Swahili Bible2

3

1KANDI hakaba haloho obulemu bwingi hali enju ya Saulo nenju ya Daudi: Daudi yayeyongera okufoka wamani, baitu enju ya Saulo yayeyongera okufoka yobugara. 2Kandi Daudi akaza’ra Heburoni batabani: owokubanza nuwe Amunoni, omu Ahinoamu Omuyezereri: 3nowakabiri nuwe Kireabu, omu Abigairi mukazi wa Nabaali Omukarameri; nowakasatu nuwe Abusalomu omwana wa Maaka omuisiki wa Tarumai omukama wa Gesura: 4nowakana nuwe Adoniya omwana wa Hagiti: nowakatano Sefatiya omwana wa Abitali: 5nowomukaga nuwe Itereamu omu Egura mukazi wa Daudi. Banu nibo bazalirwe Daudi omu Heburoni. 6Kandi kikahika obuhakaba haroho obulemu hali enju ya Saulo nenju ya Daudi, Abuneri yayeyongera okutunga amani omu nju ya Saulo. 7Kandi Saulo akabayina omuzana ibararye nuwe Rizipa, omuisiki wa Aya: Isibosisi akagambira Abuneri ati Kiki ekikugendeseze hali omuzana wa isenyowe? 8Nubwo Abuneri yabihirwa muno habwebigambo bya Isibosisi, yagamba ati Nyowe ndi mutwe gwembwa ogwa Yuda? Ekiro kinu ngirire embabazi enju ya Saulo ‘so, na bene babu nenganjanize, kunu tinkuhaireyo omu mukono gwa Daudi, baitu iwe ontuzire ha kiro kinu omusango gwomukazi ogu. 9Ruhanga akole Abuneri ati nokukiraho obuntalimukorta nka MUKAMA okuyarahirire Daudi: 10nukwo kuiha obukama ha nju ya Saulo, nokuimukya ekitebe kya Daudi okumulemesa Isareri na Yuda, okuruga Dani nokuhikya Beeri-seba. 11Nauwe atasobole okugarukamu Abuneri kigambo na kimu baitu akamutina. 12Kandi Abuneri akatuma aba hali Daudi habwe nagambi ati Ensi yoha? Kandi ati Ragana nanyowe kandi dora, omukono gwange guliba hamu naiwe okuhindura Isareri yona namberoli. 13Yagamba ati Nukwo: baitu ninkugonzaho ekigambo kimu, nkinu tolirora maiso gange rundi nobanza okuleta Mikali omuhara wa Saulo obwoliija okurora amaiso gange. 14Daudi yatuma abakwenda hali Isibosesi mutabani wa Saulo nagamba ati Ontwekere mukazi wange Mikali ounajugire ebisusu kikumi Ebyabafirisiti. 15Isibosesi yatuma yamuiha hali iba, nuwe Palityeri mutabani wa Laisi. 16Iba yagenda nauwe, nagenda na’ra yamukuratira okuhika Bahurimu. Nubwo Abuneri yamugambira ati Genda ogarukeyo: yagarukayo. 17Kandi Abuneri akahanura hamu nabakuru ba Isareri nagamba ati Omu biro ebyahinguireho mwayendaga Daudi okuba mukama wanyu: 18nukwo hati bunu mukikole: baitu MUKAMA akagamba ha Daudi ati Omukono gwomuiru wange Daudi nugwo ndijunisa abantu bange Isareri omu mukono Gwabafirisiti, nomu mukono gwabanyanzigwa babu bona. 19Kandi Abuneri akagamba omu matu ga Benyamini: Kandi Abuneri yagenda okugamba omu matu ga Daudi omu Heburoni ebigambo byona ebyesemerire Isareri, nenju yona eya Benyamini. 20Nukwo Abuneri yaija hali Daudi Heburoni, nabasaija amakumi abiri hamu nauwe. Kandi Daudi akacumbira Abuneri obugenyi nabasaija abakaba bali hamu nauwe. 21Kandi Abuneri yagambira Daudi ati Ndaimuka ukugenda, ndisoroleza Isareri yona hali mukama wange omukama, baragane naiwe ekiragano, iwe elemege byona omutima gwawe ebigurukwenda. Daudi yayohereza Abuneri; yagenda nobusinge. 22Kandi dora, abairu ba Daudi naba Yoabu bakaba barugire okuramaga, nibaleta hamu nabo eminyago mingi: baitu Abuneri akaba ataloho hamu na Daudi omu Heburoni; baitu akamwohereza, yagenda nobusinge. 23Yoabu nihe lyona erikaba liri hamu nauwe obubaizire, batebeza Yoabu ngu Abuneri mutabani wa Neri akaija hali omukama, kandi yamwohereza, agenzire nobusinge. 24Nubwo Yoabu yaija hali omukama yagamba ati Okozire ki? Dora, Abuneri akaija namberoli: kiki okumwohereza, nokugenda agendire kimu? 25Iwe omanyire Abuneri mutabani wa Neri, akaija okukubihabiha, nokumanya okuturuka kwawe nokutaha kwawe, nokumanya byona ebyokora. 26Kandi, Yoabu obuyaturukire hali Daudi, yatuma abakwenda okukuratira Abuneri, bamuga’ra okuruga ha iziba lya Sira: baitu Daudi atakimanye. 27Kandi Abuneri obuyagarukire Heburoni, Yoabu yamutwara ha rubaju omu irembo okubaza nauwe omu bihwa, yamucumitirayo enda, yafa, habwesamaga ya Asaheri mugenziwe. 28Kandi hanyuma Daudi obuyahulire yagamba ati Nyowe nobukama bwange tituloho musango omu maiso ga MUKAMA ebiro byona, ogwesamaga ya Abuneri mutabani wa Neri: 29egwe ha mutwe gwa Yoabu na ha nju ya Yoabu owekiga’ro, rundi owebigenge, rundi asenjura ha muigo, rundi aitwa busitama, rundi ataga ebyokulya. 30Nukwo Yoabu na Abisai mugenziwe baisire bati Abuneri, baitu akaitira mugenzi wabu Asaheri Gibeoni omu bulemu. 31Kandi akagambira Yoabu nabantu bona abakaba bali nauwe ati Mutemule ebyokujwara byanyu, mwetege omunda ebitengo mutere empamo omu maiso ga Abuneri. Kandi Daudi omukama yakuratira oruhinyo. 32Bazika Abuneri omu Heburoni: omukama yaimukya irakalye nali’ra ha kituro kya Abuneri: nabantu bona baka’ra. 33Omukama akatera empamo za Abuneri nagamba ati Abuneri yakufire nkomusema okwafa? 34Emikono yawe etabohwe, nebigere byawe batabite omu rusamba: Nkomuntu okwagwa omu maiso ga bana bokutahi’ra, nukwo wagwire oti. 35Nabantu bona bakamuli’ra. Abantu bona bakaija okulisa Daudi ebyokulya obuire butakaizire: baitu Daudi yarahira nagamba ati Ruhanga ankole ati nokukiraho, obundaroza ha byokulya rundi ekintu kyona ekindi okuhikya izoba okugwa. 36Abantu bona bakakikenga, kyabasemeza: kandi byona omukama ebiyakozire byasemezaga abantu bona. 37Nukwo abantu bona na Isareri yona bayetegereza ha kiro kiri ngu Kitaruge hali omukama okuita Abuneri mutabani wa Neri. 38Omukama yagambira abairube ati Mumanyire ngu hati hagwire omu Isareri omubito kandi omusaija omukuru? 39Nanyowe tinyina mani ekiro kinu, nobundi omukama aseserweho amagita: nabasaija banu batabani ba Zeruya bandemere: MUKAMA ahere omubi nkobubibwe okubuli.