Swahili Bible2

6

1KANDI abana ba banabi bagambira Erisa ngu Dora ‘nu, ekiikaro nambere turukuikara omu maiso gawe tukifunziremu. 2leka tugende tukwesengerize, hali Yorudani, tuiheyo omuntu wena enyomyo emu, tweko’ra hanu ekiikaro tukiikalemu. Yagarukamu ati Mugende. 3Omu yagamba ati Ikiriza, nkwesengerize, ogende bnabairu bawe. Yagarukamu ati Ndagenda. 4Nukwo yagenda nabo. Obubahikire Yorudani batema emiti 5Baitu omu obwakaba natema enyomyo, endyamiti yakuka yaragara omu maizi: yayami’ra nagamba ati Mawe, mukama wange, baitu nkagitiza. 6Omusaija wa Ruhanga yagamba ati Eragaire nkaha? Yomwoleka ekiikaro. Yasara akati, yakanaga omu, ekyoma kyaibu’ruka. 7Yagamba ati Kitwale namberoli. Yago’ra omukonogwe yakitwara.

8Kandi omukama wa Aramu akarwana an Isareri; yahanura nabairube nagamba ati Bunanka nuho haliba orukande rwange. 9Omusaija wa ruhanga yatumira omukama wa Isareri nagamba ati Oyerinde oleke okuraba bunanka; baitu nuhoku Abaramu basirimukire. 10Omukama wa Isareri yatuma hali ekiikaro omusaija wa Ruhanga ekiyamutebize namuhabura; yayejunayo omurundi gumu kandi ebiri nokukiraho. 11Kandi omutima gwomukama wa aramu gwabihirwa muno habwekigambo eki; yayeta abairube ya bagambira ati Timunyoleke ogu owomulitwe ali habwomukama wa Isareri? 12Omu hali abairube yagamba ati nangwa mukama wange omukama: baitu Erisa nabi ali omu Isareri, nuwe atebeza omukama wa Isareriebigambo ebyobaza omu kisika kyawe ekyokubyamamu. 13Yagamba ati Gende orole namberali, ntume ‘mutaba’re. bamugambira ngu Dora ali omu Dosani. 14Nikyo yatumirayo embarasi negali nihe erikoto: baija ekiro bayehinguliriza orubuga. 15Kandi omuhereza womusaija wa Ruhanga obuyaimukire nyenkya kara yaturuka, dora ihe nembarasi negali likaba lyehingulirize orubuga. Omuherezawe yamugambira ati Zituboine mukama wange, turakora tuta? 16yagarukamu ati otatina: baitu abo abali naitwe nibakira obwingi abo abali nabo. 17Erisa yasaba nagamba ati MUKAMA nkwesengerize oigule amaisoge arole. MUKAMA yaigura amaiso gomusigazi; yarora: kandi dora, ensozi zikaba ziijuire / embarasi negali okwehinguliriza Erisa. 18Kandi obubasirimukire namberali Erisa yasaba MUKAMA, yagamba ati Ita amaiso gabantu banu nkwesengerize. Yaita amaiso gabu nkekigambo kya Erisa okukikaba kiri. 19Erisa yabagambira ati Gunu tiguli muhanda, kunu runu tiruli rubuga: mukuratire nyowe, ndabatwara hali omusaija oumurukuse’ra. Yabatwara Samaliya. 20Kandi kyahika obubatahire Samaliya, Erisayagamba ati MUKAMA, igura amaiso gabasaija banu bahweze. MUKAMA yaigura amaiso gabu barora; kandi dora, bakaba bali hagati ya Samaliya. 21Omukama wa Isareri yagambira Erisa obuyababoine ati Isenyowe, mbateme?mbateme? 22Yagamba ati Otabatema: wakugondeze okutema abo abohamba na busitama yawe nobuta bwawe? Taho ebyokulya anamaizi omu maiso gabu, balye banywe bagende hali mukama wabu. 23Yabategekera ebyokulya bingi: obubamazire okulya nokunywa, yabohereza, bagenda hali mukama wabu. Kandi ebihanda bya aramu byeleka okuija omu nsi ya Isareri.

24Kandi kikahika hanyuma yebi, Beni-hadadi omukama wa aramu yasoroza iherye ryona, yatemba yagota Samaliya. 25Enjara nyingi yagwa omu samaliya: kandi dora, barugota, okuhikya omutwe gwenkaina obugwaguzirwe sekeri kinana, kandi ekicweka ekyakana ekyekibindi kyobusa bwamaiba bwagurwa sekeri itano. 26Kandi omukama wa Isareri obwakaba nahinguraho ha muhuruzi, omukazi yamukunga magamba ati Njuna, ai mukama wange omukama. 27Yagamba ati MUKAMA obwatakujuna, nyowe ndakujtna nta? Rundi nebomu rubuga rwokuhu’raho rundi nebyomu ndeba? 28Omukama yamugambira ati Obaire ki? Yagarukamu ati leta omwana wawe omwojo tumulye hati, kandi tulirya omwana wange omwojo ijo. 29Nukwo twacumba omwanawange omwojo twamulya: namugambira ha kiro kya ijo nti Leta omwana wawe omwojo, tumulye: kandi aserekere omwanawe omwojo. 30kandi kyahika, omukama obuyahulire ekigambo byomukazi yatemura ebyokujwarabye; (lero akaba nahinguraho ha muhuruzi); abantu barora, kandi dora, akabanyina ebitengo omunda ha mubirigwe. 31Nubwo yagamba ati nokukiraho, omutwe gwa Erisa mutabani wa Safati obuguramuikaraho hakiro kinu. 32baitu Erisa akaba aikalire omu njuye, nabakuru baika’ra hamu nauwe; omukama yatuma omukwenda okuruga omu maisoge: baitu omukwenda atakaizire namberali, yagambira abakuru ati Murole hati mutabani onu owomuisi okwatumire okunyihaho omutwe? Murole, omukwenda obwaraija mukingeho oruigi, mumugumizeho kimu oruigi: enswaswa zebigere bya mukamawe tiziri enyumaye? 33Obwakaba nabaza nabo, dor omukwenda yasirimuka namberali: yagamba ati Dora akabi kanu karugire hali MUKAMA; nyowe ninkirinda ki MUKAMA?