Swahili Bible2

9

1KANDI Daudi akagamba ati Hasigaireho omuntu wena womunju ya Saulo, nyowe mwoleke embabazi habwa Yonasani? 2Kandi hakaba haroho omuiru womunju ya Saulo ibaralye nuwe Ziba, bamweta aije hali Daudi: omukama yamugambira ati Niwe Ziba? Yagamba ati Omuiru wawe nuwogu. 3Omuakama yagamba ati Tihasigaireho muntu wena womunju ya Saulo, nyowe mwoleke embabazi eza Ruhanga? Ziba yagambira omukama ati Yonasani akiyina mutabani, omulema webigere. 4Omukama yamugambira ati Alinkaha? Ziba yagambira omukama ati Dora, ali omunju ya Makiri mutabani wa Amieri, omu Lodeba. 5Nubwo omukama Daudi yatuma, yamuiha omunju ya Makiri mutabani wa Amieri, omu Lo-deba. 6Kandi Mefibosesi mutabani wa Yonasani, mutabani wa Saulo akaija hali Daudi, yagwa ajumaire, yaramya. Daudi yagamba ati Mefibosesei. Wawe! 7Daudi yamugambira ati Otatina: baitu mananukwo ndikwoleka embabazi habwa Yonasani ’so, kandi ndikugaru’ra obutaka bwona obwa Saulo ‘so; naiwe oralyaga ebyokulya ha meza yange obutosa. 8Yainama nagamba ati Omuiru wawe nuwe ki, iwe okurora ha mbwa efire eti nka nyowe okundi? 9Omukama yayeta Ziba omuiru wa Saulo, yamugambira ati Byona ebikaba biri bya Saulo nenjuye yona mbihaire mutabani womukama wawe. 10Naiwe oramulimiraga itaka, iwe nabatabani bawe nabairu bawe; kandi oraletaga ebyana byamu. mutabani wa mukama wawe atungege ebyokulya: baitu Mefibosesi mutabani wa mukama wawe aralyaga obutosa. Lero Ziba akabayina batabani ikumi nabatano nabairu amakumi abiri. 11Kandi Ziba yagambira omukama ati Nka byona mukama wange omukama ebyaragire omuiruwe, nukwo omuiru wawe arakora ati. Ebya Mefibosesi nukwo yagambire omukama, aralyaga ebyokulya ha meza yange, nkomu hali abana bomukama. 12Kandi Mefibosesi akabanyina omwana omuto, ibaralye nuwe Mika. Na bona abatahaga omunju ya Ziba bakaba bali bairu hali Mefibosesi. 13Nukwo Mefibosesi yataha Yerusalemu: baitu yalyaga obutosa ha meza yomukama; kandi akabali omulema webigere byombi.