Swahili Bible2

19

1KANDI bakagambira Yoabu ngu Dora omukama na’ranate’ra empamo Abusalomu. 2Okusingura kwekiro kiri kukafoka empamo hali abantu bona: baitu abantu bakahu’ra ha kiro kiri ngu Omukama natuntu’ra omwanawe. 3Abantu bayegendera omu rubuga ha kiro kiri omu nsita, nkabantu abakwasirwe ensoni okubasobasoba nibairuka obulemu. 4Omukama yayesweke’ra amaiso, omukama yayami’ra iraka erihango ati Ai Mwana wange Abusalomu, ai bambi Abusalomu mwana wange, mwana wange! 5Yoabu yataha omu nju yomukama, yagamba ati Hati oswaize amaiso gabairu bawe bona, abajunire hati obwomezi bwawe, nobwomezi bwabana bawe abojo nabaisiki, nobwomezi bwa bakazi bawe, nobwomezi bwabana bawe. 6Baitu nagonza abo abarukukunoba, nonoba abo abarukukugonza. Baitu ha kiro kinu odumire oti Abakuru nabairu tikiri kigambo namberoli: baitu hati nyetegerize nti Kakuba Abusalomu yaikaire ali mwomezi, naitwe itwena kuba tufire, eki kyakusemize muno. 7Nukwo hati bunu imuka oturuke ogambire abairu bawe ebigambo ebyokubahumuza, baitu ndahirire MUKAMA nti Obwoyanga okuturuka tihaliikaraho ha basaija nomu ahamu naiwe ekiro kinu, kandi eki kirikira obubi namberoli obubi bwonaobwakubaireho, okuruga obuto bwawe nokuhikya hati. 8Nibwo omukama yaimuka, yaika’ra omu irembo. Batebeza abantu bona nibagamba ngu Dora, omukama asingire omu irembo: abantu bona baija omu maiso gomukama. Kandi Isaeri bakaba bairukire nibagenda omuntu wena omu hemaye wenka. 9Kandi abantu bona bakaba nibakungana omu nganda zona eza Isareri nibagamba ogu Omukama akatujuna omu mukono gwabanyanzigwa baitu, kandi akatujuna omu mukono Gwabafirisiti; kandi hati bunu airukire Abusalomu nensi. 10Na Abusalomu outwasesereho amagita okutulema afire omu bulemu. Nukwo hati bunu kiki ekibatangire okuleta ekigambo ekyokuga’raho omukama? 11Kandi omukama Daudi yatumira Zadoki na Abyasara banyakatagara nagamba ati Mubaze nabakuru ba Yuda nimugamba muti Kiki ekirukubaikazaho inywe okukira bona okuga’ra omukama omu njuye? Baitu ebigambo bya Isaseri yona bihikire hali omukama okumuleta omu njuye. 12Inywe muli bagenzi bange, inywe muli igufa lyange nenyama yange: kiki ekirukubaikazaho inywe okukira bona okuga’ra omukama? 13Kandi mugambire Amasa muti Naiwe toil igufa lyange nenyama yange? Ruhanga ankole ati nokukukiraho obwotaba engabwa yihe omu maiso gange obutosa omu kiikaro kya Yoabu. 14Yainamya emitima yabasaija bona aba Yuda, nkomutima gwomuntu omu; kandi batuma hali omukama nibagamba ngu Garuka iwe nabairu bawe bona. 15Omukama yagaruka yaija Yorudani. Kandi Yuda yaija Girigali, okugenda okutangi’ra omukama, okwambura omukama Yorudani. 16Kandi Simei mutabani wa Gera Omubenyamini, akabali wa Bahulimu, yayanguha yasirimuka hamu nabasaija ba Yuda okutangi’ra omukama Daudi. 17Kandi hakaba haroho abasaija aba Benyamini rukumi hamu nauwe, na Ziba omuhereza wenju ya Saulo, na batabanibe ikumi nabatano nabairube amakumi abiri hamu nauwe; bayambuka Yorudani omu maiso gomukama. 18Kandi hayambuka obwato okwambura abenju yomukama, nakukora ebyarasima. Kandi Simei mutabani wa Gera yagwa hansi omu maiso gomukama obuyayambukire Yorudani. 19Yagambira omukama ati Mukama wange aleke okunjunaniza okutahiki’ra, kununa otaijuka eki omuiru wawe ekiyakozire omu butami ha kiro eki mukama wange omukama obuyaturukire omu Yerusalemu, omukama okukitaho omutima. 20Baitu nyowe omuiru wawe, manyire nkasisa: dora, hati nimbanza bona abenju ya Yusufu okuija okusirimuka okutangi’ra mukama wange omukama. 21Baitu Abisai mutabani wa Zeruya yagarukamu ati Simei taitwe habweki, baitu akakyena ogu MUKAMA ouyasesereho amagita? 22Daudi yagamba ati Nyowe ninjunana ki nainywe, Nyowe abana ba Zeruya, nokufoka nimufoka abanyanzigwa namberendi ha kiro kinu? Harabaho omuntu nomu araitwe omu Isareri ha kiro kinu? Baitu nyowe timanyire nti hati ndi omukama okulema Isareri? 23Omukama yagambira Simei ati Tolifa. Omukama yamurahi’ra. 24Kandi Mefibosesi mutabani wa Saulo akasirimuka okutangi’ra omukama; kandi akaba atanabisize ebigere nobukwakuba okwemwa ekirejukye, nokwakuba okwogya engoyeze okuruga ha kiro omukama ekiyagendiremu okuhikya ekiro ekiyatahire nobusinge. 25Kandi kyahika, obuyaizire Yerusalemu okutangi’ra omukama, omukama yamugambira ati Kiki ekyakutangire okugenda nanyowe Mefibosesi? 26Yagarukamu ati Mukama wange omukama, omuiru wange akambihabiha: baitu omuiru wawe akagamba ati Kantandike enkaina yange; ngitembe ngende nomukama; baitu omuiru wawe mulema. 27Kandi akahangi’ra omuiru wawe hali mukama wange omukama; baitu mukama wange mukama ali nka maraika wa Ruhanga: kora eki ekiri kirungi omu maiso gawe. 28Baitu abenju ya isenyowe bona bakaba bali nkabantu bokufa omu maiso gamukama wange omukama: baitu iwe wataho omuiru wawe hamu nabo abalira ha meza yawe wenka. Nukwo nyowe ninsobora nata okweyongera okukunga omukama? 29Mukama yamugambira ati Kiki ekirikukugambisa ha bigambo byawe kandi? Nyowe ningamba nti Iwe na Ziba mubagane ensi. 30Mefibosesi yagambira omukama ati Ego, leka otwale byona, baitu mukama wange omukama atahire obusinge omu njuye wenka. 31Kandi Bazilai Omugireasi akasirimuka okuruga Rogerimu; yayambuka Yorudani hamu nomukama, okumwambura Yorudani. 32Kandi Bazilai akabali omugurusi muno, ahikire emyaka kinana: kandi akaba alisize omukama obwakabali Mahanaimu: baitu akabali omusaija omukuru muno. 33Omukama yagambira Bazilai ati Yambuka hamu nanyowe, kandi ndakulisaga nanyowe omu Yerusalemu. 34Kandi Bazilai yagambira omukama ati Bingaha ebiro ebyemyaka yobwomezi bwange, ntembe nomukama okugenda Yerusalemu? 35Hati mpikize emyaka kinana: ninsobora okwahukanizamu ebirungi nebibi? Omuiru wawe nasobora okunulirwa ekyalya nekyanywa? Ninkisobora okuhu’ra iraka eryabasaija abarukuzina neryabakazi abarukuzina? Kyakugasire ki omuiru wawe okweyongera okujwahya mukama wange omukama. 36Omuiru wawe abaire nagonza okwambuka Yorudani hamu nomukama: kandi habwa ki omukama yakumperire empera erukingana eti? 37Nkwesengerize oleke muiru wawe agarukeyo afere omu rubuga rwowabu, haihi nekituro kya tata na mau. Baitu dora omuiru wawe Cimuhamu; leka ayambuke hamu na mukama wange omukama; kandi omuko’re eki ekiraba kirungi omu maiso gawe. 38Omuakam yagarukamu ati Cimuhamu arayambuka nanyowe, kandi ndimuko’ra eki ekiriba kirungi omu maiso gawe: kandi kyona kyona ekyoransaba nikyo ndakoraga habwawe. 39Abantu bona bayambuka Yorudani, nomukama yayambuka: omukama yanywegere Bazilai, yamusabira omugisa; yagarukayo omu kiikarokye wenka. 40Nukwo omukama yayambukira Girigali na Cimuhamu yayambuka nauwe: nabantu bona aba Yuda bakambura omukama, nabantu ba Isareri ekicweka kyabu. 41Kandi dora, abasaija bona aba Isareri bakaija hali omukama, nibagambira omukama ngu Bene baitu abasaija ba Yuda bakakuibiraki, nibambura omukama Yorudani nabomunjuye, nabasaija ba Daudi bona hamu nauwe? 42Abasaija ba Yuda bona bagarukamu abasaija ba Isareri ngu Baitu omukama ali womuruganda rwaitu; kiki ekirikubabihiza habwekigambo kinu? Itwe turalire ha bintu byomukama, rundi aratuhaire ekisembo kyona? 43Abasaija ba Isareri bagarukamu abasaija ba Yuda nibagamba ngu Itwe tunyina emigambo ikumi omu mukama, kandi itwe tunyina bingi omu Daudi okukira inywe: nukwo mukatugayira ki okutabanza okuhanura naitwe ebyokuga’raho omukama waitu? Ebigambo ebyabasiaja ba Yuda bikaba birumu ekiniga kingi okukira ebigambo byabasaija ba Isareri.