Swahili Bible2

12

1KANDI MUKAMA akatuma Nasani hali Daudi. Yaija namberali yamugambira ati Hakaba haroho abasaija babiri ha rubuga orumu; omu akabali muguda, ondi munaku. 2Omuguda akaba anyina embuzi nyingi nente nyingi: 3baitu omunaka akabatanyina kantu, rundi akarusi kentama kamu konka akarusi kantama kamu konka akayaguzire yakorora: kakaku’ra haluwe hamu nabanabe; kakalya ha kokulyake, kakanywa ha katemake, kakabyama ha kifubakye, kandi kakaba kali haluwe nka muharawe wenka. 4Haija omugenzi hali omuguda, tiyaiha omu mbuzize nomu nteze wenka, okucumbira omugenzi ayaizire namberali, baitu akatwara entama yomunaku, yagicumbira omusaija ogu ayaizire namberali. 5Ekiniga kya Daudi kyayakira muno omusaija oli; yagambira Nasani ati Nka MUKAMA okwali omwomezi, omusaija akozire ekigambo eki asemerire okufa: 6kandi aliriha akatama ako emirundi ena, baitu akakora ekigambo eki, kandi akaba atanyina kuganyira. 7Nasani yagambira Daudi ati Niwe musaija ogu. Nukwo agambire MUKAMA, Ruhanga wa Isareri ati Nkakusesaho amagita okuba omukama wa Isareri, nkakujuna omu mukono gwa Saulo: 8nkakuha enju ya mukama wawe, nabakazi ba mukama wawe omu kifuba kyawe, nakuha enju ya Isareri neya Yuda; nebi kakuba bibaire bike bkukwongireho ebindi nebindi. 9Kiki ekikuganyisize ekigambo kya MUKAMA okukora eki ekiri kibi omu maisoge? Okaisa Uliya Omuhiti na busitama, kandi otwaire mukaziwe okuba mukazi wawe, kandi omuisize busitama yabana ba Amoni. 10Nikyo busitama etarirugira ha nju yawe ebiro byona; baitu okangaya, kandi okatwara mukazi wa Uliya Omuhiti okuba mukazi wawe. 11Nukwo agambire MUKAMA ati Dora, ndikuimukiza akabi omunju yawe wenka, ndiiha bakazi bawe omu maiso gawe, ndibaha omutahi wawe, alibyama na bakazi bawe omu maiso gizoba eri. 12Baitu iwe akakikora omu nsita: nyowe so ga Isareri yona, nomu maiso gizoba eri. 13Daudi yagambira Nasani ati Nkasisira MUKAMA. Nasani yagambira Daudi ati Kandi MUKAMA aihireho ekibi kyawe:okufa tolifa. 14Baitu omu ngeso enu ohaire abanyanzigwa ba MUKAMA omwanya omukoto okujuma, omwana ayakuzalirwe okufa alifa. 15Nasani yagarukayo omu njuye. Kandi MUKAMA akarwaza omwana mukazi wa Uliya ouyazalire Daudi, yarwara muno. 16Nikyo Daudi yayesengerereza Ruhanga habwomwana; Daudi yasiba, yatahamu, yabyama ha itaka okukiisa obuire. 17Abakuru bomu njuye baimuka, bamweme’ra ha rubaju okumuimukya hansi: baitu yayanga, Kunu atalye ebyokulya nabo. 18Kandi kikahika ha kiro kya musanju, omwana akafa. Abairu ba Daudi batina okumugambira omwana okwafire: baitu bakagamba ngu Dora, omwana akaba akiri mwomezi tukabaza nauwe, tiyahu’ra iraka lyaitu: alisura ki okwesaliza, obuturaba ntumugambira omwana okwafire? 19Baitu Daudi obuyaboine abairube nibabalizangana ebihwa, Daudi yayetegereza ati omwana afire: kandi Daudi yagamba abairube ati Omwana afire? Bagamba ngu Afire. 20Nubwo Dausi yaimuka hansi, yayoga, yayesiga amagita, yahingisa ebyokujwarabye; yataha omu nju ya MUKAMA, yaramya: nubwo yataha omu njuye wenka; kandi obuyayenzire okulya bata ebyokulya omu maisoge, yalya. 21Nubwo abairube bamugambira ngu Kigambo ki kinu ekyokozire? Okasiba noli’ra omwana akiri mwomezi; baitu omwana obuyafire waimuka nolya ebyokulya. 22Yagamba ati Omwana okwakaba akiri omwomezi nkasiba nind’ra: baitu nkagamba nti Noha amanyire MUKAMA okwatalingi’ra embabazi, omwana aikale ali mwomezi? 23Baitu hati bunu afire, kiki ekyakunsibisize? Nyowe ninsobora okumuga’raho? Nyowe ndigenda namberal, baitu uwe taligaruka namberendi. 24Kandi Daudi yahumuza Besiseba mukaziwe, yagenda namberali yabyama nauwe: yazara omwana, yamuruka ibaralye Sulimani. MUKAMA yamugonza: 25yatuma omu mukono gwa Nasani nabi, yamuruja ibaralye Yedidiya, habwa MUKAMA. 26Lero Yoabu akarwanisa Reba eyabana ba Amoni, yanyaga orubuga rwomukama. 27Kandi Yoabu yatuma abakwenda hali Daudi yagamba ati Nkarwanisa Raba, ego, nyagire orubuga rwamaizi. 28Nukwo hati bunu, soroza hamu abantu abasigaireho, otemere orubugaenkande, orunyage: nyowe ndeke okunyaga orubuga, kandi rwetwe ibaralyange. 29Daudi yasoroza hamu abantu bona, yagenda Raba, yarurwanisa yarunyaga. 30Yaiha ekondo yomukama wabu ha mutwegwe; obulemezi bwayo bukalengwa etaranta yezabu, kandi hakaba harumu obubale bwomuhendo mwingi; wkatekwa ha mutwe gwa Daudi. Yaihayo eminyago yomu rubuga, nyingi muno. 31Kandi akaturukya abantu abakaba barumu, yabata hansi yemisumeno mamaino gebyoma nembabazi zebyoma, nabarabya omu lyokezo lyamatofali: kandi nukwo yakozire ati embuga zona ezabana ba Amoni. Kandi Daudi nabantu bona bagarukayo Yerusalemu.