasisa MUKAMA, tulitemba turwane, nka byona MUKAMA Ruhanga waitu ebiyaturagire. Mwahagatira omuntu wena ebyokurwanisabye, mwayanguhi’ra okutemba omu rusozi. 42MUKAMA yangambira ati Bagambire oti Mutatemba, kunu mutarwana; baitu nyowe tindi omulinywe; muleke okutemwa omu maiso baganyanzigwa banyu. 43Nukwo nabagambira, mwalema okuhu’ra; baitu mukemera ekiragiro kya MUKAMA, mwayekunika, mwatemba omu rosozi. 44Kandi Abamoli, abaikaraga omu rusozi oru barugayo okubarwanisa, bababinga, nkenjoki okuzigira. Babatera hansi omu Seyiri, nokuhikya Horuma. 45Kandi mwagaruka, mwa’ra omu maiso ga MUKAMA; baitu MUKAMA atahu’re iraka lyanyu, nobukwakuba okubategera okutu. 46Nukwo mwaikara omu Kadesi ebiro bingi, nkebiro okubikaba biri ebimwaikalireyo.