Swahili Bible2

15

1HANYUMA yebi kikahika Abusalomu yayetekaniriza egali nembarasi, nabasaija amakumi atano okuirukiraga omu maisoge. 2Abusalomu yaimuka nyenkya kara yayeme’ra omu irembo ha muhanda rubaju: kandi kyahika, omuntu wena obuyatungaga ebigambo ebyahikirire okuija hali omukama okucwerwa omusango, nubwo Abusalomu yamwetaga nagamba ati Iwe oli womu rubuga ki? Yagamba ati Omuiru wawe ali woruganda rumu orwa Isareri. 3Abusalomu yamugambira ati Dora ebigambo byawe birungi byobulyo; baitu busaho muntu nomu atahirweho omukama okukuhu’ra. 4Kandi Abusalomu yagamba ati Kuba mbaire ndi mucwi wemisango omu nsi, omuntu wena anyakuyina ebigambo rundi ebyokuyina naija namberendi nakumucwerire ebyobulyo! 5Kandi kyahika omuntu wena obuyamuirire haihi okuramya, yago’ra omukonogwe namukwata namunywegera. 6Nukwo Abusalomu yakozire ati Abiasareri bona abaija hali omukama okutongana: nukwo Abusalomu yaibire ati emitima yabasaija Abaisareri. 7Kandi kikahika emyaka ana obuyanguireho Abusalomu yagambira omukama ati Nkwesengerize, leka ngende male okweraga kwange, okunayeragire MUKAMA omu Heburoni. 8Baitu omuiru wawe akarahira ekirairo obunkabandi Gesura omu Aramu, ningamba nti MUKAMA obwalinga’rayo mali Yerusalemu, nubwo ndiramya MUKAMA. 9Omukama yamugambira ati Genda nobusinge. 10Yaimuka yagenda Heburoni. Baitu Abusalomu akatuma abatasi omu nganda zona eza Isareri nagamba ati Obumulikahu’ra okugamba kwengwara nubwo muligamba ngu Abusalomu nuwe mukama omu Heruroni. 11Nabasaija bikumi bibiri abarugire Yerusalemu bakagenda na Abusalomu, baitu baketwa bagenda omu kutamanya kwabu; kunu batamanyeho kigambo. 12Kandi Abusalomu akatumira Ahitoferi Omugironi omuhanuzi wa Daudi aruge ha rubugarwe, nurwo Giro, obwakaba nahayo ebyonzira. Okwema oku kwafoka kwamani; baitu abantu bakakanya obutosa Abusalomu namberali. 13Kandi omukwenda akaija hali Daudi nagamba ati Emitima yabasaija ba Isareri bagitaire ha Abusalomu. 14Daudi yagambira abairube bona abakaba bali hamu nauwe omu Yerusalemu ati Muimuke, tuiruke: obututairuke tihalikira nomu omulitwe hali Abusalomu: murahuke okugenda, aleke okutuhikaho bwango natuletera akabi, natema orubuga nobwogi bwa busitama. 15Abairu bomukama bagambira omukama ngu Dora abairu bawe betekanize okukora kyona kyona mukama wange omukama ekyarasima. 16Omukama yaturuka nabomunjuye bona nabo bamukuratira. Kandi omukama akasiga abakazi ikumi abakaba bali bazana okulinda enju. 17Omukama yaturuka, abantu bona nibamukuratira; bagonya omu Besi-meraki. 18Nabairube bona bamuhinguraho ha rubaju; nabakereti bona Nabapereti bona Nabagiti bona, abasaija rukaga abarugire Gasi okumukuratira bahinguraho omu maiso gomukama. 19Omukama yagambira Itai Omugiti ati Kiki ekirukugendesa iwe hamu naitwe? Garukayo oikale nomukama: baitu oli munyaihanga kandi omubingwa; 20garukayo owanyu. Baitu oizire juba, nyowe nkukutwaire hati amagenda namagaruka naitwe? Baitu ningenda handukusobora okugenda: garukayo, otwale nabagenzi bawe’ okuganyirwa namazina biikalege naiwe. 21Itai yagarukamu omukama nagamba ati Nka MUKAMA okwali omwomezi, kandi nka mukama wange omukama okwali omwomezi mazimakwo omu kiikaro kyona nambere mukama wange omukama alibaho, rundi habwokufa rundi habwobwomezi, nuho haliba oku nomuiru wawe. 22Daudi yagambira Iatai ati Genda ayambuke. Itai Omugiti yayambuka nabasaijabe bona nabana abato bona abakaba bali nauwe. 23Nensi yona eka’ra niraka erihango, nabantu bona bayambuka: omukama nauwe yayambuka ekyambu Kidironi, nabantu bona abayambuka okugenda omu muhanda ogwirungu. 24Kandi dora, Zadoki nauwe akaija Nabalevi bona hamu nauwe, bahimbire esanduko eyekiragano kya Ruhanga; kandi bata hansi esanduko ya Ruhanga, na Abyasara yatemba okuhikya abantu bona obubahoireho okuturuka omu rubuga. 25Omukama yagambira Zadoki ati Muhimbe esanduko ya Ruhanga, magiga’re omu rubuga: obundiba nombona embabazi omu maiso ga MUKAMA, alinga’raho alinyoleka egi kandi nenjuye: 26baitu obwalingambira ati Tinyina okusemererwa omuliwe; dora, nyowe ndi hanu, leka ankole nkokukisemera omu maisoge. 27Kandi omukama yagambira Zadoki nyakatagara ati Iwe toil murozi? Garukayo omu rubuga nobusinge na batabani bawe ababiri hamu na Yonasani omwana wa Abyasara. 28Dora ndiikaraho ha myogo yiirungu, okuhikya ekigambo obukirakaruga nambere muli okutebeza nyowe. 29Nikyo Zadoki na Abyasara bahimbire sanduko ya Ruhanga nibagiga’ra Yerusalemu: baikarayo. 30Kandi Daudi akatemba omu ntembotembo yorusozi Rwazeituni, yatemba na’ra; akaba ayeswekerire omutwegwe, nebigerebye biri kwonka: nabantu bona abakaba bali nauwe bayesweke’ra emitwe yabu omuomu batemba niba’ra nibatemba. 31Omuntu yatebeza Daudi nagamba ati Ahotoferi ali womu bemi hamu na Abusalomu. Daudi yagamba ati Ai MUKAMA nkwesengerize ohindule amagezi ga Ahitoferi okuba obudomadoma. 32Kandi kyahika Daudi obuyahikire ha ruguru yentembotembo nambere baramyaga Ruhanga, dora Husai Omwaraki yaija okumuitirana ebyokujwara bitemukire, nitaka liri ha mutwegwe: 33Daudi yamugambira ati Obworaba nogenda nanyowe oranjwahya: 34baitu obworagarukayo hali orubuga nogambira Abusalomu oti Nyowe ndabaga omuiru wawe, omukama; nkokunkaba ndi omuiru wa ’so omu biro ebyahinguireho, nukwo hati bunu ndabaga omuiru wawe: nubwo olisingu’ra amagezi ga Ahitoferi. 35Kandi oku tonyinayo Zadoki na Abyasara tonyinayo Zadoki na Abyarabaga kiti, ekigambo kyona ekyorahu’raga omu nju yamuekyoruhu’raga omu nju yomukama, orakitebezaga Zadoki na Abyasara banyakatagara. 36Dora, oku banyinayo hamu nabo abana babu ababiri, Ahimaazi mutabani wa Zadoki, na Yonasani mutabani wa Abyasara; kandi nibo murantumahoga nebigambo byona ebimurahu’raga. 37Nukwo Husai enganjani ya Daudi yaija ha rubuga: na Abusalomu yaija Yerusalemu.