Swahili Bible2

16

1KANDI Daudi obuyalengereho kake ha mutwe gworusozi, dora, Ziba omuiru wa Mefibosesi yamuitirana, anyina enkaina ibiri ezibohere amatandiko, ziherekere emigati bikumi bibiri nemigimba yemizabibu kikumi, nebyana ebyekyanda kikumi, nendyanga yamarwa. 2Omukama yagambira Ziba ati Ebintu ebi amakuru gabyo ki? Ziba yagamba ati Enkaina zabenju yomukama bazitembe; nemigati nebyana ebyenkanda byabasigazi babiryeho; namarwa gabo abaligwa ensazi omu irungu, baganyweho. 3Omukama yagamba ati Nomwana wa mukama wawe ali nkaha? Ziba yagambira omukama ati Dora, aikaire Yerusalemu: baitu akagamba ati Hati enju ya Isareri erangaru’ra obukama bwa isenyowe. 4Nubwo omukama yagambira Ziba ati Dora, Byona ebikaba biri bya Mefibosesi byawe. Ziba yagamba ati Nindamya; leka mbone embabazi, nkwesengerize, omu maiso gawe omukama. 5Kandi omukama Daudi obuyaizire Bahurimu, dora hakarugayo omusaija oworuganda owenju ya Saulo, ibaralye nuwe Simei, omwana wa Gera:ogu yarugayo nakyena naija. 6Kandi yahungu’ra Daudi amabale nabairu bona abomukama Daudi: nabantu bona nabasaija bona emanzi bakaba bali ha mukono gwe ogwemoso. 7Kandi Simei nukwo yagambire ati nakyena, Rugaho, rugaho iwe omusaija wesagama, omusaija wa Beriali: 8MUKAMA akugarulire esamaga yona eyenju ya Saulo owolemere owu kiikarokye; kandi MUKAMA ahaireyo obukama omu mikono yomwana wawe Abusalomu: kandi dora okwasirwe omu itima lyawe wenka, baitu oli musaija wesagama. 9Abisai mutabani wa Zeruya yagambira omukama ati Embwa enu efire nekyenera ki mukama wange omukama? Leka nyambuke, nkwesengerize, muiheho omutwe. 10Omukama yagamba ati Ninjunana ki nainywe, inywe abana ba Zeruya? Obwakyena, kandi MUKAMA obwamugambire ati Kyena Daudi; noha aragamba ati Kiki ekikukoleze kiti? 11Daudi yagambira Abisai nabairube bona ati Dora, omwana wange ayarugire omu nda yange nase’ra obwomezi bwange: hati bunu Omubenyamini arasura ki? Muleke akyene; baitu MUKAMA amuragire. 12Rundi MUKAMA alirora ha bubi obunkozirwe, rundi MUKAMA alingaru’ra oburungi habwokunkyena ekiro kinu. 13Nukwo Daudi nabasaijabe bagenda omu muhanda: Simei yaraba ha rusozi namurole’ra, nakyena nagenda namuhungu’ra amabale namisa ecucu. 14Omukama nabantu bona abakaba bali nauwe bahika bajwahir: yahumu’ra oku. 15Kandi Abusalomu nabantu bona abasaija ba Isareri baija Yerusalemu, na Ahitoferi hamu nauwe. 16Kandi kikahika obu Husai Omwaraki, enganjani ya Daudi, yaizire hali Abusalomu, Husai yagambira Abusalomu ati Omukama ahangarize, omukama ahangarize. 17Abusalomu yagambira Husai ati Nizo mababazi zawe hali enganjani yawe? Kiki ekikutangire okugenda nenganjani yawe? 18Husai yagambira Abusalomu ati Nangwa: baitu ogu MUKAMA, nabantu banu, nabasaija bona aba Isareri oubegomboize, nyowe ndabaga habwe, kandi hamu nogu nuho ndaikaraga. 19Nekindi, nyowe nkukolire oha? Tihali omu maiso gomwanawe? ’so, nukwo ndabaga nti omu maiso gawe. 20Nubwo Abusalomu yagambira Ahitoferi ati Tucwere emagezi gawe ekiturakora. 21Ahitoferi yagambira Abusalomu ati Genda otahe ahali abazana ba ’so, abayasigire okulinda enju; aba Isareri bona balihu’ra okwongirwe ’so: nubwo emikono ya bona abali hamu naiwe erifoka yamani. 22Kandi bakingira Abusalomu ehema ha ruguru yenju; Abusalomu yataha ahali abazana ba ise omu maiso ga Isareri yona. 23Kandi amagezi ga Ahitoferi agayacwaga omu biro biri gabaga nkomuntu obwakaguza ahali ekigambo kya Ruhanga: nukwo amagezi gona aga Ahitoferi gabaga gati ahali Daudi na hali Abusalomu.