Swahili Bible2

8

1LERO Erisa akaba agambire omukazi ouyahumbuire omwanawe nagamba ati Imuka, ogende iwe nabenju yawe, ogonye nambere orakasobora okugonya hona: baitu MUKAMA ayesere enjara okuija: kandi erigwera ha nsi emyaka musanju. 2Omukazi yaimuka yakora nkekigambo kyomusaija wa Ruhanga okukikaba kiri: yagenda hamu nabenjuye, yagonya omu nsi Yabafirisiti emyaka musanju. 3Kandi kyahika emyaka musanju obuyahoireho, omukazi yaruga omu nsi Yabafirisiti yagaruka: yagenda okukunga omukama habwenjuye nobutakabwe. 4Kandi omukama akaba nabza na gehazi omuhereza womusaija wa Ruhanga nagamba ati Ongambire, nkwesengerize, ebigambo byona ebikuru Erisa ebiyakozire. 5kandi kyahika, obwakaba natebeza omukama okuyahumbuire ogu ayafire, dora, omukazi ouyahumbuire omwanawe yakunga omukama habwenjuye nobutakabwe. Gehazi yagamba ati Mukama wange omukama, onu nuwe mukazi ogu, kandi onu nuwe mwanawe omwojo, erisa ouyahumbuire. 6Omukama obuyakaguize mukazi, yamutebeza. Nukwo omukama yamutaho omunyakihanda omu nagamba ati ga’raho byona ebikaba biri bye, nebyana byona ebyemisiri okuruga ha kiro obuyarugire omu nsi nokuhikya hati.

7Kandi Erisa Yaija damasiko; kandi beni-hadadi omukama wa Aramu akaba arwaire: bamugambira ngu Omusaija wa ruhanga aizire hanu. 8Omukama yagambira Hazaeri ati Twara ekisembo naiwe omu ngaro zawe, ogende otangire omusaija wa Ruhanga okaguze ahali MUKAMA habwe nogamba oti Ndikira endwara enu? 9Nukwo Hazaeri yagenda okumutangi’ra yatwara ekisembo nauwe, ebintu byona ebi rungi ebya damasiko, ebirukuhimbwa engamira amakuni ana, yaija yayeme’ra omu maisoge yagamba ati, Omwana wawe Beni-hadadi omukama wa aramu antumire namberoli, nagamba ati ndikira endwara enu? 10Erisa yamugambira ati genda omugambire oti Mazimakwo olikira: baitu MUKAMA ayolekere nyowe okwalifa mali. 11Yamugumizaho amaisoge, okuhikya obuyakwasirwe ensoni: omusaija wa Ruhanga ya’ra. 12Hazaeri yagamba ati Mukama wange nalizibwaki? Ygamba ati baitu manyire akabi akolikora abana ba Isareri: enkomero zabu olizokya nomu’ro, abasigazi babu olibaita na busitama, olitera ha nkonge abana babu abato, nabakazi babu abali nenda olibakambura. 13Hazaeri yagamba ati baitu omuiru wawe kintu ki, aliembwa kwonka, akole ekigambo eki ekikuru? Erisa yagarukamu ati MUKAMA anyolekere okwoliba omukama wa Aramu. 14Nubwo yaruga ha Erisa, yaija hali mukamawe; uwe yamugambira ati Erisa akugambire ki? Yagarukamu ati Akangambira ati mazimakwo olikira. 15Kandi kyahika nyenkya. Yakwata ekyokwesweka, yakiibika omu maizi, yakita ha maisoge, kandi uwe yafa; Hazaeri yalema omu kiikarokye.

16Omu mwaka gwa Yoramu mutabani wa Ahabu omukama wa Isareri obwakabili omukama wa Yuda yehoramu mutabani wa Yehosafati omukama wa Yuda akabanza okulema. 17Akaba ahikize emyaka amakumi asatu mwebiri hayabandize okulema; yalemera emyaka munana omu Yerusalemu. 18kandi yagenderaga omu mihanda yabakama ba Isareri, nkabenju ya Ahabu okubakozire: baitu akaswera omuhara wa Ahabu: yakoraga ekibi omu maiso ga MUKAMA. 19Baitu MUKAMA atagonze okuhwerekereza Yuda, habwa Daudi omuiruwe, nkokuyamuraganize okumuhaga obutosa etabaza habwabanabe. 20Omu birobye edomu ekemera omukono gwa Yuda, kandi bayeko’ra bonka omukama. 21Nubwo Yoramu yayambuka yagenda Zairi, negalize zona hamu nauwe: yaimuka ekiro yatema Abedomu abakaba bamwehingulirize, nengabwa ezegali: abantu bairuka omu hema zabu. 22Nukwo edomu yayemire ati omukono gwa Yuda, nokuhikya hati. Na Libuna nubwo yayemere omu kasumi ako. 23Nebigambo ebindi ebya Yoramu, na byona ebiyakozire tibihandikirwe omu kitabu kyebyomu businge bwabakama ba Yuda. 24Yehoramu yagwijagira hamu na baisenkuru yazikwa hamu nabainsenkuru omu rubuga rwa Daudi: Ahaziya mutabaniwe yalema omu kiikarokye.

25Omu mwaka gwa Yoramu mutabani wa Ahabu omukama wa Isareri ogwa ikumi nebiri, Ahaziya mutabani wa yehoramuomukam wa Yuda akabanza okulema. 26Ahaziya akaba ahikize emyaka amakumi abiri mwebiri hayabandize okulema; yalemara omwaka gumu omu Yerusalemu. Kandi ibara lya nyina nuwe Ataliya omuhara wa Omiri omukama wa Isareri. 27Yagenderaga omu muhanda ogwenju ya ahabu, yakoraga ekibi omu maiso ga MUKAMA, nkabenju ya Ahabu okubakoraga: baitu akabali muko womunju ya Ahabu. 28Yagenda hamu na Yoramu mutabani wa Ahabu okurwana na / Hazaeri omukama wa aramu omu Ramosi-gireadi: Abaramu bahutaza Yoramu. 29Omukama Yoramu yagaruka Yezereri bamurwaze ebihuta Abaramu ebibamuhutaize, omu Rama, obuyarwaine na Hazaeri omukama wa Aramu. Kandi ahaziya mutabani wa Yehoramu omukama wa Yada yasirimuka okurora Yoramu mutabani wa ahabu omu Yezereri, baitu akaba arwaire.