Swahili Bible2

11

1KANDI kikahika, omwaka obugwagarukire, akasumi abakama obubaramaga, Daudi akatuma Yoabu nabairube hamu nauwe na Isareri yona; bahwerekereza abana ba Amoni, bagota Raba. Baitu Daudi yaikaraho Yerusalemu. 2Kandi kikahaika akairirizi Daudiyaimuka ha kitabukye, yagendera ha rusu rwenju yomukama: kandi ali ha rusu narora mukazi nayoga: omukazi ogu akabali omurungi muno okurora. 3Daudi yatuma nakaguza ebyomukazi ogu. Basiseba, omuhara wa Eriyamu, muka Uliya Omuhiti? 4Daudi yatuma abakwenda yamutwara; yagenda namberali, yabyama nauwe; (baitu akaba asemezibwe okutasemerakwe); yagarukayo omu njuye. 5Omukazi yaba nenda; yatuma natebeza Daudi nagamba ati Nyinenda 6Daudi yatumira Yoabu nagamba ati Ontwekere Uliya Omuhiti. Yoabu yatuma Uliya hali Daudi. 7Uliya obuyaizire namberali, Daudi yamukaguza ebya Yoabu okwaloho, nebyabantu okubuloho, nebyobulemu okububaireho. 8Kandi Daudi yagambira Uliya ati Sirimuka omu nju yawe, onabe ebigere. Uliya yaruga omu nju yomukama, yahonderwa ekihuro ekyebyokulya ekyarugire hali omukama. 9Baitu Uliya akabyama omu mulyango gwenju yomukama hamu nabairu ba mukamawe, tiyasirimuka omu njuye. 10Kandi obubatebize Daudi ngu Uliya tasirimukire omu njuye Daudi yagambira Uliya ati Iwe torugire ha rugendo? Waba ki okusirimuka omu nju yawe? 11Uliya yagambira Daudi ati Esanduko na Isareri na Yuda nibarara omu nkande; na mukama wange Yoabu nabairu ba mukama wange batemere enkande omu kisaka kwonka; nyowe nsirimuke omu nju yange okulya nokunywa nokubyama na mukazi wange? Nkokwoli omwomezi, okubuloho tinkole ekigambo aki. 12Daudi yagambira Uliya ati Rara hanu nekiro kinu, nyenkya ndakuleke’ra. Nukwo Uliya yarara omu Yerusalemu ekiro kiri nekyakabiri. 13Kandi Daudi obuyamwesere yalya nanywa omu maisoge; yamutamiza muno: kandi ekiro yaturuka okubyama ha kitabukye hamu nabairu ba mukamawe, baitu atasirimuke omu njuye. 14Kandi kyahika nyenkya Daudi yahandikira Yoabu ebaruha yagitweka omu mukono gwa Uliya. 15Kandi yahandikira omu baruha ati Mute Uliya omu maiso ganyu ahali okurwana okwamani, mumusigi’re atemwe, afe. 16Kandi kikahika Yoabu obwakaba nalinda orubuga, yagaba Uliya ekiikarokye nambere ya 17manyire abobumanzi bali. Abasaija borubuga baturuka, barwana na Yoabu: hagwa abantu, abomu bairu ba Daudi; Uliya Omuhiti nauwe akafa. 18Nubwo Yoabu yatuma yatebeza Daudi amakuru gona agobulemu. 19Yaragira omukwenda nagamba ati Obwolikamara okutebeza omukama amakuru gona 20agobulemu, nukwo kiriba kiti, ekiniga kyomukama obukiriba nikiimuka nauwe obwalikugambira ati Kiki ekyabairize haihi norubuga okurwana? Mutamanye barayema ha muhuruzi okurasa? 21noha yatire Abimerki mutabani wa Yerubesesi? Tali mukazi ayamutize orubengo ayemere ha muhuruzi nokufa yafera Tebezi? Kiki ekyabairize haihi na muhuruzi muti? Nubwo oligamba oti Omuiru wawe Uliya Omuhiti nauwe akafa. 22Nukwo omukwenda yagenda, yaija yayoleka Daudi byona Yoabu ebiyamutumire. 23Omukwenda yagambira Daudi ati Abasaija bakatubinga, baturukira namberetuli omu kisaka, kandi itwe tukaba tubaloho nokuhikya nambere hatahirwa omu irembo. 24Nabarasi bayema ha muhuruzi okurasa abairu bawe; kandi abamu ha bairu bo mukama bafire; omuiru wawe Uliya Omuhiti nauwe afire. 25Daudi yagambira omukwenda ati Nukwo oligambira Yoabu oti Ekigambo kinu kireke okukubihiza, baitu busitama erya ondi nondi: oyeyongere okugumya obulemu bwawe okurwanisa orubuga, orusese: kandi olimwekambisa. 26Na mukazi wa Uliya obuyahulire Uliya obuyahulire Uliya iba afire, yate’ra empamo iba. 27Ebiro ebyempamo obubyahoireho Daudi yatuma yamuleta omu njuye, uwe yafoka mukaziwe, yamuza’ra omwana. Baitu ekigambo Daudi ekiyakozire kikabihiza MUKAMA.