Swahili Bible2

24

1KANDI ekiniga kya MUKAMA kyagaruka okwakira Isareri, yaimukya Daudi, nagamba ati genda obale omuhendo gwa Isareri na Yuda. 2Omukama yagambira Yoabu engabwa yihe akabali nauwe ati Hati bunu gendagenda omu nganda zona eza Isareri, okuruga Dani nokuhikya Beeriseba, mubale omuhendo gwabantu. 3Yoabu yagambira omukama ati MUKAMA Ruhanga wawe ayongere ha Bantu nobubali baingi bati, emirundi kikumi, namaiso ga mukama wange omukama gakirole: baitu ekigambo kinu nikisemeza kita mukama wange omukama? 4Baitu ekigambo kyomukama kyasingura Yoabu nengabwa zihe. Yoabu nengabwa zihe baturuka omu maiso gomukama okubara omuhendo gwabantu ba Isareri. 5bayambuka Yorudani, batema orukande omu/ Aroere, ha rubaju rworubuga orwobulyo oruli hagati omu kihanga kya Gadi, 6nokuhikya yazere: kandi baija Gireadi, nensi ya Tatimu-hodisi; kandi baija dani-yaani, kandi barabaho oku nokuhikya Zidoni, 7kandi baija hali orukomero rwa Turo, nembuga zona Ezabahivi, Nezabakanani: kandi bagarukira omunsi ya Yuda eyobukizi bwobulyo, omu Beeri-seba. 8Nukwo obubamazire okugenda omunsi yona, baija Yerusalemu hahinguireho amezi mwenda nebiro amakumi abiri. 9Yoabu yahemba omukama omuhendo ogwabantu abayabazire: kandi hakaba haroho omu Isareri abasaija emanzi obusirisa munana abasomora busitama; nabasaija ba Yuda bakaba bali abasaija busirira butano.

10Kandi omutima gwa daudi gukamucumita obuyamazire okubara abantu. Daudi yagambira MUKAMA ati Nsisire muno obunkozire eki: baitu hati bunu ai MUKAMA oiheho, nkwesengerize, okutahiki’ra kwomuiru wawe; baitu nkozire butami mali. 11Kandi Daudi obuyaimukire nyenkya, ekigambo kya MUKAMA kyaija hali nabi Gadi, omurozi wa Daudi 12nagamba ati Genda ogambire daudi oti Nukwo agambire MUKAMA ati Dora ninkuletera ebigambo bisatu; yegombozaho kimu nkikukole. 13Nukwo Gadi yaija hali Daudi yamutebeza ati Rundi emyaka musanju eyenjara ekugwere omunsi yawe? Rundi oiruke amezi asatu omu maiso gabanyanzigwa bawe, bo nibakubinga? Rundi habeho ebiro bisatu ebyorufu omunsi yawe? Hati bunu ntebeza otekereze ekindamugarukamu antumire. 14Daudi yagambira Gadi ati Nyowe nfunzire muno: leka tugwe hati bunu omu Mukono gwa MUKAMA; baitu ebyokuganyira bye bingi, ntagwa omu Mukono gwomuntu. 15Nukwo MUKAMA yatuma orufu omu Isareri okuruga nyenkya nokuhikya akasumi akatairweho: hafa abanu okuruga dani nokuhikya Beeri-seba abasaija obukumi musanju. 16Kandi maraika obuyagoroire omukonogwe hali Yeresalemu okuruhwerekereza MUKAMA yayeyijukya habwakabi, yagambira maraika ayahwerekerize abantu ati Kiramara; hati bunu ga’ra omukono gwawe. Maraika wa MUKAMA akabali haihi norubuga rwokuhu’raho rwa Araina Omuyebusi. 17Daudi yagambira MUKAMA obuyaboine maraika ayatire abantu nagamba ati Dora, nyowe nsisire, nkozire ebyobwereme: baitu entama zinu zikozire ki? Nkwesengerize omukono gwawe gube hali nyowe, nenju ya isenyowe.

18Kandi Gadi yaija hali Daudi ha kiro eki, yamugambira ati temba oyombekere MUKAMA ekyoto omu rubuga rwokuhu’raho orwa Arauna Omuyebusi. 19daudi yatemba nkekigambo kya Gadi okukiri, nka MUKAMA okuyaragire. 20kandi Arauna yaro-ra aheru, yarora omukama na bairube nibaija namaberali: Arauna yarugayo yainamya amaisoge hansi omu maiso gomukama. 21Arauna yagamba ati Kiki ekiresere mukama wange omukama hali omuiruwe? Daudi yagamba ati Okugura namberoli orubuga rwokuhu’raho okwombekera MUKAMA ekyoto, orufu rutangwe omu Bantu. 22Arauna yagambira Daudi ati Mukama wange omukama atwale ahonge kyona ekisemera omu maisoge: dora enimi okuba ekihongwa ekyokeze nebintu ebyokuhura nebiti byenimi okuba enku: 23Ebi byona, ai Omukama, Arauna nabiha Omukama. Arauna yagambara Omukama.ati MUKAMA Ruhanga wawe akuikirize. 24Omukama yagambira Arauna ati Nangwa; baitu mazimakwo ndabigura namberoli nomuhendo: kunu tindukuhayo ebihongwa ebyokeze hali MUKAMA Ruhanga wange ebitanyitire ebyange. Nukwo Daudi yagara orubuga rwokuhu’ruho, kandi nenimi omu sekeri zefera amakumi atano. 25Daudi yayombekayo ekyoto hali MUKAMA yahayo ebihogwa ebyokeze nebihongwa ebyobusinge. Nukwo MUKAMA yayesengerezebwa habwensi, orufu rwatangwa omu Isareri.