Swahili Bible2

2

1KANDI kikahika hanyuma yebi, Daudi yakaguza hali MUKAMA, yagamba ati Ndamagire ha mbuga eza Yuda? MUKAMA yamugambira ati Ramaga. Daudi yagamba ati Ndaramagira ha? Yagamba ati Heburoni. 2Nukwo Daui yatembayo, na bakazibe ababiri, Ahinoamu Omunyayezereri, na Abigairi mukazi wa Nabali Omukarameli. 3Nabasaijabe abakaba bali nauwe Daudi akabatembya, omuntu wena hamu nabomu njuye: batahayo omu mbuga eza Heburoni. 4Abasaija ba Yuda bakaija, kandi nuho aho basesereho Daudi amagita okuba omukama okulema enju ya Yuda. Kandi bakatebeza Daudi ngu Abasaija ba Yebesi-gireasi nibo bazikire Saulo. 5Daudi yatuma abakwenda hali abasaija ba Yabesi-gireadi yabagambira ati Muhabwe omugisa hali MUKAMA, baitu mukoleka embabazi zinu hali mukama wanyu Saulo kandi mwamuzika. 6Hati bunu MUKAMA aboleke embabazi namazima: nanyowe ndibasasura embabazi zinu, baitu mukakora ekigambo eki. 7Nukwo hati bunu emikono yanyu efoke yamani, nainywemubege emanzi: baitu Saulo mukama wanyu akafa, kandi abenju ya Yuda bakansesaho amagita okuba omukama okubalema. 8Kandi Abuneri mutabani wa Neri,engabwa yihe lya Saulo akatwara Isi- bosesi mutabani wa Saulo, yamwambura yamuhikya Mahanaimu; yamufora omukama wa Gireadi 9kandi owa Abasura, kandi owa Yezereri, kandi owa Eferaimu, kandi owa Benyamini, kandi owa Isareri yona. 10(Isi-bosesi mutabani wa Saulo akaba ahikize emyaka amakumi ana hayabandize emyaka amakumi anahayabandize okulema Isareri, kandi yalemera emyaka ebiri). Baitu enju ya Yuda ekakuratira Daudi. 11Nebiro Daudi ebiyamazire ali omukama omu Heburoni nalema enju ya Yuda, byahika emyaka musanju namezi mukaga. 12Kandi Abuneri mutabani wa Neri, nabairu ba Isi-bosesi mutabani wa Saulo, barugayo Mahaniamu bagenda Gibeoni. 13Na Yoabu mutabani wa Zeruya, nabairu ba Daudi baturuka, babaitirana haihi nekijongo kya Gibeoni; baikara hansi, abandi bali ensi ya kunu eyekijongo, nabandi bali nseri yekijonjo. 14Abuneri yagambira Yoabu ati Leka abasigazi, nkwesengerize, baimuke bazane omu maiso gaitu. Yoabu yagamba ati Baimuke. 15Nubwo baimuka bayambuka babazirwe omuhendo gwabu; ikumi nababiri habwa Benyamini, na habwa Isibosesi mutabani wa Saulo, na ikumi nababiri bomu bairu ba Daudi. 16Bakwata omuntu wena mutahiwe ha mutwe, nacumita na busitamaye omu rubaju rwomutahiwe; nokugwa bakagwa hansi hamu: nikyo ekiikaro eki kyayeterwa Herikasi- hazulimu, kiri omu Gibeoni. 17Kandi obulemu bwaba bwamani maingi ha kiro eki; Abuneri yabingwa, nabasaija ba Isareri, omu maiso gabairu ba Daudi. 18Kandi batabani ba Zeruya abasatu bakaba bali oku, Yoabu na Abisai na Asaheri: 19kandi Asaheri akakuratira Abuneri; kunu atahabire omu kugendakwe ha mukono ogwobulyo nobuhokuba ha mukono ogwomoso okuleka okukuratira Abuneri. 20Abuneri akarora enyumaye, nagamba ati Niwe Asaheri? Yagarukamu ati Ninyowe. 21Abuneri yamugambira ati Kubutuka iwe ha mukono gwawe ogwobulyo rundi ha gwemoso, okwate omu ha basigazi, omwake ebyokurwanisabye. Baitu Asaheri yayanga okukubutuka nokuleta okumukuratira. 22Abuneri yagarukamu yagambira Asaheri ati Kubutuka iwe noleka okunkuratira: nikingasira ki okukutema hansi? Ndaimukya nta amaiso gange hali Yoabu mugenzi wawe? 23Baitu yayanga okukubutuka: nikyo Abuneri yamucumisa omuhanda gwicumu omu ndaye, nokuturuka icumu lyaturuka enyumaye; yagwa hansi oku, yaferayo honka: kandi kyahika bona abahikire omu kiikaro eki nambere Asaheri yagwire hansi yafa, bayeme’raho. 24Baitu Yoabu na Abisai bakuratira Abuneri: izoba lyagwa obubahikire ha rusozi Ama, orurolerire Giya omu muhanda gwirungu lya Gibeoni. 25Nabana ba Benyamini bayesoroza okukuratira Abuneri, bafoka ekietebe kimu, byeme’ra ha kasozi eruguru. 26Nubwo Abuneri yayami’ra Yoabu nagamba ati Busitama eralyaga okuhikya ebiro byona? Torukumanya okusa’ra okulibaho omu biro bya hampero? Nukwo olihikya nkaha okutaragira abantu bagarukeyo baleke okukuratira ati babu? 27Yoabu yagamba ati Nka Ruhanga okwali omwomezi, kakuba iwe otagambire ekigambo eki mazimakwo abantu bakwegendire nyenkya, tibakuhondire nyenkya, tibakuhondire omuntu wena omugenziwe. 28Nikyo Yoabu yaterire engwara, abantu bona bayeme’raho, tibagaruka okukuratira Isareri, kunu tibagaruka okurwana. 29Kandi Abuneri nabasaijabe baraba omu Araba ekiro eki, nokukisa obuire: bayambuka Yorudani, baraba omu Bisironi, baija Mahanaimu. 30Yoabu yagarukiraho yaleka okukuratira Abuneri: obuyasoroize abantu bona ahamu, hakabura ha bairu ba Daudi abasaija ikumi nomwenda na Asaheri. 31Baitu abairu ba Daudi bakaba batemere ha Benyamini na ha basaija ba Abuneri, hafa abasaija bukumi bisatu munkaga. 32Kandi bakahimba Asaheri, bamuzika omu kituro kya ise ekikaba kiri omu Beterehemu. Na Yoabu nabasaijabe bakagenda ekiro, obuire bwabakyeke’ra omu Heburoni.