Swahili Bible2

1

1KANDI kikahika Saulo obuyamazire okufa, Daudi obuyagarukire arugire okuita Abamaleki, kandi Daudi aikaire 2ebiro bibiri omu Zikiragi: kikahika ha kiro kyakasatu, dora, omuntu yaruga omu rukande rwa Saulo, ebyokujwarabye bitemukire, nitaka liri ha mutwegwe: kandi nukwo obuyaizire hali Daudi, yagwa hansi na ramya. 3Daudi yamugambira ati Noruga nkaha? Yamugambira ati Omu rukande rwa Isareri nuho ncwire. 4Daudi yamugambira ati Okurwana kukaba kuta? Nkwesengerize ontebeze. Yagarukamu ati Abantu bairukire omu bulemu, baingi abantu abafire; na Saulo na Yonasani mutabaniwe bafire nabo. 5Daudi yagambira omusigazi ayamutebize ati Iwe omanyire ota Saulo na Yonasani mutabaniwe bafire? 6Omusigazi ayamutebize yagamba ati Obunahikire, ntamanyire, ha rusozi Giriboa, dora Saulo akaba ayesimbagirize ha icumulye kandi dora, egali nabahambarasi nibamukuratira haihi. 7Kandi obuyarozire enyumaye yandora yanyeta. Nyowe nayetebuka nti ndi hanu. 8Yagambira ati Niwoha? Namugarukamu nti Ndi Mwamaleki. 9Yangambira ati Nkwesengerize oyeme’re ha rubaju rwange onyite, baitu obusalizi bubkwasire; baitu obwomezi bwange bukyomire omuli nyowe. 10Nukwo namweme’raho namuita, baitu nkamanyira kimu Tasobora kuikara ali mwomezi amazire okugwa: kandi nakwata enkondo akaberi ha mutwegwe, nekokomo ekikaba kiri ha mukonogwe, mbiresere hanu hali mukama wange. 11Nubwo Daudi yakwata ebyokujwarabye yabitemura; nabantu bona abakaba bali nauwe nukwo (bakora) bati: 12Batera empamo, niba’ra nibasiba enjara okuhikya akairirizi, habwa Saulo na Yonasani mutabaniwe, nabantu ba MUKAMA, nenju ya Isareri: baitu bakagwa na busitama. 13Daudi yagambira omusigazi ayamutebize ati Oli wa nkaha? Yamugamurukamu ati Ndi mwana womunyaihanga Omwamaleki. 14Daudi yamugambira ati Kiki iwe okutatina okugo’ra omukono gwawe okuita ogu MUKAMA ouyasesereho amagita? 15Daudi yayeta omu ha basigazi nagamba ati Mu’re haihi, omugwere. 16Yamutema yafa. Daudi yamugambira ati Esamaga yawe ebe ha mutwe gwawe; baitu akanwa kawe kakunyegerire ngu Nyisire ogu MUKAMA ouyasesereho amagita. 17Kandi Daudi akali’ra Saulo na Yonasani mutabaniwe nempamo zinu: 18kandi akaragira okwegesa abana ba Yuda ekizina ekyobuta: dora, kikahandikwa omu kitabu kya Yasara. 19Ekitinisa kyawe, ai Isareri, kiisirwe ha biikaro byawe ebiraihire! Emanzi ka zigwire! 20Mutakitebeza omu Gasi, Mutakidumira omu makute ga Asekeroni; Abahara ba Bafirisiti batasemererwa baleke okuhaisiriza. 21Inywe ensozi za Giriboa, hatagwa enjura norume halinywe, Nobuhokuba emisiri yebihongwa: Baitu nuho engabu yemanzi yanagirwe kubi, Engabu ya Saulo nkataraseserweho amagita. 22Ha samaga yabaisirwe, ha bisajwa byamanzi, Obuta bwa Yonasani butaruge enyuma, Busitama ya Saulo etagaruke kwonka. 23Saulo na Yonasani bakaba bali barungi, kandi bokusemeza omu bwomezi bwabu, Nomu kufa kwabu batabaganizibwemu: Bakiraga isamba okwanguha, ‘Bakiraga entale amani. 24Inywe abaisiki ba Isareri, muli’re Saulo, Ayabajwekaga ebirukunanata nebyomutoro, Ayatabiremu ezabu ha byokujwara byanyu. 25Emanzi ka zigwire omu bulemu hagati! Yonasani aisirwe ha biikaro byawe ebiraihire. 26Nintuntura habwawe, mugenzi wange Yonasani: Wansemezaga muno muno. Okugonza kwawe namberendi kwa mahano! Okukira okugonza kwabakazi. 27Emanzi ka zigwire, Nebyokurwanisa byobulemu bihwerekerire!