Swahili Bible2

8

1HANYUMA yebi kikahika Daudi akatema Abafirisiti, yabasingura: Daudi yaiha Mesegama omu mukono Gwabafirisiti. 2Yatema Moabu, yababyamya hansi nabalenga nomuguha; yabalengaho emiguha ebiri okubaita, nomuguha gumu oguhikire yabatonda okutafa. Abahikire yabatonda okutafa. Abamoabu bafoka abairu hali Daudi, nibaleta ebisembo. 3Kandi, Daudi akatema Hadadezere mutabani wa Rehobu omukama wa Zoba, obwakaba nagenda okuga’ra obukamabwe ha Kyambu. 4Daudi yamwaka abahambarasi rukumi mu rusanju, nabebigere bukumi bubiri: Daudi yatema ebitega byembarasi zona ezegali, baitu akaihaho ezegali kikumi. 5Kandi Abaramu aba Damasiko obubaizire okujumura Hadadezere omukama wa Zoba, Daudi yatema ha Baramu abasaija bukumi bubiri mwenkumi ibiri. 6Nubwo Daudi yataho abokulinda mu Aramu eya Damasiko, Abaramu bafoka abairu hali Daudi nibaleta ebisembo. Kandi MUKAMA yajunaga Daudi hayagendaga hona. 7Kandi Daudi yatwara engabu ezezabu ezikaba ziri ha bairu ba Hadadezere, yazireta Yerusalemu. 8Nomu Beta nomu Berosai, embuga eza Hadadezere, omukama Daudi yaihamu emiringa nyingi muno muno. 9Kandi Toi omukama wa Hamasi obuyahulire Daudi atemere ihe lyona erya Hadadezere, nubwo Toiyatuma 10Yoramu mutabaniwe hali omukama Daudi okumukaguza, nokumusabira omugisa, baitu akarwana na Hadadezere yamutema: baitu Hadadezere akabanyina obulemu na Toi. Kandi Yoramu akaleta nauwe ebintu byefeza nebintu byezabu, nebintu ebyemiringa 11nebi byona omukama Daudi akabyahu’ra MUKAMA, hamu nefeza nezabu ebiyayahuire ebyama 12hanga agayaculize; ebya Eramu nebya Moabu nebyabana ba Amoni, Nebyabafirisiti, nebya Amaleki, nebyomu minyago ya Hadadezere, mutabani wa Rehobu, omukama wa Zoba. 13Kandi Daudi aketungira ibara obuyagarukire arugire okutera Abaramu omu Kihanga Kyekisura, abasaija kakumi mu kanana. 14Yataho enkomero omu Edomu; omu Edomu yona akataho enkomero, Nabedomu bona bakafoka abairu hali Daudi. MUKAMA yajunaga Daudi hayagendaga hona. 15Kandi Daudi akalema Isareri yona: Daudi yacweraga emisango nebyobulyo abantube bona. 16Kandi Yoabu mutabani wa Zeruya nuwe akabali mukuru wihe; na Yehosafati mutabani wa Ahirundi nuwe akabali omu 17ijukya webifayo: na Zadoki mutabani wa Ahitubu, na Ahimereki mutabani wa Abyasara nibo bakaba bali banyakatagara; na Seraya nuwe akabali 18muhandiki; na Benaya mutabani wa Yehoyada nuwe akabali mukuru Wabakereti Nabapereti; na batabani ba Daudi bakaba bali bahereza abakuru.