Swahili Bible2

5

1KANDI enganda zona za Isareri zikaija hali Daudi Heburoni, nibabaza nibagamba ngu Dora itwe tuli igufu lyawe kandi enyama yawe. 2Omu biro ebyahinguireho, Saulo obwahyaga Isareri: MUKAMA yakugambira ati Niwe olirisisa abantu bange Isareri, niwe oliba mukuru okulema Isareri. 3Nukwo abakuru ba Isareri bona baija hali omukama Heburoni: omukama Daudi yabaraganiza ekiragano omu Heburoni omu maiso ga MUKAMA: kandi bamusesaho amagita Daudi abe omukama okulema Isareri. 4Daudi akaba ahikize emyaka amakumi asatu hayabandize okulema, yalemera emyaka amakumi ana. 5Omu Heburoni akalemera Yuda emyaka musanju, namezi mukaga: nomu Yerusalemu akalemera emyaka amakumi asatu mwesatu Isareri yona na Yuda. 6Kandi omukama nabasaijabe bakagenda Yerusalemu okuramagira Abayebusi, nibo batahaga omunsi” kandi bakagambira Daudi ngu Obwotaliihaho abafu bamaiso nabaramaire tolitaha munu: batekereze ngu Daudi talisobora okutahamu. 7Baitu Daudi akanyaga orukomero rwa Sayuni: oru nurwo rubuga rwa Daudi. 8Ha kiro Daudi akagambira ati Omuntu wena anyakutema Abayebusi, atembe ahali omukura gwamaizi ateme abaramaire nabafu bamaiso abarukunobwa obwomezi bwa Daudi. Nikyo babalize ngu Haroho abafu bamaiso nabalema; tarukusobora okutaha omu nju. 9Kandi Daudi akataha omu rukomero, yarweta orubuga rwa Daudi. Kandi Daudi akataha omu rukomero, yarweta orubuga rwa Daudi. Kandi Daudi akombeka ha mbaju zona okubandiza Miro nomunda. 10Kandi Daudi yayeyongerayongeraho obukuru: baitu MUKAMA, Ruhanga wamahe akabali nauwe. 11Kandi Hiramu omukama wa Turo akatumira Daudi abakwenda, nemiti emikogoto, nababaizi, nabakozi bamabale: 12bayombekera Daud enju. Kandi Daudi akategereza MUKAMA okwamugumuzeho okuba omukama okulema Isareri, kandi okwanyumize obukamabwe ha bwabantube Isareri. 13Kandi Daudi aketwa’ra abazana abandi nabakazi abomu Yerusalemu, obuyarugireyo Heburoni: na batabani abandi nabahara abandi baza’rwa Daudi. 14Ganu nigo mabara gabo abamuzalirwe omu Yerusalemu; Samuha na Sababu na Nasani na 15Sulemani na Ibuhara na Erisuha; 16na Nefegi na Yafiya; na Erisama na Eryada na Erifereti. 17Kandi Abafirisit obubahulire ngu Basesereho Daudi amagita abe omukama okulema Isareri, Abafirisit bona bakatembayo okuse’ra Daudi; Daudi yakihu’ra, yasirimuka yagenda hali obuingira. 18Kandi Abafirisiti bakaija bayeyanjara omu kihanga kya Refaimu. 19Daudi yakaguza hali MUKAMA nagamba ati Ntembeyo okuramagira Abafirisit, iwe, iwe olibahayo omu mukono gwange? MUKAMA yagambira Daudi ati Temba: baitu mazimakwo ndihayo Abafirisit omu mukono gwawe. 20Daudi yahika Baali perazimu, Daudi yabaitirayo; nagamba ati MUKAMA acwaine abanyanzigwa bange omu maiso gange nkamaizi okugacwana. Nikyo yarukire ekiikaro eki abara lyakyo Baali- perazimu. 21Kandi bakasigayo ebisisani byabu, Daudi na basaijabe babitwara. 22Kandi Abafirisiti bakagaruka okutemba, bayeyanjara omu kuhanga kya Refaimu. 23Daudi obuyakaguize hali MUKAMA yagamba ati Otatembayo: yahinguliriza enyuma yabu, obahikeyo haihi nemitungunda. 24Kandi kirahika obworakahu’ra nkemirundi yabantu haiguru, nubwo oraimuka: baitu buli MUKAMA atarukire okukwebembera okutera ihe Kyabafirisiti. 25Daudi yakora ati, nka MUKAMA okuyamuragire; yatema Abafirisiti okuruga Geba okuhikya nambere otahira Gezere.