Swahili Bible2

10

1KANDI kikahika hanyuma yebi, omukama wabana ba Amoni akafa, na Hanuni mutabaniwe akalema omu kiikarokye. 2Daudi yagamba ati Ndyoleka embabazi hali Hanuni mutabani wa Nahasi nka ise okuyanyolekere embabazi. Nukwo Daudi yatuma omu mukono gwabairube okumuiruki’ra habwa ise. Abairu ba Daudi baija omu nsi ya bana ba Amoni. 3Baitu abakuru bomubana ba Amoni bagambira Hanuni mukama wabungu Otekerize Daudi namutaho ‘so ekitinisa, obwatumire abokuiruki’ra namberoli? Daudi tatumire abairube bamberoli okuse’ra orubuga nokuratata nokurunaga? 4Nikyo Hanuni yatwa’ra abairu ba Daudi, yamwa orubaju rumu orwebireju byabu hagati omunda, okuhikya ha kibunu, yabasindika. 5Obubakitebize Daudi yatuma okubatangi’ra; baitu abasaija bakaba bakwasirwe ensoni nyingi. Omukama yagamba ati Muikaleyoga Yeriko okuhikya ebireju byanyu obubirimera, kandi nubwo muligaruka. 6Kandi abana ba Amoni obubaboine banugirwe Daudi, abana ba Amoni batuma baguli’ra Abaramu aba Besirehobu, Nabaramu ba Zoba, abasaija bebigere bukumi bubiri, nomukama wa Maaka nabasaija rukumi, nabasaija ba Tobu kakumi mwenkumi ibiri. 7Daudi obuyakihulire yatuma Yoabu, nihe lyona eryabasiaja ba Tobu kakumu mwenkumi ibiri. 8Daudi obuyakihulire yatuma Yoabu, nihe lyona eryabasaija emanzi. Abana ba Amoni barugayo basimba enka’ra mbere hatahirwa omu irembo: Abaramu ba Zoba naba Rehobu, na basaija ba Tobu na Maaka, bakaba baloho bonka omu bwe’re. 9Kandi Yoabu obuyaboine obulemu bumuturukire omu maiso nenyum, yakomamu abasaija ba Isareri abarukukira oburungi, yabasimba enka’ra okurole ra Abaramu: 10nabantu abasigaireho yabasigira omukono gwa Abisai mugenziwe, yabasimba enka’ra okurole’ra abana ba Amoni. 11Yagamba ati Abaramu obubaraba nibandema amani, iwe oraija okunjumura: baitu abana ba Amoni obubaraba nibalema iwe amani, nyowe ndaija okujumura iwe. 12Mugume omutima, tweyoleke bobumanzi habwabantu bowaitu na habwembuga za Ruhanga waitu: MUKAMA akole eki ekirasemere omu maisoge. 13Nukwo Yoabu nabantu bona abakaba bali nauwe bakai’ra haihi obulemu okurwanisa Abaramu: bairuka omu maisoge. 14Abana ba Amoni obubaboine Abaramu bairukire, nukwo nabo bairuka bati omu maiso ga Abisai, bataha omu rubuga. Nubwo yonabu yaruga ha bana ba Amoni, yaija Yerusalemu. 15Nabaramu obubaoine babingirwe omu maiso ga Isareri bayesoroza hamu. 16Kandi Hadarezere yatuma yaihayo Abaramu abakaba bali enseri Yekyambu: baija Heramu, hamu na Sobaki engabwa yihe lya Hadarezere abebembire. 17Bakigambira Daudi; yasoroza Isarei yona ahamu, yayambuka Yorudani yaija Heramu. Nabaramu bakasimba enka’ra okurwana na Daudi, bamurwanisa. 18Abaramu bairuka omu maiso ga Isarei; Daudi, yaita ha Baramu abasaija begali rusanju, nabaha mbarasi bukumi buna, kandi yatema Sobaki engabwa yihe lyabu, nokufa yaferayo. 19Kandi abakama bona abakaba bali bairu hali Hadasezere obubaboine basinguirwe Isareri, baragana obusinge na Isareri, babako’ra. Nukwo Abaramu batina okugaruka okukonyera obundi abana ba Amoni.