Swahili Bible2

7

1ERISA yagamba ati Muhu’re ekigambo kya MUKAMA: nukwo agambire MUKAMA ati Ijo nkakasumi kanu ekiibo kyensano enungi kirirgurwa sekeri, nebiibo bibiri ebya sayiri birigurwa sekeri, omu irembo lya Samaliya. 2Kandi omunyoro omukama ouyayigamire ha mukonogwe yagarukamu musaija wa Ruhanga yagamba ati Dora, MUKAMA obwalikora ebihengezi omu iguru, ekigambo eki kyakusoboire okubaho? Yagamba ati Dora, olikirora namaiso gawe, baitu toliryaho.

3Kandi hakaba haroho abasaija bana abebugenge omu mulyango gwirembo: bagambirangana bonka na bonka ngu ntuika’ra ki hanu okuhikya obutulifa? 4Obuturaba ntugamba ngu Turataha omu rubuga, enjara eri omu rubuga, kandi turaferayo: kandi obuturaba ntuika’ra hanu, turafera hanu. Nukwo muije ‘nu, twehongere ihe Ryabaramu: obubaratuganyira turaba bomezi; kandi obubaratuita turafa kwonk. 5Baimuka ekiro okugenda hali orukanda rwabaramu: kandi obubaizire nambere orukande Rwabaramu rwagarukire, dora tihaliyo muntu nomu. 6Baitu Mukama akaba ahulize ihe ryabaramu okuhi’ra kwegali, nokuhi’ra kwembarasi, okuhi’ra okwihe eringi: bagambirangane bonka na bonka ngu Dora omukama wa Isareri agulirire okuturwanisa abakama Babahiti, nabakama Babamisiri batugwere. 7Nikyo baimukira bairuka ekiro, basiga ehema zabu nambarasi zabu nenkaina zabu, orukande rwano nkokurukaba ruli, bairuka habwokujuna obwomezi. 8Kandi abebigenge abo obubuhikire nambere orukande rwagarukire, bataha omu hema emu, balya kandi banywa, baihayo efeza, nezabu, nebyokujwara, bagenda babisereka; bagaruka,bataha omu hema endi, baihayo nayo, bagenda babisereka. 9Kandi bagambirangana bonka nabonka ngu Itwe titurukukora kurungi: ekiro kinu kiro kyamakuru amarungi, kandi tuculire: obuturaba ntuikaraho okukiisa obuire turabonbonesebwa: nukwo muije ‘nu, tugende tutebeze abenju yomukama. 10Nukwo baija bayami’ra omukumirizi worubuga: babatebeza nibagamba ngu Itwe tuhikirege omu rukande Rabaramu, kandi dora, tihaliyo muntu nomu, nobulyakuba iraka lyomuntu, baitu embarasi zisibikire, nenkaina zisibikire, nehema nkokuzikaba ziri. 11Yayeta abakumirizi; bakitebeza abenju yomukama omunda. 12Omukama yaimuka ekiro, yagambira abairube ati Ndaboleka hati Abaramu ekibatukozire. Bamanyire itwe turumirwe enjara; nikyo batugire omu rukande okwesereka omu kisaka nibagamba ngu Obubaraturuka omu rubuga, turabakwata bali bomezi, turataha omu rubuga. 13Omu hali abairube yagarukamu nagamba ati batwale, nkwesengerize embarasi itano hali ezi ezisigaraho, eziikaire omu rubuga (dora, ziri nkekitebe kyona ekya Isareri, ekisigaire omu; dora, ziri nkekitebe kyona ekya Isareri ekyahwerekerire): tututme turole. 14Nukwo batwara egali ibiri nambarasi ibiri;omukama yatuma hali ihe Eryabaramu nagamba ati Mugende murole. 15Babakuratira okuhika Yorudani: kandi dora, omuhanda gwona gukaba guijuire ebyokujwara nebintu, Abaramu ebibanagire nibarahuka. Abakwenda bagaruka batebeza omukama 16Abantu baturuka, banyaga orukande Rwabaramu. Nukwo ekiibo kyensano enungi kyagurwa sekeri, nebiibo bibiri ebya sayiri byagurwa sekeri, nkekigambo kya MUKAMA okukikaba kiri. 17kandi omukama yaragira omunyoro ouyayigamire ha mukonogwe okulinda irembo: abantu bamulibatira omu irembo, yafa nkomusaija wa Ruhanga okuyagambire, ayagambire omukama obuyasirimukire namberali. 18kandi kyahika nkomusaija wa Ruhanga okuyagambire omukama ati Ebiibo bibiri ebya sayiri birigurwa sekeri, nekiibo kyensano enungi kirigurwa sekeri, ijo nkakasumi kanu omu irembo lya Samaliya. 19kandi omunyoro ogu yagarukamu omusaija wa Ruhanga nagmba ati hati dora. MUKAMA obwalikora ebihengezi omu iguru, ekigambo eki kyakusoboire okubaho? Kandiyagamba ati Dora, olikirora anamaiso gawe, baitu toliryaho: 20nukwo kyahikire kiti namberali; baitu abantu bakamulibatira omu irembo, yafa.