Swahili Bible2

23

1EBIGAMBO binu bigambo bya Daudi ebya hampero.

Daudi mutabani wa Yese agamba,

Omusaija ayanyumizibwe haiguru yagamba

Ruhanga wa Yakobo ouyasesereho amagita

Omuzini omurungi owa Isareri, ati

2Omwoyo gwa MUKAMA gwa gambira omuli nyowe,

Ekigambokye kyaba ha rulimi rwange.

3Ruhanga wa Isareri akagamba,

Omwandara gwa Isareri akabaza na nyowe:

Arukulema abantu nebihikirire,

Arukulema omu kutina Ruhanga.

4Aliba nkomusana nyenkya, izoba obulirugayo,

Obuire obubukya hataloho ebico;

Obumyansi obuto obubume’ra omu itaka,

Habwokujwa kwalyo enjura ekire.

5Mazimakwo enju yange terukusisana eti hali Ruhanga;

Baitu andaganize ekiragano ekitalihwaho,

Ekitekanizibwe omu byona, kandi egumireho,

Baitu nukwo kujunwa kwange kwona, kandi nokwegomba kwange kwona,

Nobwatakukuza.

6Baitu abatarukutina Ruhanga bona baliba nkamahwa aganagibwa,

Baitu tigarukukwatwa omu ngaro:

7Baitu omuntu agakwataho

Ahikirire okwerinda nekyoma nomuhanda gwicumu;

Kandi balyokebwa kimu omu kikaro kyabu.

8Ganu nigo mabara gabasaija bamani Daudi abayatungire: Yosebu-basi-sebesi Omutakemoni, omukuru wengabwa; kandi ogu nuwe Adino Omwezeni, akarwana na runana abaitirwe ahamu. 9Ereaza yamukuratira, mutabani wa Dodai, mutabani Womwahohi, omu ha basaija bamani abakaba bali na Daudi, obubasomoize Abafirisiti abakaba besoroize okurwana, nabasaija ba Isareri bagendire: 10uwe akaimuka yatema Abafirisiti okuhikya omukonogwe obugwajwahire, nengaroze zagumira ha busitama: MUKAMA akakora okujuna kwingi ha kiro eki; abantu bamukuratira okunyaga kwonka. 11Kandi Sama mutabani wa Agee Omuharali yamukurata. Kandi Abafirisiti bakesoroza hamu igana mali,nambere hakaba hali omusiri oguijuire enkole; abantu bairuka Abafirisiti. 12Baitu ogu yayeme’ra omu musiri hagati, yagulinda, yaita Abafirisiti: MUKAMA yaleta okusingura kwingi. 13Kandi basatu abomu bakuru amakumi asatu basirimuka, baija hali Daudi omu biro byamagesa hali obuingira bwa Aduramu; igana Lyabafirisiti bakaba batemere orukande omu kihanga kya Refaimu. 14Kandi Daudi akabali omu buingira omu kasumi ako, nenkande Zabafirisiti zikaba ziri omu Beterehemu kasumi ako. 15Daudi yayegomba nagamba ati kakuba habaireho omuntu okumpa amaizi gokunywa agomu iziba lya Baterehemu, eriri haihi nirembo: m 16Kandi abasaija bamani abasatu bahagura gomu ihe Lyabafirisiti, bataha amaizi gomu iziba lya Beterehemu, eriri haihi nirembo, bagakwata bagaleta hali Daudi: yayanga okuganywaho, baitu yagasesera MUKAMA. 17Yagamba ati Nikikafuhe, ai MUKAMA, nyowe okukora kinu: okunywa esamaga yabasaija abo abagenzire nibahayo obwomezi? nikyo yayangire okuganywaho. Ebigambo ebi abasaija bamani abasatu nibyo bakozire. 18Kandi Abisai mugenzi wa Yoabu mutabani wa Zeruya nuwe akabali mukuru wabasatu abo. Nauwe akaimukiza icumulye abantu bikumi bisatu yabaita, yatunga ibara hamu nabasatu abo. 19Ogu tarukukira ekitinisa omuli abo abasatu? Nikyo yafokire engabwa yabu: baitu atahike hali abasatu abokubanza. 20Na benaya mutabani wa Yehoyada, omwana womusaija emanzi owa Kabuzeri, ayakozire ebyobumanzi, uwe akaita batabani ababiri aba Aryeri owa Moabu: kandi yasirimuka omunda yekiina,yaitirayo entale omu biro byebirika: 21kandi akaita Omumisiri, omusaija omurungi: omumisiri akakbanyina icuma omu mukonogwe; baitu akamusirimukira anyina omuigo gwonka, yasahura icumu omu Mukono gwomumisiri, yamuisa icumulye wenka. 22Nibyo Nenaya mutabani wa Yehoyada ebiyakozire, yatunga ibara hamu nabasaija bamani abasatu. 23Akakira ekitinisa amakumi asatu abo, baitu atahike ha basatu abokubanza. Kandi Daudi akamufora omukuru wabalinzi. 24Asaheri mugenzi wa Yoabu akabali womu amakumi asatu; Erehanani mutabani wa Dodo owa Beterehemu; 25Suhama Omuharodi,Erika Omuharodi; 26Herezi Omupaliti, Ira mutabani wa Ikesi Omutekoa; 27Abyezere Omwanatosi, Mebunai Omuhusati; 28Zalimoni Omwahohi, Maharai Omunetofasi; 29Herebu mutabani wa Baana Omunetofasi, Itai mutabani wa Ribai owa Gibeha owomu bana ba Benyamini; 30Benaya Omupiratoni, Hidai 31Owebyambu bya Gaasi: Abi-aliboni Omwarabati, Azimavesi Omubaruhumi; 32Eryaba Omusaaliboni abana ba Yaseni, Yonasani; 33Suhama Omuharali, Ahyamu mutabani wa Suhara Omwarali; 34Erifereti mutabani wa Ahasibai, omwana Womumaakasi, Eryamu mutabani wa Ahitoferi Omugironi, 35Hezero Omukarameri, 36Paarai Omwarabi; Igali mutabani wa Nasani Owa Zoba, Bani Omugadi; 37Zereki Omwamoni, Naharai Omubeeroti, abakwataga ebyokurwanisa bya Yoabu mutabani wa Zeruya; 38Ira Omuitiri, Galebu Omuitiri; 39Uliya Omuhiti; bona bakaba bali amakumi asatu na musanju.